年初十的晚餐

由於今日又要過小西灣幫親戚帶餸、所以三点幾我才回到家、雪柜的鲩魚尾雪了幾天、不好蒸嚟食、於是用了嚟滚湯、並加了些菜、再蒸少少臘腸嚟送飯便算了😋😋😋

年初九（長長久久）

話咁快又過完個農曆年、回憶这幾日同親朋戚友見面同拜年（这两三年的疫情停頓晒一切的交流）、發覺大家都老咗、有些甚至不存在、倍感唏噓、所以真係要活在當下、真惜現在的每一分、每一秒🤔

今早食梅子蒸排骨、蘿蔔煮自打肉丸+（少少虾皮）湯、十分惹味🤤

特式虾皮芋头煎餅

前日係fb見有人post咗個食譜、頗特色、那是用预先浸過之糯米加入芋头放电飯煲蒸腍搓爛、之後加少少乾粉（糯米粉）搓成麵糰、再分割成粒粒、搓圓按平成餅型、灑入少少水慢火煎香便可進食🤔

我「畫蛇添足」加入虾皮、五香粉嚟搓、之後再煎香、跟泰國雞醬食、好好味😋😋😋

鎮江肴肉

以前去食上海嘢、一定叫碟「鎮江肴肉」食、这冷盤原來都唔難整、我上網學咗個簡單做法、只要急凍豬手（可買咸豬手）一只、魚膠粉、雞湯、就咁簡單😄

先解凍、後飛水、加入盐、雞粉、香葉、胡椒粉、煲淋（我用高速煲、所以好快淋）、拆肉、切碎、放入玻璃兜、用雞湯座溶魚膠粉、可注入玻璃兜内、（湯高過肉碎三分之一左右）、放雪柜12小時、甩模後切塊、跟鎮江醋一起食😋

（年初六）馬鞍山團拜

日日咁食法、遲早變『肥婆婆』、今日又去咗馬鞍山同契妹/姐飲茶兼團拜、希望食埋今日就停一停、否則血糖同胆固醇超標囉🤭

😋😋😋

（年初五）海怡拜年飲茶

今日去完見醫生睇報告、一切正常、三個月平均血糖6.5、胆固醇4.1、唔知好定唔好嘅胆固醇好似2点幾同3点幾（醫生講得快聽唔清）😄

心肝皮肺腎都冇嘢喎（即係仲要捱落去喇）🤔唉！

之後去咗剪髮、剪完過咗「海怡」同姑姐飲茶兼拜年（兩年冇見）、不過佢的腦退化又差咗嘞！

飲完茶過香港仔百佳買「豬手」準備做「肴肉」、買完搭車返家、今日又行過萬步😄

好嘢💪💪💪

年初四（中港城）飲茶

今日契細佬夫婦嚟同我拜年、兼車我去中港城飲茶、他們好有我心、每年都同我做生日、又嚟同我拜年添、所以我成日都同自己講、好感恩、雖然母親不在、還有一班好愛錫我嘅朋友同契兄弟姊妹经常照顧我🤝🤝🤝🥰🥰🥰

福建炒飯

今天是年初三、俗稱『赤口』、不適宜出外拜年、就靜靜地在家休息休息吧🤭

中午在家煮咗碟福建炒飯、尤於沒有落街的関係、雪柜有什麼料就用什麼啦🤤

先用蛋炒咗碟白飯、再將帶子切粒、虾仁切粒、豬肉切粒、醃完飛水、预備定個汁料（蚝油、糖、老抽、雞湯）生粉水、落油先爆各樣肉、赞酒、落汁料、煮滚後埋獻、舖在飯上即成🥰

開年午餐

大年初二（開年）、同鄰居一齊食開年飯、一早起身煲咗個湯（眉豆、花生、蓮子、蓮藕、红蘿蔔、發菜、排骨）、蒸咗條馬友、荷豆炒豬肚、蒸清遠雞、蒜茸菜心、昨天的南乳齋、一共六樣餸😋😋😋

