甜酸五柳桂花魚

本來再想做黄花魚、但一來体漁期、二來海黄花一魚難求、就算有都天價。

与其用養黄花、不如用桂花魚啦！

做法將魚两边肉起咗但唔切斷、花、用古月粉、盐、蛋液先醃、再上粉炸。

煮滚五柳莱同甜酸汁淋在魚面便OK。

忘情与忘本

我曾經在fb感慨地講過>人可以忘情、但、不可忘本<

在我字典中解作忘情、可以係愛情、友情、甚至親情、忘本。。。。我的解作係本質、本來的守則、但好多時人往往為了自身的利益、金錢的引誘、甚至周边的因素而將本來良好之N本性吹毁、世界之所以紛亂、皆因人忘記了>人之初、性本善<我相信就算是萬惡之人、原本都是善良的、只是當迷失了本性時、不懂得自我的反思。

>執<与>悟<

有人會覺得我癈話連篇、不過我從來都不賣什麽人的帳、一於唱所欲言、亦是>暫時<不用去住青山卦？

而且近日自覺身体欠佳(雖然個個都話我声如洪鐘、有排都未死得)、但世事無常、誰能誇囗、自己感覺自己最清楚。

亦有人曾經話我將自己之不快、發洩在别人身上、但可曾想過又是誰加於我身上呢？这不是惡性循還嗎？所以現在我>悟出<選擇在網上發洩總好過强加别人身上吧。

(圖片來自網絡)

咕咾肉

之前大家姐的女兒一家回港探親、同他們去一家小莱館試到好正的咕咾肉、昨日自己又玩吓、効果出奇地脆身同好味。

我的做法如下。。。。

梅头豬肉切片、加入古月粉、盐、生粉、蛋漿醃吓、臨炸前上麵粉同粟粉(先混合)

其他料头有青紅椒、洋葱、菠蘿、甜酸汁

梅头肉上粉後先炸一次、拎起、臨食前再炸多次、之後先炒料头、回鑊梅头肉、快手倒入甜酸汁。

近日有子羗當造、加幾片落去重正添。

醃子

一年一度的子羗又當造啦。

今次見新出、又夠平、所以買咗两斤試吓先。。。。。不過、两斤只做到两樽咁大把咋。

為咗試新做法、特别用咗>HEINZ<的白醋、一樽946ml加一斤冰糖煮成的糖醋。

做法將羗去皮、部份切片、部份切角、洗淨後用盐醃约20分鈡、再洗過熟凍水、隔去水份後浸入白醋、再隔去白醋、拎起片放入樽、之後將白醋加入冰糖同一粒酸梅煮滚、凍後才放進有羗片之樽、放雪柜三天便可食用。

一人有一個萝想

追萝不限年齡、不同時段有不同的萝想、有幸今次被一間網上傳媒的邀請、分享吓現今去到暮年之萝想！

作為長者的我、亦希望有生之年過得精彩一点、便不枉此生吧！

咖喱海鮮茄子

今朝做完天婦羅炸虾同魚、有少少剩低、所以今晚加入茄子、蕃茄、椰汁煮咖喱、估唔到都幾好味喎！

給外婆的一封信

親愛的外婆

遠在天國的您生活好嗎？

今天是您的冥壽(116歲)啦、雖然您巳離開咗三十二年、但回想起您走時的深夜(1985)。。。。一幕幕的情景總是歷歷在目、揮之不去、每當諗起總是熱淚滿眶、沒有您的照顧、當年的我亦不知今處何方、感恩之心、永生難忘、為了回饋當日恩情、只能將太后(您的唯一女兒)守護至她同您再次重聚。

曾經在2010同您的女兒(太后)發生一段頗不愉快的經歷、致放手不再守護她、注成工人之失職、令她跌斷了大脾骨、經過數月之休養後雖能康復、但健康同病情(腦退化)亦走向下坡、自己亦因心病而求助於心理輔導、幸好最終亦能走出牛角尖、終能開竅。

近年自己亦處身婆婆系列之中、心有而力不逮、現只能監察着工人对他的照顧、算給您的回報、希望在天國的您能眷顧她的健康！

您的外孫女
泣上

(圖片來自網絡)

