都會大學~早餐

近日發現另一處的地方吃早餐、一路以來淨曉得在廣場食早、午、晚餐、原來過了一條馬路（以前叫公開大學）、有飯堂同有cafe、昨天試咗飯堂的中式早餐、今日就扮吓鬼婆試番個西式的🤭

他們有兩個價錢、但相对嚟講都平一点、而且亦適合我这類「多心」的人~哈哈~😉

富記粥品~第二次

之前朋友帶我去過两三次、見三月份執笠、所以今日約了两位朋友去試吓佢嘅燒鵝同叉燒、顺便試埋蒸白鱔、又叫咗魚头豆腐芥菜湯、及弟粥！

整体嚟講都算ok、燒鵝就一般、反而叉燒好正、又腍又好味、白鱔都蒸得唔錯、可惜不是我喜愛的爽肉質感、魚头湯就縮咗水（連半個魚头都冇、加荳腐又要加$8）、及弟粥就維持到品質😉

總算執笠前試過一些小菜、走時才發現隔離還有間纯賣粥的舖添、想必老闆賣舖套現吧😅

鄰居中招~的午餐

終於輪到鄰居中招、亦係我回饋的時候、她原本下星期二回鄉探親、現在只能延期了😅

今早另一位韓國鄰居煲咗湯、分了一些给我們、我因為要返教會崇拜、回來後只煎了幾片魚比她、加碗湯回飯、自己就炒咗多少少飯（昨天剩低的雞扒炒蛋早餐）、簡簡單單就是🤭

自制炸『油糍』

細時常吃的一種「小食」、但現時「街賣的」很难食、雖然唔記得那種味道、但而家賣的一定不是以前我的年代那種出品、今日我試吓學人做（因前两天買咗個模）、哈哈~

太后以前成日講：「新屎坑、三日旺」、我諗而家只會旺一日🤭

味道点都好過街賣的、但型狀就衰咗一d😅😅😅

越南麵包的午餐

今天有個新朋友約咗我去九龍城食晏、佢帶咗我去食越式麵包同檬粉、原來都幾好食、下次可以多個選擇啦😋😋😋

那店舖位於龍崗道、每天十二時才開門🤭

富軒飲茶日

一早約咗契妹們飲茶、今次在富軒、她們说抵食、所以一早過咗海、維園有站、食完行了一陣便打道回府🤭🤭🤭

整体上都算滿意🤔

意大利青醬虾意粉

今早好忙、先返教會「查经班」、之後回到家中又忙住整乳鸽比朋友、所以搅到好晏才食午餐🤭

今次用咗一樽（早前係超市買的意大利青醬）、加咗一些急凍虾、煮咗碟意粉食就算！

美心的『無骨海南雞飯』

今天過海睇醫生、原本以為患了「灰甲」、经過醫生細心檢查、實際上是「甲床發炎」（是由於細菌感染咗腳甲而令到腳指公發炎、所以開了一星期「抗生素」、咁就承惠咗$900了、好彩有醫療卷幫補吓啫😅

之後回到住所附近發現美心最近做緊長者八八折的優惠、於是買了客「冇骨海南雞飯套餐」回家吃、估唔到又幾好食噃、加上價錢都算合理（$50）😄

雞肉云吞

之前買多咗云吞皮、今晚包了幾只「雞肉云吞」、有雞胸肉、雜菇、红蘿蔔、全部搅爛嚟做餡、好似幾健康咁🤭

老巴剎的晚餐

婆婆有位好朋友、知道我而家冇乜能力食好嘢、所以久不久都會帶我去見識見識、十分窩心❤️

昨天晚上又同老公帶我去間類似私房菜的「老巴剎」試東南亞菜式、他們叫咗Uber 過來接我、食完又用車送我回家、十分睇貼、昨晚的菜式十分好吃、從未食過、尤其是那碟「肉蟹金湯陳村粉」同「白切肉」（那片肉薄過張纸、原來是全人手切）😉

