靚婆婆
2023年3月31日 星期五
涼瓜炆馬友魚
原來馬友切到薄薄片嚟煎好正、不過我今晚煎完用涼瓜片略炆、送飯一流呀😋😋😋
今天两條馬友$68/4蚊両、當然冇可能係「海魚」、而家有这樣的魚食都唔錯啦😉
我現在是個容易「滿足」的人嚟、以前跟着太后唔好嘅唔食、養成做「大嘥鬼」、所以有咗信仰真係令人改變不少嫁🤭
葡汁焗四蔬
為咗慶祝昨天照膀肛鏡沒有發現「水囊」的事、今天食吓素吧!
本來上次覆診時醫生說照超声波發現膀肛内有「水囊」、所以轉介去日間診所照膀肛鏡睇清楚、但昨天竟未發現到喎、突然有種感覺是「神蹟」呀、感謝主!
今次的焗四蔬:薯仔、红蘿蔔、洋葱同椰菜花、之後再焗多幾片麵包蘸嚟食、大滿足😋
2023年3月29日 星期三
香煎三文魚腩配節瓜魚湯
今晚又滾红衫魚節瓜湯、前幾天買咗包三文魚腩、加入香草黑椒煎香跟少少飯同節瓜、不過三文魚腩比較多油、下次都係唔買嚟食嘞、好鬼「漏」
沙煲虾醬雞
近日愛上咗用沙煲嚟煮嘢、今日買咗隻平雞、斬件後用咗1/3嚟做这個餸、首先準備干葱同薑片、雞件用虾醬、老抽、糖先醃約15分钟、先用鑊爆香干葱同薑片、再落雞件(因為要做焦焦地的効果)、赞酒、之後轉落沙煲加入約1至2湯匙水、继續煮多約5分钟便熄火、放入芫茜後焗約3分钟便可上枱
2023年3月28日 星期二
餃子皮~豆腐餅
由於今次做得太多豆腐餅、反正食唔晒、雪柜裡還有餃子皮剩低、一於玩吓新花款、用餃子皮轆大一些好似包小籠包咁包法、包住豆腐餅反轉再煎香嚟食、蘸些「泰國雞醬」一齊吃、果然又另一番風味😅
蒸釀豆腐午餐
一早起身個肚不太舒服、所以食清一点、買磚豆腐釀虾膠、煮少少栗子蕃薯飯食
剩低的豆腐虾膠加入芫茜葱、做些豆腐餅(留番今晚食)
🤤🤤🤤
2023年3月27日 星期一
廚餘炆米
臨近月尾又要慳住駛、摷吓個雪柜原來都有幾多廚餘、有節瓜、雞肶菇、红蘿蔔、西芹、幾只虾、全部一次過炆咗碟米粉、大大碟、自己食少少、其他分比鄰居食、大家都慳番一餐啦😋😋😋
2023年3月26日 星期日
沙煲蒸鲩魚腩飯
雪柜重有幾嚿鲩魚腩、用沙煲蒸少少飯、蒸好飯放魚腩在飯面、再淋上蒜茸、薑葱芫茜焗多一陣便搅掂、加入豉油熟油一煲過😅
早餐變午餐
近來發覺「越食越少」、莫非???
点都好、既然食唔晒、而家乜鬼都咁贵、所以轉吓個腦筋、改良後變咗碟美味嘅通粉就是啦!😅
自己推個白汁、加些松露醬、又成一道美味嘅午餐囉🥰
同場加映:同鄰居用雞肉、小棠菜、蛋炒埋碟冷飯食、不用做大嘥鬼🤔
2023年3月25日 星期六
雞肉飯+菜湯
昨天的雞肉同小棠菜有剩、不要嘥嘢、所以晚上(用雞湯)蒸咗碗雞肉飯、加埋小棠菜同雞湯、簡簡單單又吃飽了😚
生活就是如此的過、人老咗就要學識如何的『慢活』、不要再如年青時的「急速」😅
每天我都提醒自己嫁🤔
2023年3月24日 星期五
提子麵包
上次買多咗提子干、今日試吓又玩番轉、我大概的份量如下:
高筋粉350gm
湯種約60gm
(我用50gm高筋粉加100gm煮成)
原糖50gm
奶120ml
酵母約5gm
蛋1只(留起少少搽面)
牛油溶液約50gm
提子干適量
以上全部搓勻等發酵至两倍大
預熱焗爐200度、之後焗約15分钟(是乎各人的焗爐火路而定)
今次好似掂掂地
🤭🤭🤭
雞煨麵
这是我一路都喜愛的上海麵、雖然不知正確做的方法、但每次我都先用雞殼嚟煮湯、雞肶肉切粒加小棠菜煮成嫩雞、再放在准山麵(因個人不喜欢食上海麵)上、再淋入雞湯、每次我都吃得十分滿意嫁🤪🤪🤪
2023年3月23日 星期四
大制作之晚餐
由於今日两個鄰居一齊放假、所以我做咗一日廚娘、一早煲個龍躉骨豬骨蕃茄洋蔥薯仔湯、(因太多料要分两煲一起煲)、還有炒五絲(木耳絲、红蘿蔔、雞肶菇、露筍絲、肉絲)、露筍炒肉片、花生雞腳(昨晚炆定)😋
所以食完她們两人做洗碗的工作、我就可以坐低歎世界囉🤣🤣🤣
松露滑蛋早餐
今早天气好潮濕、周身関節很不舒服、所以只好在家吃早餐、那天買的松露醬、可大派用場啦🤭
先烘一片黑芝麻多士、搽少少牛油、快手炒只松露醬滑蛋、跟杯自製熱鸳鸯、又一個快樂簡單的早餐啦😉
『混醬』炆花生雞腳
昨晚炆定碟『混醬』花生雞腳今天食、通常炆嘅餸過了一夜更加入味的!