烤釀烏贼

今早冇意中係fb見到有網友整咗釀鱿魚、咁啱我上次剩低咗d台湾糭的餡料、一於買隻魷魚照板煮碗。

羅漢齋

每次初一同十五都係煮南乳齋、煮到悶晒、所以r今日玩突破、煮餐羅漢齋食吓先。

材料有。。。。

蜜糖豆、雪耳、馬蹄、粟米仔、發莱、紅蘿蔔、竹笙、

全部飛水後用羗片爆香、加入素蚝油、素上湯、煮至入味便可。

請客

有朋友來探太后、煮餐>家常便飯<招呼吓！

菜單有。。。。

豉汁蒸魚
咖喱雞翼
流心虾餅
青紅椒炒雞雜
上湯炒生莱
節瓜淡莱豬骨湯

雖然家常便飯、点都好過出街吃吧、一來貴、二來冇味精、三來食得舒服d。

台灣鹵糭之>A貨版<

噚日係生果報無意中睇到le個食譜、又跟吓風做番幾隻來實習吓啦、但為咗健康d、我唔落腩肉、其他照齊全部材料。

做出來d顏色無咁黑色、望落都有七成似、但味道如何就唔知(因未食過)！

我用的材料有、乾鱿魚、冬菇、栗子、咸旦王、花生、虾米、莱甫、干葱、鹵肉粉、老抽、糖

我嘅懒人做法將(冬菇、浸完用糖、生粉捞完再蒸過、咸旦、栗子煲腍、除外)各材料用鹵肉粉老抽、糖全部煲過、拎起、再將糯米浸入鹵汁幾小時、隔水再包入材料、拎去蒸。

3.6牛奶布甸(加芒果粒)

朋友之前比咗個食譜我、好正、我畫蛇添足加入芒果粒、變咗>芒果果凍<

材料

3.6鮮奶约800ml
糖约65gm

魚膠片约12g加冰水浸溶

鮮奶加糖煮至微滚、千萬不要滚起、否则(奶會起皮)、快手加入浸過之魚膠片、搅溶後過濾過放入模内、雪约15分钟或半小時加埋芒果粒便OK。

無蛋的樽仔芒果布甸

經過多次的改進、今次做了數樽來送礼！

材料

芒果三只
(用二個半打茸、半個切粒做裝飾)
芒果啫喱粉2盒(用大滚水400ml開溶)
鮮忌簾240ml
(一半打至企身、另一半同芒果茸混合)

以上各材料用搅拌机打過、過濾、再加入打企身之鮮忌簾捞匀後再放入樽仔、最後放入芒果茸、雪凍便可進食。

學歷与品德

最近这四個字不停在我腦海中出現、是學歷重要還品德重要呢？

當然两者兼備係最好、但魚与熊掌、二取其一、又如何抉擇、個人應為、還是選擇後者、因為沒有品德的人、無論學歷如何的高、能贃多少、若缺乏品德、不論对社會、家庭、做人都是個失敗者。

放眼看看、現今社會實在太多这類人的存在、令世界充滿不公平、假公濟私、為求目的、張開眼指鹿為馬、人的心根何在？？？

唉！这樣的世界、不值留戀吧。

(圖片來自網絡)

太后的晚餐

今晚炆咗苦瓜排骨、鲮魚肉芫茜煎蛋、鮮竹露筍雞卷、應該啱太后食、冇乜骨、容易入囗！

亞婆炒貴刁

唔知正唔正宗、所以叫>亞婆炒貴刁<

材料有

炒河粉半斤

虾仁、雞肉適量

咖喱粉1湯匙(用水開匀)

韭莱、銀芽、干葱片

調味。。。糖、盐、少少雞粉

虾仁同雞片先飛水

先用油爆過干葱片、加入河粉、炒片刻、顺序加入虾仁、雞片、銀芽、咖喱水、兜匀、最後加入調味同韭莱、捞匀後熄火上碟。

梘水荳沙/蓮蓉糉

去九龍城買咗荳沙同蓮蓉各半斤、噚晚漏夜開工、各做咗五隻、但發覺今次做得冇去年咁靚、要諗一吓當中做少了什麽步驟呢？

平時我失手後一定重覆做到滿意才停、但糭喎、点再做呢？

食死人咩！

炒潮州魚麵

昨天陪朋友去完眼科、順便去九龍城買豆沙包梘水糉、見到有魚麵賣(我的至愛)、所以買咗少少今晚炒來食。

材料

魚麵
九莱
魚露

十分簡單、先用油爆香蒜片、加入魚麵、用筷子挑鬆、一边加入九菜、一边加入魚露、炒片刻便可上碟。

櫻花虾栗子糉

本來今年唔打算包糭、嘅然中咗樱花虾毒、今年又玩一轉自創中日糉啦、点解我咁講呢？因為開边绿荳同糯米我加入日式三宝(鰹魚汁、味淋、同清酒)醃過、再加入樱花虾、中間包入咸旦王同栗子、之後再煲约一小時、熄火後再焗至水凍便可。

