本來再想做黄花魚、但一來体漁期、二來海黄花一魚難求、就算有都天價。
与其用養黄花、不如用桂花魚啦!
做法將魚两边肉起咗但唔切斷、花、用古月粉、盐、蛋液先醃、再上粉炸。
煮滚五柳莱同甜酸汁淋在魚面便OK。
本來再想做黄花魚、但一來体漁期、二來海黄花一魚難求、就算有都天價。
与其用養黄花、不如用桂花魚啦!
做法將魚两边肉起咗但唔切斷、花、用古月粉、盐、蛋液先醃、再上粉炸。
煮滚五柳莱同甜酸汁淋在魚面便OK。
我曾經在fb感慨地講過>人可以忘情、但、不可忘本<
在我字典中解作忘情、可以係愛情、友情、甚至親情、忘本。。。。我的解作係本質、本來的守則、但好多時人往往為了自身的利益、金錢的引誘、甚至周边的因素而將本來良好之N本性吹毁、世界之所以紛亂、皆因人忘記了>人之初、性本善<我相信就算是萬惡之人、原本都是善良的、只是當迷失了本性時、不懂得自我的反思。
>執<与>悟<
有人會覺得我癈話連篇、不過我從來都不賣什麽人的帳、一於唱所欲言、亦是>暫時<不用去住青山卦?
而且近日自覺身体欠佳(雖然個個都話我声如洪鐘、有排都未死得)、但世事無常、誰能誇囗、自己感覺自己最清楚。
亦有人曾經話我將自己之不快、發洩在别人身上、但可曾想過又是誰加於我身上呢?这不是惡性循還嗎?所以現在我>悟出<選擇在網上發洩總好過强加别人身上吧。
(圖片來自網絡)
之前大家姐的女兒一家回港探親、同他們去一家小莱館試到好正的咕咾肉、昨日自己又玩吓、効果出奇地脆身同好味。
我的做法如下。。。。
梅头豬肉切片、加入古月粉、盐、生粉、蛋漿醃吓、臨炸前上麵粉同粟粉(先混合)
其他料头有青紅椒、洋葱、菠蘿、甜酸汁
梅头肉上粉後先炸一次、拎起、臨食前再炸多次、之後先炒料头、回鑊梅头肉、快手倒入甜酸汁。
近日有子羗當造、加幾片落去重正添。
親愛的外婆
遠在天國的您生活好嗎?
今天是您的冥壽(116歲)啦、雖然您巳離開咗三十二年、但回想起您走時的深夜(1985)。。。。一幕幕的情景總是歷歷在目、揮之不去、每當諗起總是熱淚滿眶、沒有您的照顧、當年的我亦不知今處何方、感恩之心、永生難忘、為了回饋當日恩情、只能將太后(您的唯一女兒)守護至她同您再次重聚。
曾經在2010同您的女兒(太后)發生一段頗不愉快的經歷、致放手不再守護她、注成工人之失職、令她跌斷了大脾骨、經過數月之休養後雖能康復、但健康同病情(腦退化)亦走向下坡、自己亦因心病而求助於心理輔導、幸好最終亦能走出牛角尖、終能開竅。
近年自己亦處身婆婆系列之中、心有而力不逮、現只能監察着工人对他的照顧、算給您的回報、希望在天國的您能眷顧她的健康!
您的外孫女
泣上
噚日係生果報無意中睇到le個食譜、又跟吓風做番幾隻來實習吓啦、但為咗健康d、我唔落腩肉、其他照齊全部材料。
做出來d顏色無咁黑色、望落都有七成似、但味道如何就唔知(因未食過)!
我用的材料有、乾鱿魚、冬菇、栗子、咸旦王、花生、虾米、莱甫、干葱、鹵肉粉、老抽、糖
我嘅懒人做法將(冬菇、浸完用糖、生粉捞完再蒸過、咸旦、栗子煲腍、除外)各材料用鹵肉粉老抽、糖全部煲過、拎起、再將糯米浸入鹵汁幾小時、隔水再包入材料、拎去蒸。
朋友之前比咗個食譜我、好正、我畫蛇添足加入芒果粒、變咗>芒果果凍<
材料
3.6鮮奶约800ml
糖约65gm
魚膠片约12g加冰水浸溶
鮮奶加糖煮至微滚、千萬不要滚起、否则(奶會起皮)、快手加入浸過之魚膠片、搅溶後過濾過放入模内、雪约15分钟或半小時加埋芒果粒便OK。
經過多次的改進、今次做了數樽來送礼!
材料
芒果三只
(用二個半打茸、半個切粒做裝飾)
芒果啫喱粉2盒(用大滚水400ml開溶)
鮮忌簾240ml
(一半打至企身、另一半同芒果茸混合)
以上各材料用搅拌机打過、過濾、再加入打企身之鮮忌簾捞匀後再放入樽仔、最後放入芒果茸、雪凍便可進食。
最近这四個字不停在我腦海中出現、是學歷重要還品德重要呢?
當然两者兼備係最好、但魚与熊掌、二取其一、又如何抉擇、個人應為、還是選擇後者、因為沒有品德的人、無論學歷如何的高、能贃多少、若缺乏品德、不論对社會、家庭、做人都是個失敗者。
放眼看看、現今社會實在太多这類人的存在、令世界充滿不公平、假公濟私、為求目的、張開眼指鹿為馬、人的心根何在???
唉!这樣的世界、不值留戀吧。
(圖片來自網絡)
昨天陪朋友去完眼科、順便去九龍城買豆沙包梘水糉、見到有魚麵賣(我的至愛)、所以買咗少少今晚炒來食。
材料
魚麵
九莱
魚露
十分簡單、先用油爆香蒜片、加入魚麵、用筷子挑鬆、一边加入九菜、一边加入魚露、炒片刻便可上碟。
这四個字令我開竅、太后自患病而來、足足有七年、醫生曾說過、这類病人一般唔超過十年、所以曰子一天一天地倒數着、無論以前曾恨過、愛過、心理輔導姑娘的一句話。。。。。她現在是妳这世上唯一的親人、令我恍然大悟、終於>放下<
一路之來之心結!
日子一天一天的倒數、不知下一個母親節能否有机會同她渡過、現在可以的話、就是珍惜每一天、没有她從貧窮中帶我看到这個花花世界、今天的我亦不知英國在何處、所以一切一切盡在不言中、她的病、無能為力、可以做到的。。。守護她到最後一刻、於願足矣!
母親節快樂!
(圖片來自網絡)
前一陣見網友MaChung做咗le個夏天甜品、我又跟吓風、果然正!多謝食譜。。。。我改了少少份量、做法如下。
材料
打茸之芒果约一杯
另外芒果粒適量(裝飾用)
芒果jelly粉一盒
用200ml熱水開溶
加入芒果茸捞匀、過濾後
加入约120gm(我用打蛋机打至浮浮地)、再將以上輕手拌匀、放進模内、將芒果粒放面做裝飾、放雪柜雪凍食。
朋友從加拿大帶回一包紅莓比我、見好耐冇焗過曲奇、又玩番轉啦。。。。今次配方如下
材料
紅莓適量
低粉230gm
蛋一只
糖70gm
軟身牛油 140gm
以上搓匀再放雪柜一陣、拎出轆薄、用模吸出後用光波焗约12分鈡即可。
今日跟咗>老餅整老餅<個師傅個做法、做咗幾隻薯蓉雞批、雖然做法難少少、但都值得嘅、佢做批底用牛油搓、批面用豬油、所以功夫多d!由於我冇奶粉同臭粉、点都有点出入、是但啦、又唔係做嚟賣、過吓癮、完全冇問题喎。