靚婆婆之迷你糯米雞

我平時喜歡在年中有鮮荷葉的時候做迷你糯米雞同荷葉飯。。但由於近來搬咗。。還未找到地方買。。唯有用乾貨頂癮先啦。遲d搵到新鮮的荷葉。。我一定要做荷葉飯。

心事

近日同朋友見面。。。大致上他(她)們都反影(搬離後)对我之看法。。。表面上我似乎開心咗很多。。。面容亦歡容不少。。。因為自從搬過來。。交了不少好朋友。。好鄰居。。。而且現在不用見到一些不想見的人。。。所以身心都健康咗好多。。。真真正正的重新過一些屬於自己的生活。。。(明天的事交由天決定)。。。現在最想過的生活就是如圖中所講。。。

(圖片來自網絡)

薑葱香芹炆魚卜

 原來这裡的魚檔而家要$3/個。。今早落街市見到有七個。。。一次過買咗嚟炆。。。除咗薑葱同香芹。。我加埋鮮竹同荳卜一齊炆。吸晒d味。。。好正。以前太后最喜歡用麵豉嚟蒸。。。每次我都要同魚檔讓十個八個。。因為以前的下價沒人要的魚卜。。變咗火窩的上品嘞。

誓不低頭之「傳統咸肉糭」

本來今年話過唔包糭(糯米那種)点知包了兩次(一次係小米加白米)、另一次係紅豆加白米)可能冇正統的配方。。。所以効果不太好。不是太硬就太腍。。而且唔夠『綿』

為了我的不屈不撓之精神。。。今次一定要成功才會罷手的。。。所以用番傳統的做法(開边綠豆+糯米)、個餡唔加肥肉。。只用咸旦同栗子。。。希望OK啦。

終於成功了。。。收手咯。。。因為要蒸成三小時。。。怪唔得街那些最平都17蚊/隻啦。。。

黑糖排骨/馬拉糕

最近買咗包黑糖。。。為咗快脆用埋佢。。。上網找食譜。。。终於找到心儀的两款。。。一是排骨(買咗包腩排)、平靚正。
另一個做法是跟咗「甜媽媽」的零失敗馬拉糕。。。雖不是古法。。。但勝在快。。。靚。。。正。。。

一心二用

記得以前有句話。。。「一心豈能二用」。。。無論做生意也好。。做人也好。。。若然兼顧太多。。。定必有失。。。点解我會咁講呢？

好似有些人。。。做生意的。。不停找商机。。。分別做不同類型的生意。。試問一個人豈能兼顧太多。。。若未能專心打理。。定必假手於人。。。倒头來若別人有心欺騙。。。得不償失。

又好似有些人有了太太。。又不停找女朋友。。年青時當然艷福無边。。。一旦東窗事發。。。尤其到了年老時。。。百病叢生。。。剩下的只是孤身一人。。。所以話啫。。。做人做事若「一心二用」。。。說到底一定是注定失敗。

好似自己當年養咗两隻狗狗一樣。。。鍚得一隻而另一隻又好似失寵一樣。。後來第一隻去咗彩虹橋之後。。。變咗專注在唯的一隻身上。。。覺得佢特別開心。。。所以同一道理。好似而家太后走咗。。我將全部的時間花在自己的身上。。。專注好多。

牛油曲奇

这款金桶牛油由當初的三十多元一罐去到今時今日六十五元一罐。。。。真係升得犀利嘞。

不過近年少做咗。。。所以今晚試做少許。。。。効果麻麻。。。做型唔太靚。。。好彩還很鬆化。。。應該有進步的空間。等好d心情再做多次吧。

週末的晚餐

今天沒有出街。。。下午時只做了一道『白汁蘑菇煙肉意粉』。。。再加埋一碗芥菜鯪魚球湯。。。十分滿足。

那白汁很容易做。。。炒麵捞(牛油+麵粉)慢火边推边加入雞清湯同鮮奶直至滑身。。。過濾後便成白汁。

内外美白(面膜加蛋白杏仁茶)

我係個「極之貪靚的人」。。。否则都唔會自稱做靚婆婆啦。。。。一早講定死咗唔會比人見。。。情願做『無言老師』。

因為發覺近日面部太多縐紋。。。原來这幾年為咗照顧太后搅到不理儀容。。。自己見到到唔開胃呀。

從今天起要注意身体健康之外。。。亦要注意面部的美白才是呢。

今早做了蛋白杏仁茶(太耐冇飲過啦)、之後留起d杏仁渣做面膜(杏仁渣。蛋。麵粉)、一舉兩得。。。内外美白。

探朋友

今天同Mosi入了去「恒安邨」探網友(龍哥)。。。佢請我地吃午餐。。。開心地談了两三小時。。。本來昨天晚上煲了個湯拎比佢。。点知卦住睇电视。。煲乾水。。
。重燶埋添。。