食時加入我的私房>樱花虾XO醬<一齊食、美味呢！

櫻花XO醬

近來用咗樱花虾同青岛元貝做個>平民版<的XO醬、超乎想像中咁好食、朋友想要樽大的、故此昨日趕製送比佢。

用樱花虾取代虾米、青岛元貝取代瑤柱、其他干葱、蒜头、指天椒、虾子、大地魚粉、豆板醬維持不變、便是我的>私房平民版XO醬<嘞。

做完硬要試吓味啦、所以煮咗碟>蘇記<云吞捞米獎勵吓自己。哈哈！

木薯椰絲軟糕

母親節整個彩色糕点慶祝吓啦！

亂搅一通希望好食吧。

滴水之恩、母親節2017

这四個字令我開竅、太后自患病而來、足足有七年、醫生曾說過、这類病人一般唔超過十年、所以曰子一天一天地倒數着、無論以前曾恨過、愛過、心理輔導姑娘的一句話。。。。。她現在是妳这世上唯一的親人、令我恍然大悟、終於>放下<

一路之來之心結！

日子一天一天的倒數、不知下一個母親節能否有机會同她渡過、現在可以的話、就是珍惜每一天、没有她從貧窮中帶我看到这個花花世界、今天的我亦不知英國在何處、所以一切一切盡在不言中、她的病、無能為力、可以做到的。。。守護她到最後一刻、於願足矣！

母親節快樂！

(圖片來自網絡)

芝麻、紅豆曲奇

今日摷嘢、比我摷到两包粉、芝麻同紅豆、又創吓新先！

滑嘟嘟的無蛋芒果布甸

前一陣見網友MaChung做咗le個夏天甜品、我又跟吓風、果然正！多謝食譜。。。。我改了少少份量、做法如下。

材料

打茸之芒果约一杯

另外芒果粒適量(裝飾用)

芒果jelly粉一盒
用200ml熱水開溶
加入芒果茸捞匀、過濾後
加入约120gm(我用打蛋机打至浮浮地)、再將以上輕手拌匀、放進模内、將芒果粒放面做裝飾、放雪柜雪凍食。

紅莓曲奇

朋友從加拿大帶回一包紅莓比我、見好耐冇焗過曲奇、又玩番轉啦。。。。今次配方如下

材料

紅莓適量

低粉230gm

蛋一只

糖70gm

軟身牛油 140gm

以上搓匀再放雪柜一陣、拎出轆薄、用模吸出後用光波焗约12分鈡即可。

又做大明星

https://youtu.be/DTJdu7sy_q8

回不了头

近來身体响起警號、加上菲佣到九月不再續約、太后又越來越(病情)加深、每天答問答不停(同一問题、今天不是過年、換咗神紅、亞婆巳死咗好耐。。。。等等之類)、有時諗到d抑鬱病又想發作。

以為加多一個人幫手可以輕鬆点、怎知個印佣經過两年不但没有改善、而且不停地>bully<個partner、我用五字真言來形容佢。。。。就是>北上的老公<回不了头就是。

回望過去、真的有点後悔選擇咗这條路、希望今個月驗到真的是cancer！冇眼睇落去。

益母草滚豬肝瘦肉湯

今早行過菜檔見有種好似芫茜的莱叫>益母草<

亞姐介紹可用作煎蛋同滚湯用、所以今晚食飯時試吓滚豬肝瘦肉、啖湯果然唔錯、好清甜。

薯蓉雞批

今日跟咗>老餅整老餅<個師傅個做法、做咗幾隻薯蓉雞批、雖然做法難少少、但都值得嘅、佢做批底用牛油搓、批面用豬油、所以功夫多d！由於我冇奶粉同臭粉、点都有点出入、是但啦、又唔係做嚟賣、過吓癮、完全冇問题喎。

麻辣玫瑰魚餃粉皮

原來我發覺自己都幾有做>東施<的天份喎！

这款莱式係星期五從电視中大廚的出品學的。

没有份量同配料(因為太快寫唔到)、靠記憶亂咁撞咋。

A貨日式飯糰

早前見網友高Ling做咗d好靚嘅日式飯糰、今日又東施上身、當然賣相唔靚、不過亦唔太差囉。

蜜糖芥末天婦羅雞柳

今日佛誕要食素、所以整完拎咗比人食！

因為包天婦羅粉開咗要快消滅、否则唔脆身。炸完灑上七味粉、夠惹味。

麻辣肉眼根

噚日出地鉄拎完麻辣醬回來、今日清雪柜見到有包肉眼根、咁當然試吓新搅作啦。

用银芽放碟底、賣相都唔錯嫁。