2023的蘿蔔糕

停了幾年的蘿蔔糕再次重臨、為了唔想嘥嘢、今次簡單地只用虾皮、青島貝做配料、因為手腳生疏了、唔知成不成功的😄

今次用了：白蘿蔔（淨肉）900gm

虾皮同青岛貝各適量

調味：糖、雞粉、盐、胡椒粉

干葱蓉適量

煮蘿蔔水200gm

先用干葱蓉爆香虾皮、青島貝、加入巳煮過之蘿蔔條（蓉）、之後隔去水、候用、用凍咗蘿蔔水開粉漿（粘米粉150gm+粟粉50gm）、之後加入炒過之料、加入調味、搅後放器皿蒸約一小時

家庭式福建炒飯

每次去酒樓都喜欢叫这個飯、因為濕濕地好入口

今次我的配料有：冬菇、瑤柱（青島貝）、菜梗、虾仁、帶子

獻汁用蚝油、雞湯、糖、老抽、生粉水

用蛋炒過白飯、放在碟上、再煮獻汁同餡料後放上飯面

第一刀（叉燒）

今早買到一塊豬肉的第一刀、又試下用叉燒汁嚟做

我这次用懶人的方法、先用高速煮6分钟、再轉回正常煮法、直到收汁為止、大概用咗15至20分钟左右最后入焗爐焗少少焦黃

咕咾素魚塊

今早拎出兩塊素魚塊做碟咕咾口味的

魚塊分成八件

先上麵粉、之後蛋漿、最后是蕃薯粉

炸至金黃色拎起隔去油份

準備料头：青紅椒、洋葱、罐头落菠蘿

咕咾調味汁：蕃茄膏、茄醬、糖、醋

回鑊料头、咕咾调味汁、快手兜入炸過之魚塊、最后加入少少糖漿便可上碟

椰汁雞煲

上星期做了瑞士雞翼比人、所以有很多雞搥剩低、今日買了芋头、一於做個『椰汁芋头炆雞』

首先將芋头切件、用油略煎吓、雞搥用酒、胡椒粉、塩、雞粉、醃吓略煎、用干葱爆吓、落雞湯加水炆至芋头腍、最后加入椰汁煮片刻即成！

特式南乳醬炆蓮藕排骨

这個特式南乳醬（南乳、蚝油、麻醬、老抽、糖）係上次炆南乳齋剩低的、今次試吓炆蓮藕排骨、下次就炆花生豬手、注意係要炆到「汁液刚刚」收好才好味

材料：

腩排適量（先用南乳醬醃吓）

蓮藕两節、切開拍扁

用蒜头起鑊、煎下腩排、再放入蓮藕、再加少少南乳醬、赞酒、加入水（蓋過食物面）、先大火煮吓、轉中細火、炆约20分钟、再大火主汁液刚刚收剩少許便可上碟

教會的120週年堂慶

今日又是主日崇拜、刚好是教會120週年堂慶、有幸邀請了神學院的褚永華牧師親臨講道、從褚牧師分享神的華語、獲益良多

講题是信服与增長

红棗合桃糕

这個糕是用糯米粉同木薯粉做的、煙煙un un 的口感、唔錯

材料：

木薯粉100gm

糯米粉60gm

糖適量

椰汁+水共180ml

紅棗適量

合桃適量

油少許

以上全部搅匀、放入搅拌机打過、放入器皿蒸約1/2小時

凍後放雪柜雪約1小時、切件進食

小西灣午餐

今日去咗小西灣同母親的姨甥飲茶、近日自己身体差了很多、加上她的姨甥（我叫表姐）亦有很多病痛、现在亦要坐輪椅代步、我們大家都去到這年纪、能見便見一吓啦🤔

这次表姐的女兒帶咗我去小西灣廣場的一間叫「百好」的酒樓飲茶、食物都算ok、探完佢之后我再落柴灣探吓我嘅契細佬、坐了一陣才打道回府🤪

与母親的表弟妹午餐

昨天同母親的表弟妹在沙田第一城对出的「會所一号」午餐、这是母親走後的第三次見面、现在母親的至親所剩無幾、見得一次得一次吧、近日自己身体常常發出警號、所以盡量找緊机會見面🤔

由我屋企出發大約45分钟車程就到、亦十分方便

食還是其次、我們開心地回憶兒時在他們家度過的每一次假期🤭

教會120週年團契聚餐

今天教會有團契聚餐、作為團契的一份子、我做了兩款食物、一款是外購（茄汁牛脷）、另一款自己做：盐焗手撕雞！

其他姊妹都分別煮了許多食物、有冬菇、炒飯、沙律、盐焗雞、白切雞、炆豬手、牛肋條、星洲炒米、意粉、菜等等、甜品有楊枝金露同啫喱

我們今日有差不多三十人出席、玩了差不多兩小時呢

🥳🥳🥳

黑豆云耳糖水

这個糖水是小時候的一種回憶、小時候街有個糖水伯伯、每天晚上便開檔賣这獨一無二的糖水

材料：除咗有黑豆、云耳、還有薑片、我今次加埋紅棗、更加有補血黑髮的作用

滑蛋牛肉炒飯

雖然只是半碗飯、為了完美的賣相、實在要花少少的心思、第一、買咗$34/牛肉、切片（分兩次用）、先用食用梳打醃吓（雖不健康、但要唔鞋的効果）、之後冲洗、吸乾水份、加入蚝油、糖、生粉再醃、一只雞蛋分兩種做法、一半用嚟炒飯、一半做滑蛋、之後加入少少菜莖（切片）、先炒、加入牛肉、赞酒、上湯、蚝油、少少鼓油、糖、生粉水、最后推入半份雞蛋（即成）