所以今朝嗱嗱臨整咗隻bb鴿比佢食當補數。。

第一個沒有「媽媽」的母親節

今年是一個伤感的『母親節』。。。因為母親走了。。。她去了一個遙遠的地方同她的母親團聚。分別了三十多年。。。希望佢能在另一個空間快樂地享受她的「母親節」吧。

同時今天亦去了大酒店送別先父的弟婦。。。我的嬸嬸。。相信她的家人亦會有個難忘的母親節。。。衷心希望現在還有母親的朋友們。。。珍惜現在的每一分同每一秒。。。因為緣份不知什麼時候會溜走的。。。

(圖片來的網絡)

變老的『心路歷程』

近日從电台中常常聽到的一首歌「初老」。。其中一句好深刻。。。就是「每個人的成長經過也是雷同」。。。
今天在長者中心看到的。。。都是曾經年青過。。。曾為社會付出過。。。看見年青的社工。。。回首當年自己也曾年青過。。。回到宿舍門口。。。又看見有雙老由外佣陪伴回家。。家人只送到門口就算。。。(看似由醫院回家)。。。眼前的情景不禁心中一沉。。。不期然对自己講。。。一定要保持初心(一旦沒有初心便會變老)。。。更加要注意身同心的健康。。。否则不如隨太后去了吧。。。所以自己不停要外出找節目。。。。保持心境開朗。。。要活得更精彩。

(圖片來的網絡)

只要心中如圖中的美丽花花。。。常常發放光彩。。。一定會常樂渡餘生。

花卷

Le輪成日學單堂的烹飪班。。。我宿舍下面有間勞
联的机構。。。有些工作坊。。上次學完芋角。。咸水角同彩虹芋蓉酥。。今天輪到學薯條包同花卷。。。因為是蒸的。。所以我可能會遲些實習吓。。其他要炸就免嘞。

尤於學了幾個钟。。有些同學早走了。。。留下數人。。所以每人分到成七八個花卷。

本來雪柜有些餡料腍住用來包餃子。。。但太多花卷。。。只好炒咗嚟夾住花卷當院餐食啦。

我的孤獨老人餐系列之早&晚餐

今日好乖。。。兩餐都自己煮。。。一來慳d。。二來又食得健康d。。。

今朝係蒸燕星。。。絲瓜菇菇湯
今晚係蒸肉餅(冬菇。。馬蹄。。同木耳絲)、同埋今朝的滚湯。

椰菜絲炆福建芋头米

上次係土瓜灣街市上面買到包米粉。。聽講係福建家鄉特產。。。幾好食。今日見雪柜重有香茅豬扒。。就加埋椰菜絲炆咗佢啦。反正今日落雨唔出街咯。

材料:

香茅豬扒數片(煎熟後切條)

米粉一排(先浸)

椰菜適量(最好多過米粉。。會好食d嫁)

做法:

先飛水米粉同椰菜

跟着用煎過豬扒的鑊炒椰菜同米粉。。。之後落水(我用史雲生雞湯。。方便不用其他调味)、跟着放入豬扒條。。炆至收乾水便OK。

士多啤梨骨

上次朋友送給我的士多啤梨。。。我用咗嚟做果醬。。。一來可做果茶。。。又可搽麵包。。今次用咗嚟做士多啤梨骨。

材料:

腩排粒(一包)我係百佳買的

醃料。。。首先腩排在水喉下沖洗血水。。。由深色慢慢沖洗至淡粉紅(目的係去盡血水)。。。之後加入古月粉。。盐。。糖。。蛋白。。。(臨炸時才加入生粉)。
士多啤梨果醬適量(加入白醋開至不杰身)

大火炸熟腩排(可先做)臨開餐再炸多一次。。。之後快手拌入醬汁。。千萬不要一次過落晒。。只要全部腩排有汁包着就OK。。。否则汁液太多會快脆腍身。。。原理同咕咾肉一樣。

士多啤梨醬「奶凍」

朋友今日來探我。。給我送來一盒士多啤梨。。。我將佢煮咗果醬。。。用途很多。。。可搽麵包。。。餅干。。。又可以做士多啤梨骨。。。今次用咗少許淋在果凍上。。。又靚又好食。

香茅豬扒

今日有朋友叫我教佢醃香茅豬扒。。我試吓在这裡簡單地分享吓啦。。。教就唔敢當嘞。。。因為各施各法。。。每個人都有自己的方法嘅。

我的做法大概如下:

梅头豬扒數片(我比較喜歡丹麥或西班牙的梅头扒)

用搥仔拍鬆兩面

加入醃料。。。我會先落薑汁。。。之後蒜茸。。。香茅拍碎。。古月粉。。糖。。。魚露。。少許老抽(做色用)最後才加入水同生粉。。落鑊煎時才加入油。

可跟菜飯一起食。