我的『混醬』包括蚝油、麻醬、辣豆板醬、磨豉醬、老抽、生抽、糖全部混合而成的🤭
所以個味有少少辣、十分惹味😉
2023年3月22日 星期三
彩椒炒帶子
今日是星期三、又是查经的日子、臨出去之前準備好一切的材料、蒸定半碗白飯、所以一放學後、回家後立即便可炒碟餸、一個人簡簡單單就是啦🤪
2023年3月21日 星期二
芥菜豆腐魚湯
今晚同另一位鄰居開餐、佢未食過我昨天的盐焗雞粉雞翼、所以今晚再做多次、另外買咗紅衫魚滾魚湯、再加芥菜豆腐又多一樣菜、全部都唔駛$100、点都健康同好食過街外啦🤪🤪🤪
2023年3月20日 星期一
沙窩盐焗雞翼
有時在fb裡面學到一些簡易菜式、都比較合適我們这些獨居的長者!🤤
今日要介绍的是用冰鮮雞翼、先用盐焗雞粉、豉油、糖、少少生粉醃過雞翼(約半小時)、再準備薑塊、干葱、芫茜葱
做法超簡單、先在沙窩内爆香薑塊、干葱、再落巳醃過之雞翼、蓋上蓋、在煲边淋入約三湯匙绍酒、中火煮焗約八分钟、熄火後焗多五分钟、開蓋入後加芫茜葱即成、好好味🤭
2023年3月19日 星期日
蘑菇白汁松露意粉
今早見食早餐的地方有樽特價嘅松露醬賣(原價$78、現在賣$38)、之前我十分抗拒松露的味道、原因覺得似火水气味(😅)、但今次又唔覺喎
所以由教會回家後、匆匆推咗個蘑菇白汁、煮咗一小碟意粉食、加入少少松露醬、都唔錯呢😄
2023年3月18日 星期六
週末一人午餐
星期六唔想出街、花少少心思整碟我至愛嘅「琵琶豆腐」食吓先、出街食通常唧埋一嚿炸完就炆、正宗的做法應該係將材料放在搽過油嘅湯匙上先蒸熟、再撲粉煎香(成一隻琵琶形狀)再用蚝油荳粉水獻埋汁、再放上煮好嘅菜上面的😋
再煮多碟蕃茄煮馬友魚同埋滚過蕃茄薯仔紅衫魚湯、一個人嘅午餐都可以好豐富嫁🤭
我嘅材料做琵琶豆腐:豆腐、虾膠、鯪魚肉、同蛋(调味就用古月粉、盐、雞粉、生粉)
Home made 星洲炒米
曾经好喜欢吃这炒米粉、昨天突然好想吃、走了去廣場買齊料、回家炒咗一碟、分別送给鄰居及自己享用🤭
我今次的材料有「鵝仔牌」米粉、青红椒、蛋、叉燒、虾仁、黃薑粉及咖喱粉
由於鄰居怕辣、所以少落咖喱粉、顏色比較淺一点色、其他方便都ok、味道方便亦不過不失啦😉
2023年3月17日 星期五
住家午餐(17.03.2023)
今天不出街、想清理一吓個雪柜、顺便摷吓有乜嘢在冰格、終於發现咗一隻雞肶、起咗肉切粗條用嚟炒青红椒絲、唐芹同洋葱絲、再蒸埋條「廿蚊雞」嘅黄腳立、話時話自己蒸得好過那天在外面吃的($108)、起碼唔會鞋颯颯、因黃腳立好難蒸得刚刚好、一過火就唔好食、这麼大的一條只蒸5分钟、熄火後焗多分一钟、刚好離骨🤭🤭🤭
2023年3月16日 星期四
同親戚們茶敘
三年的疫情將人与人之間的距離變得疏離、今日約了老豆的親人(亞嬸、姑姐、堂妹、堂弟、及表妹在柴灣的龍悦相見及飲茶)我們開心地暢談一番、由小時候的逸事一一再回味、當然老的那两位早巳冇晒記憶啦、遲些可能自己亦在她們其中吧🤔
我沒有什麼可送给他們、只在觀塘買了兩隻文昌雞分了四盒、分别送给他們、聊表少少心意吧🤭
之後回家途中经過旺角市政街市買了一打很好味的餃子(個人口味)做晚餐
現在十分珍惜和唯一的親人相聚的每一刻(父親那边家族)
2023年3月15日 星期三
住家飯
前一輪日日往街外跑、吃了不少酒楼的食物、其實是十分「不健康」的🤭
所以今日两餐都在家吃、早上返完「查经班」回家同鄰居開餐(有古法蒸鲩魚腩、灼菜、同南瓜红蘿蔔蓮子百合煲豬骨)
今晚就食埋韓國鄰居比的「牛仔骨」加埋法包同今早的湯
2023年3月14日 星期二
1881~半日遊
今日教會半天旅行团、全部招待我們这些長者、先去尖沙咀1881、再去富臨食午餐😄
其實目的是想長者們多些接觸外界(當然我这個老顽童只是湊合一吓)嘻嘻~
真搅笑🤭🤭🤭
較新的文章
較舊的文章
首頁
訂閱:
文章 (Atom)