食完後鄰居去睇电影、我就留在家中煲定個糖水等她們回來飲、今次係煲「兒時的回憶」云吞皮糖水🤤🤤🤤

年初一的齋午餐

從小就食到老的年初一素午餐（南乳雜菜）就算现在信咗耶穌、都没有改變这習慣、因為这同信仰冇關、只係習慣性而矣😅

一般嚟講、食南乳齋再加一磚腐乳、是我每年的新年習慣🤭

團年飯2023、（送虎迎兔）

今年煮完餐團飯、攰到亞媽姓乜都唔知、由一早起身、買餸、整餸、煲湯、一直企咗成日、刚洗完碗兼冲埋涼、終於可以坐低抖一抖🤭

点解今年咁攰呢？原來同体力有關、真係一年不如一年啦、希望明年還可以吧😄

富记粥品（旺角）

一早落咗小西灣、搅掂親戚餐午飯、再落低幫佢預備的新年餸（南乳齋、冬菇蚝士發菜、鹵水乳鸽）、之後坐到二点半左右便乘搭118回九龍、先去富记（旺角）食碗及第粥（個人認為粥底比妹記好食）、再order咗個外賣餐（支竹炆牛腩、跟菜、白飯）、做今晚餐飯😋😋😋、之前係小西灣買咗五個澳洲甜柑、真係幾好食（$25/5）🥰

生煎包的下午茶

今天落了西灣河一轉、同契姐契妹飲茶、雖然地方坐得唔太舒服、但出品ok、之後再搭叮叮上北角、看看買唔買到乳鴿先🤔

因為應承咗親戚幫佢做幾隻過年😛

『揮春』

以前每逢過年、家中都買了很多不同形式的『揮春』、例如龍馬精神、新春愉快、一團和气、心想事成、等等🤔

今日教會的團契安排了有寫「揮春」同唱粵曲（當然是用聖经的句子）、我要求弟兄寫了2張揮春、分別是：「笑口常開、樂也融融」这是我今年的心願、希望能「心想事成」吧😄

亞婆XO醬虾仁炒麵

由於今日要返教會上「查经班」、所以回家後匆匆煮咗碟麵就算、用咗少少紹菜、自己做的XO醬、加入冰格的急凍虾仁、是是但但又一餐啦🤤🤤🤤

教會的姊妹很好人、見亞婆獨居的原故、所以送了包麵同臘腸比我過年、十分窩心❤️

有時覺得外人比自己的親人（可能他們不覺得我是親人吧？）還要好🤔

一人边爐煲（大快活）

今晚又同鄰居去大快活食一人边爐餐、佢食豬、我食牛、佢要皮蛋芫茜湯底、我就人參杞子湯底、超抵、又好食、本來$69、因有長者咭平$3、所以$66、我覺得好過上次的大家樂😂😂😂

平價雞抵食

之前有朋友介紹過超市有隻平價雞好抵食、以前$30左右、而家要$38啦、反正我食唔多、所以平平地就「化算」囉😛

今次我用四季盐焗雞粉先醃、再用电飯煲整熟佢、大概25分钟、凍咗後斬件、再淋上葱段赞熟油同少少蒸魚豉油便可進食🤤

双虾捞麵

瞓瞓吓又醒咗、無聊就寫吓嘢、昨日執了半日廚房、边到想死、而家年记大咗有点力不從心、抹廚房都要分兩次進行🤔

晚餐就是是但但煮個麵、加幾只急凍虾同加些虾籽灑上面就搅掂、今年連糕都唔蒸、食又唔多、唔想咁辛苦、現在分配每星期的時間、每星期两天去教會、兩天做自己happy的事、例如同朋友聚聚舊、食吓一人下午茶之類、預留一日幫吓人（例如最近幫個親戚照顧亞媽）剩下的兩天休吓息靈修吓或執吓屋等等、希望这樣的安排令自己生活充實一点吧🤔

