光波泰式焗雞翼

買咗雞翼本來浸瑞士汁、点知亞姐幫我斬咗、只好用泰式醃完再用光波再焗、估唔到又超好味喎。

材料

冰鮮雞翼六隻斬件

醃料

香茅、青檸汁、魚露、糖(我用椰糖打碎)、少少老抽(做色、可免)

做法

先用叉拮吓雞翼(入味d)、將醃料醃两小時以上、用光波200度焗約至金黄色便Ok。各人火路不同、自己調教。

麻醬菠莱

今日試做le個冷盤。。。。

材料

菠莱半斤洗淨去头(根部)

用油塩水灼熟揸乾水份
切段
淋上麻醬同芝麻

翠肉瓜虾仁餃子

我今晚食餃子！

材料

翠肉瓜、虾仁、滑蛋、免治豬肉

調味

古月粉、塩、豉油、糖、生粉、薑汁

餃子皮

麵粉、水、

搓好麵糰用濕布蓋住醒十五至二十分鈡。

包好餃子、放熱水煮至浮面、加蒜茸、醋、豉油、麻油跟食。

銀芽乾炒肉絲米

今晚炒碟米粉。。。。。銀芽乾炒肉絲米、當然又係現在我好钟意用的悦和醬油同生抽啦。

哈哈！

黑松露炒蛋早餐

今朝同學仔車我去食黑松露炒蛋早餐、順便買幾個麵包返屋企試吓！

我就覺得一般啫、可能比較喜歡黑松露醬多点。

蕃茄魚湯飯

今日大厦冇电、所以簡單煮碗湯飯就算！

材料

游水連尖一條起肉、其他煮湯
自家蕃茄醬一碗
節瓜一條去皮切粒

先將魚骨同蕃茄醬煮湯隔渣後加入節瓜粒同魚肉粒、煮好後放入有白飯之碗內、灑上葱花即成。

蕃薯椰汁糕的製作過程

因有朋友喜歡我的自創九唔搭八糕点、其實我都係係網上學番嚟再加以改良、並非咁好天份、承蒙厚愛不妨分享吓。

材料

蕃薯蓉500ml(可用紫心、或者任何颜色的蕃薯)

椰糖水1至2杯

椰汁400ml

木薯粉一包约500ml

椰絲做裝飾

做法

先將蕃薯去皮切片、用水煮腍、壓成薯蓉、留起水用作煮糖水、之後凍咗加入椰汁、開匀木薯粉、搅至冇粉粒、加入薯蓉(喜歡的可過濾、我覺得滑d)

之後搅匀分别蒸熟、拎出切塊狀or粒粒、轆上椰絲絲便可進食。

温馨提示。。。不用雪、做好後两三天内要吃完。

醃子薑之新版2015

由於遗失咗之前的食譜、今年改用新版的做法！

靚子薑五斤(去皮後得大約三斤半)

米醋3枝
水1枝
冰糖3包(1斤包)
紅椒2隻
盐约三湯匙用嚟醃子薑用

做法

子薑去皮後切粗塊洗淨、用粗盐醃後、放陰涼處吹乾。。。约二小時。

米醋加水、糖煲滚後(加入紅椒)、放涼加入巳吹亁之子薑、四至五天後可吃。

虾膠釀竹笙

今日去朋友家作客、負責一味餸、簡單買咗d虾膠、浸咗d野生竹笙、先修剪好、飛水釀入虾膠、貼片芫茜在虾膠面、浸入雞湯蒸熟、拎出湯用蛋白生粉水埋獻淋回面便可。清清地唔錯。

再戰亞婆瑞士雞翼

最近有朋友叫我教佢做瑞士汁、所以再做多次比佢睇啦。其實我冇乜秘方、只隨心咋！

材料

冰鮮雞翼六至八隻
斬去雞搥留回做其他、只要第二、三段
飛水後浸冰水候用

瑞士汁
生抽、老抽、水、各一份

其他配料
冰糖(自己喜歡的甜道)
八角、香葉、西芹碎各少許
薑葱適量

做法
用油先慢火煮冰糖至焦黄才落其他配料、最後放入生、老抽、水、慢火煮出味、隔去渣、放入雞翼浸约八至九分鈡(不用蓋上蓋)、之後熄火再浸多五至六分钟。。。。若多過八隻、時間自己調教啦。

亞婆椰香雞

日日落雨落到怕、今日留在家中抖一抖、但又手痕痕、一於整番個雞翼两味啦、雞翼留番做瑞士雞翼、雞搥一於做椰香雞、反正噚日做完個蕃薯軟糕剩低嘅。

材料

雞搥六至七隻
田師傅咖喱醬(近年覺得至正的)
椰絲適量
椰汁適量
干葱片

醃雞料

鼓油/薑汁

先用油爆香干葱片、椰絲、落雞搥、咖喱醬、水、炆至汁收剩少許、加入椰汁、上碟後再灑上少許椰絲/汁裝飾。

涼拌海蜇

噚日係南貨舖買咗一斤海蜇、飛完水唔見咗一半、怪唔得係外面食一碟仔都咁貴啦。

材料

浸發海蜇一斤

用大滚水飛水、立刻再用水喉冲洗10分鈡(其實正式要啤水幾個钟、為慳水预先準備定冰水)、之後放入玻璃盒浸冰水、放入雪柜雪過夜
第二天隔去水份、捞入雞粉同麻油、再放上碟中、隨意加入自己喜歡的調味……有人加陳醋、糖、我今次加麻醬、豉油、葱花、芝麻。

