今晚亦有一則笑話添!
因為買了太后至愛的燒腩仔同觀達莱(又名豬乸莱)、但佢堅持自己煮(以前佢做大厨、其他執碼係我地做)、見2016最後一晚順吓佢意啦。。。。点知煮完就出事啦。。。。碟菜d油重多過碟莱。。。。唉!点知食的時候我問佢有冇搅錯呀、落咁多油?佢答我。。。。我幾時有入過廚房啫、我立刻0晒嘴。。
自從le幾日电視又有烹飪節目(亞爺廚房)、又偷到師喇!
近期的亞爺廚房、(本人覺得冠絕以往的烹飪節目)、可能是同自己年紀近卦。
以下的一款煲仔飯係用鮮潤腸釀入BB鴿、再加羗蒜乾葱茸加入(玫瑰露不要太早落)醃吓、再放入煲仔飯(刚收水就要加入)、慢火焗至飯及鴿熟、放上芫茜葱、再淋上煮過之豉油(老、生、抽加糖)便成。
温馨提示。。。。年紀大不可多吃、少吃多滋味!
今年提早回顧過去2016的点点滴滴、相信2016係我自1997以來最充實的一年、尤其自從有机會參加咗一個銀髮模特兒訓練班後、不慬擴濶視野、更認識到一班充滿正能量的新朋友、令到我不再做井底之蛙。
回望過往的日子將大部的人生專注在太后身上、而分略了自己、希望在往後剩餘(不太多)的日子、好好地重新掌握在自己手中、便於願足矣!
重申对於太后的関注我亦無怨無悔、因為沒有她的善心、亦沒有我的存在、我亦會继續对外婆及先父的承諾好好地侍奉至她們再團聚。
希望在未來2017能重拾信心、相信自己的明天會更精彩。。。。感恩!
(圖片來自網絡)
今晚要去聖誕>趴地<
所以做佐40粒新產品。。。。。芋头糯米糍。
芋头切片加糖、椰汁、蒸腍後再壓爛再搓成餡。
而皮就一如以往。。。。
糯米粉150gm
糖50gm
椰汁200ml
水25ml
盐1/8 茶匙
以上捞匀過濾再蒸约20分钟、分割成30gm一粒再包入约20gm的芋头餡(此份量可做10粒左右)、包入饀之後再轆過乾椰絲。