豆排骨煲雞腳湯

網友（Thomas）前两天係fb分享了他兒時的一道「老火湯」、我今日又學吓煲嚟飲先🤤

一共有八樣豆類、花生、眉头、黑豆、腰果、蓮子、恣實、杞子、红棗、山藥（即鮮准山）、加埋果皮、排骨、雞腳

味道很濃同好好味👏👏👏

谢谢🙏👍

馬鞍山新港城飲早茶

一早入咗馬鞍山同两個契妹飲茶、佢地帶咗我去新港城有間唔知叫「乜乜漁港」、那裡坐得舒服、又唔貴、暢談一番之後便各自回家！

番到土瓜灣上咗「楼上」買櫻花虾、準備下星期再做XO醬分给她們當新年礼物😋

同朋友聚舊

昨天應承了親戚同她照顧母親半天、其實她母親是我表姐（母親的外甥）、在她家中逗留了幾小時、閒話家常、間谈中和她弟弟（我的表外甥）在对話中竟然發現他認識我的一位老朋友（世界真細小）、之後和一位數年沒有見面的網友在商場下午茶、互相细说这幾年的變化、當問及可有移民打算時、她说基於和先生的双方父母還健在、不忍心掉下父母在港、所以暫時還未有这概念、所以各人的取捨是缘於很多因素、每個人的抉擇只要為自己责就是🤔

暢谈之後我便乘車回家、簡單地煮了碟麵做晚餐😋

我現在十分真惜和每一位朋友相聚的每一個机會（因為不知明天會是如何） 🤭

（这張照是教友在前天的旅行中拍攝的、很喜欢現在的我、因為有了信仰、面上的戾气沒有了、哈哈~）

教會一天旅行團

今日參加咗教會的一日遊、行程十分豐富、由上午九時半至下午四時、在中環摩天輪附近解散！

第一站由「中環街市」開始、之後「大館」、中午去「杏花邨」食午餐、再去「山頂」、最后去搭「摩天輪」、由於個人畏高、所以沒有乘搭、最后搭回天星小輪返尖沙咀再乘8号巴士回家🤔

今日的行程十分豐富、愉快的一天👏👏👏

示範怎樣釀茄子

近日有親戚想知道怎樣釀茄子、由於我唔識拍片、只能好老套地拍幾張照片send比佢、再加少少的形容句子、希望佢能明白啦「亞婆的知識係咁上下嘞」🤭

其實除咗可以用鲮魚肉、免治豬肉、亦可釀虾膠之類、煮食是各式其式、冇所謂嫁🤪

同時亦整定蒜豆豉醬、煮完入雪柜、方便除時拎出嚟用、好實用的😋

「滑蛋帶子」碟头飯

昨天整個下午忙於同親戚做幾樽「靚婆婆私房XO醬」送礼、所以沒有煮什麼、忙完匆匆整咗碟「碟头飯」就算🤔

今次先將帶子「片開」加古月粉、盐、糖、生粉醃吓、飛水、（落水後一轉色便隔去水份）、先用少少油炒吓菜粒、落湯、加入帶子、快手兜勻、加入生粉水、熄火、加入雞蛋即成😋😋😋

身体檢查日（灣仔）

停咗五年嘅「衛生署長者身体檢查」又再次啓動、昨天收到通知一早要去到平時登記的中心（修顿）去檢查、做完抽血、心电圖、及其他檢查、換着以前的我一定忐忑不安、而家而心裡平靜、抱着「活得一天得一天」的心態~

過完年才返去睇報告🤔

之後走咗去吃過豐富的早餐、再去12蚊店買玻璃樽（幫人做XO醬）、就打道回府啦😂😂😂

唔錯的下午茶

今日係之前食意大利粉的小食店食了個唔錯的下午茶、有「蜜糖炸雞肶」同一柑桔檸檬茶、承惠$48、個人認為就偏貴了少少、但個雞肶又超好食、香脆得嚟又真係幾好味嫁😅