鮮百合杏仁茶

上次買瑪卡果時買咗少少鮮百合、但唔記得放埋入d湯料到、所以今晚加埋落杏仁一齊蘑、令到杏仁茶更加潤。

光波白汁芝士班塊焗飯

有朋友買咗個光波爐但唔識整焗飯、所以我寫個食譜教吓佢、step by step....應該得卦！

材料

班塊適量

先用薑汁、pepper、盐、雞粉醃下、捞入蛋王、再沾上(蛋白開匀麵粉)、半煎炸之後拎起候用。

白汁

牛油炒麵粉、加入pepper、盐、慢慢推入鮮奶同雞汁成白汁、過濾候用
(怕麻烦就用罐头白汁湯開水做、但話明冇咁好食嫁)

之後煲好白飯、放入焗盆、放上班塊、淋上白汁、最後灑入cheddar cheese碎在面、光波200度焗至焦黄便OK。

葬禮

一縷清煙化作雲。。。。從此人間不相見！

这两句說話聽起来很令人傷感、但亦係事實、一個曾經活生生的人當再没有生命時、躺在冰凍的棺木上、那怕是頂頂大名的人或是平平無奇的普通人、这亦是我le两日深深的領會。

一路以來我很怕参加任何的葬禮、除非至親、否則可免則免、不過為了一句对自己的承諾、我前两天去了一位父親多年的朋友、亦是我一位小學同學的父親、这位世伯是位長壽的長者、他亦差不多行盡他在世上的三萬天、最終亦要回歸天父的懷抱、对他而言、可以講係脱離这麈世的苦海、但对他的家人同朋友、總有份難捨的情意、往後的日子我再不能在回家途中遇上这位笑容風趣的世伯、最後唯有祝佢一路好走、寄望他朝天國再重逢吧。

炆南非鮑

上星期朋友托我同佢炆12隻南非鮑、拎上手知道有少許問題、坦白同佢講、我會盡力而為、因為心諗可能質素的原故、應該好難腍的、唯有試吓用以往炆乾鮑的方法啦。

果然炆咗两日都唔多掂、冇法啦、唯有寄望用刀叉切片食會好d卦。

牛肝菌蟲草花蒸雞

噚日買咗两隻雞肶、一隻做咗手撕雞、咁今日le隻就浸d牛肝菌同蟲草花蒸雞啦！

材料

雞肶一隻斬件

配料

少許牛肝菌、蟲草花、红棗。。。先浸後飛水再用油爆吓候用

醃雞

薑汁、古月粉、生抽、糖、生粉

先醃雞十分鈡、加埋配料大火蒸13至14分鈡就OK。

港式沙律配光波焗排骨

噚日係鴨脷洲又買咗一件排骨、叫老闆剧開三段、今日先焗一塊試吓新囗味先！

醃料有鬼佬黑醋、茄汁、喼汁、smoke paprika、龍舌糖漿、以上捞匀醃過夜、用光波焗熟跟港式沙律(罐头什果+蘋果)、又搅掂一餐啦。

麻醬手撕雞涼拌青瓜

噚日做完塩焗粉浸雞、今朝買隻雞肶浸熟做手撕雞涼拌青瓜、目的就係想試吓悦和樽芝麻醬、果然冇令我失望。

双牛(牛肝菌+牛油果)火腿粒炒三色飯

為咗清雪柜、今晚又食炒飯！

有浸咗d牛肝菌切粒、牛油果切粒、火腿粒、三色飯、加埋葱花、加少許魚露炒埋一齊、又攪掂嘞！

超級無敵魚湯通粉

休魚期在即、今日盡地一舖買咗斤好正的梳欏魚煲南瓜蕃茄湯、留起少少蕃茄同南瓜粒、再加少少牛肝菌煮咗碗通粉做晚餐。真係好好味呀。

四季塩焗粉浸原味雞

之前見網友Ovenmama用四季塩焗粉做沙薑雞腳、又跟吓風、果然快靚正！多謝分享咁容易方便的做法、做開無理由唔試埋浸雞、一樣快靚正、所以今日继續去入貨、睇嚟我可以取代周師傅個位嘞。。。嘻嘻。

大埔慈山寺

噚日有朋友申請到慈山寺的参觀配額、有幸有机會去大開眼界、果然十分五星級、非一般寺廟可比、全無煙火、環境很靚、值得一去看看。