香蕉牛油蛋糕

似乎很多年沒有做過这蛋糕、今早見街市有很熟的「梅花点香蕉」所以又做番一次吧😄

材料：

1.梅花点（很熟）香蕉两條

2.麵粉120gm

3.軟牛油的90gm

4.糖約80克

5.鮮奶的50ml

6.蛋2只

7.盐1/8茶匙

8.發粉1/2茶匙（後下）

以上1至7全部放入搅拌机打勻

之後加入item8再捞勻

放預熱焗爐150度烤的30至40分钟

蓮藕栗子红蘿蔔湯

今早返教會前同鄰居煲定個湯、这個湯十分適合在秋冬季節時飲的！

材料有：蓮藕、栗子、紅蘿蔔、陳皮、排骨头

清洗雪柜

今日洗雪柜、顺便摷一摷雪柜那些食物、终於扔咗好多、有些還可以用的、就煮咗这兩款菜式比鄰居、唔好嘥嘢啦😄

巴東牛肉（牛筋腩）

这是一個快速又簡單的做法！

只用巴東醬、加椰絲、炒吓牛筋腩、加入水煮到收汁、最後加入椰漿便可

紅酒燴牛筋腩

今早有朋友请飲茶、飲完買咗两斤牛筋腩（超平$100）、返屋企用咗一半嚟用红酒燴

材料：

牛筋腩一斤

蕃茄2個

洋蔥半個

红蘿蔔1只

香葉一片

黑椒碎少許

紅酒一樽（細支）

蕃茄醬適量

茄膏適量

做法：

先將牛筋腩飛水

用油爆香料头、牛筋腩、赞酒、黑椒碎、茄醬、茄膏、炒勻之後落水、炆约45分钟、最後落埋红酒、炆至汁液收少便ok

釀涼瓜甫

昨天fb有網友post咗碟在街外吃到的涼瓜甫、我今天又玩吓、買咗條涼瓜、切開有七環、中間挖開、釀入碎豬肉同虾膠、走油（这會比較保持涼瓜不變色）

之後用蒜头豆豉爆吓、加入水、老抽、糖、雞粉煮約10分钟、之後埋獻上碟

韮菜餃+韮菜餅

今早同鄰居煲湯、自己就包咗些韮菜餃做午餐、有少少餡剩低、跟着包了幾只韮菜餅做下午茶😄

餡料除咗韮菜、碎豬肉

、還加了少少滑蛋、所以無論色、同味都好好添

菜遠滑肉河

昨晚炒咗碟「菜遠滑肉河」、買咗半斤湯河（我比較喜欢用湯河嚟炒）！

首先切片豬肉、菜心修剪成菜遠、河粉先炒、再準備定獻汁（蚝油、上湯、老抽、糖）、先快手炒肉片同菜遠、加入上湯獻、煮好後舖在河粉即成

南瓜雞肉飯

昨天買了一個小南瓜、今早用少少雞肉燉個「南瓜飯」

做法先將南瓜切開顶部、蒸到南瓜可以挖肉、之後將煮好的白米飯加入雞肉、炒吓、南瓜粒再燉多五的10至15分钟左右便可上枱🤤🤤🤤

塩焗手撕雞

今個月教會有大食会、為咗唔想到時失準（因為答應咗要煮兩樣食物）、今日特登買了隻三黃雞、試做一次塩焗手撕雞、試吓由醃到焗好再手撕要預備多少時間、費事到時失敗😅

先用四季塩焗粉醃雞一小時、再將雞每边焗20至25分钟、之後用手撕開放在已舖上青瓜絲的碟上、最后灑上芝麻

牛脷燴飯

自從上星期係街市的cafe食過牛脷意粉後、十分喜愛、本來叫老板同我做一條牛脷、方便用嚟夾麵包同做牛脷燴飯食、点知今早食早餐時、老板竟然送一整條做好的牛脷給我、感到十分意外、原來自己的人緣可以咁好😉

冬菇雞肉蒸飯

昨天又提煉了少少『豬油』、今天特别買了雞肶起肉、用了少少冬菇、和雞肶肉蒸吃碗飯、加入豬油、老抽、做個午餐吧😚

五柳黃花魚

今天突然好想食甜酸魚、於是走咗出街市買咗條黃花魚、再買咗樽『五柳』醬、返屋企將魚開边起肉、界花魚肉、上蛋漿、撲粉、炸魚、再煮五柳、加入茄汁、白醋、糖、生粉水、煮完淋在面上即成😅