原來而家我身边有很多好朋友、不止对我照顧有加、令我深感人間有情、多谢上天给我的恩典💐

漢宝酒樓的「炸子雞餐」

今日又同了两位朋友去漢宝酒楼食这個餐、佢地都話『超抵』👏

當然我哋重食咗好多点心添、愉快地過了一個中午、之後各自歸家去🤝

最後有位朋友介绍我買咗隻澳洲出品的「冇咁容易升糖嘅米」添😄

利景酒家（舊榮華舖）

前兩天係YouTube 睇到有間新酒樓開業、聞說好抵、所以今日約埋契姐去試吓🤔

基本上除咗腸粉同灌湯餃唔係$20之外、其他点心都是$20、所以都算抵嫁、特別係個黑糖馬拉糕、正👏

廣場的茶皇殿晚飯

今晚同两位鄰居去咗廣場的「茶皇殿」食晚飯、我們点了「一蚊雞」的燒鵝、甜酸咕咾龍鳳球（虾同雞）、帶子蒸豆腐、涼瓜炆班腩、同瑤柱蛋白炒飯、味道唔錯、可惜有两個餸咸咗少少、大致上都ok!🤤🤤🤤平均$200/位

「照超声波兼电髮」日

等咗成年的照「超声波」日、返去瑪丽照、唔駛10分钟就搅掂、3月6日至返去睇報告兼覆诊🤭

之後約咗朋友係香港仔食早餐、食完去电吓個头髮、咁又搅咗一個早上啦🤪

簡約的午餐

由於今早要番「查经班」、所以只好準備一顿簡約的午餐😅

就是古法蒸鲩尾（冬菇、肉絲、薑絲加入調味: 豉油、豆粉、糖、生油捞勻）一齊蒸為之「古法」

再加碟菜心和半碗白飯就是😄

快樂就是簡單🤭

一個人的浪漫~情人節晚餐

今早行過超市、發現有心型牛排賣、而且特價、突然有一種『衝動』的感覺、不如、今晚煮一次『一人的浪漫』晚餐吧🤭🤭🤭

買了芋头南瓜、用上次買的急凍蟹鉗、做一個忌廉蟹肉南瓜湯、煎碟心心牛排跟蜜糖芥末汁、最后加杯果凍、好浪漫的一個情人節晚餐呢！

边一個話一個人唔可以浪漫啫🥰🥰🥰

貝殼粉的宵夜

昨晚本來沒吃飯、点知十点左右巳開始有点肚餓、所以起床摷吓有什麼可食！

雪柜有少許急凍虾、見有包開封咗嘅貝殼粉、於是快手快腳的用蒜茸牛油加虾仁煮咗細細一碟嚟食、亦加了少少茄汁添、味道都ok吖🤪

Home made回窩肉午餐

今日有些私事做、所以很遲才回到家、匆匆忙忙快快脆煮碟「碟头飯」就算🤭

用咗腩肉切片、椰菜、青红椒、豆板醬、甜麵醬、做咗「亂咁嚟」嘅回窩肉😅

星期日的午餐

一早返完教會崇拜、回家後同鄰居合作一人一餸、佢用香芹炆魚而我就用荷蘭炒帶子🤤

簡簡單單一餐飯就搅掂了🤔

湯麵午餐

今天食得簡單点、因晚上要同朋友食泰菜！

午餐的湯麵係准山麵、加了少少虾仁同帶子、幾條菜、味道都唔錯🤣

炸蟹鉗

以前逢去飲宴、好多時都有炸蟹鉗食、自從疫情後也很久沒有吃了、個人超喜欢这「炸蟹鉗」、但一來成本貴、二來功夫多、所以自己甚少整、但早幾天發覺有現成的蟹钳同虾膠賣、所以手痕痕又學人玩吓、雖然同酒樓相差少許、但口感還是不錯的🤤🤤🤤

沙律午餐

好耐冇食過草（沙律）、其實一d都唔平、超市一般包括一小片魚或肉、通常都要$50以上嫁🤭

今早買咗盒有煙三文魚嘅沙律、入面有两小盒法式芥末沙律汁跟埋、偶然改變一下口味都唔錯的🤔

蒸魚晚餐

換着以前的我、而家食的不是游水魚、會覺得「好惨」、但近年睇看了、曾经「擁有」、点都總好過「從未擁有」、世界不同了、人若原地踏步、永遠都處於「唔開心」的思唯中🤔

每一個经歷後都會有一個新的開始、所以千萬不要執着過去的風光！

昨晚的、實在感恩❤️🙏

幸福就是「滿足」目前所擁有🤭

炸子雞一人午餐

之前朋友介绍過係瓜灣漢宝酒楼有一人「炸子雞午餐」食、本來想去試吓（由於很久沒有食過的關係）、但新年期間沒有供應、今天特登落山去試吓、点知回復供應後、但轻微加了幾蚊價（都應該嘅、而家乜都贵）、成個餐$62+$9茶芥+再加一同一個外賣盒、最終係$80

不過有半边雞、諗落都算合理（由於我素來都細食、所以預先拎起一半比鄰居）🤪

文昌雞晚餐

今日運咗親戚的XO醬過小西灣比佢、之後試搭606去官塘（主要想试吓個路程是点行法）、之後去咗平時買開文昌雞的店（標記、街市对面）、買咗半只回家做晚餐、再煮多碟櫻花虾紹菜粉絲、同鄰居撐枱腳！一樂也🤤🤤🤤

幫忙日（速送食物）

我现在的時間分配得很好、每星期有两天返教會、两天出去同朋友聚吓或自己四處遊玩、两天幫忙日（看有什麼人需要幫忙）、一天休息日🤔

刚好今天要去小西灣给親戚送食物（因她最近有腰伤在身）、我给她煮了些食物送過去、今日煮了蓮藕炆腩肉、糖醋豬腳、做了些餃子同手打豬肉丸、能夠幫到別人、自己都開心嫁❤️

鑽石山『红樓』老顽童午餐

经幾過幾年的疫情、我們这個群組停顿咗数年、刚好有成员從澳洲返來、所以call咗幾位敍吓、今次的午餐係鑽石山地铁上蓋的新屋苑内、叫『红樓』、估唔到有意外的驚喜、隨咗大部份的点心好吃之外、價錢亦好抵、平均每人$100左右、唯一唔好吃的係「腸粉同陳村粉」、其他真係唔錯🤭😛

豬網油「五香肉卷」

我終於搵到「豬網油」、今日小試牛刀、先嚟碟「五香肉卷」😛😛😛

蒸魚晚餐

今日又浦街、浦到是成六点幾才回家、在街口撞到鄰居、叫我陪佢係山下的食店食個「蒸魚」晚餐、佢点了咗碟「薑葱蒸鲩魚腩」🤭

我影咗相當自己食就算🤪

油糍与豆腐花

今日全日浦咗响西灣河、一早去咗同契妹係大快活食早餐、之後在她家閒話家常（講舊事）、之後佢帶咗落樓下食油糍（以前細細個食的有蘿蔔絲餡嘅炸物）、但巳食唔番以前的味道咯、幸好那碗豆腐花超滑、但豆味就欠奉咯🤭

之後約埋契姐在「大快活」打边爐、搅到成八点幾才返家、咁一天嘅節目就完畢了🥰🥰🥰

墳場「探訪日」

自從疫情之後、似乎很久未去探過我家「太后」、見今日心情好、一早出去先探佢同其他亞叔、同亞嫲、之後再同契姐飲茶（但超難食）！

之後再落域多利道的基督教墳場探朋友（唔经唔覺原來佢走咗成年啦）🥲

最后乘搭971返回旺角、半天的「探訪日」完畢🤭

今日行程十分緊密、行咗萬幾步添💪

客家碌（鴨）

回看2014的時候曾经做過「客家碌鵝,、原來眨眼巳经過咗差不多九年啦🤭

由於現在住的地方有限、而且又沒有那麼大的煲用嚟「碌」、现在只能用「鴨」代替、程序同配料一樣、時間今次用了1個钟多一点！（是乎鸭的大細）