亞茂系列之『腰果酥』

曾經食過至愛之「丽姐曲奇」腰果酥。。之後失聯咗。。有幾年買唔到。。前幾日又比我找到她的店鋪。。所以買咗一盒再品嚐。不過一盒得48粒又要成百元。。覺得有点貴。。。所以上網找咗個類似的食譜。。。一於自己焗吓嚟食。

圖中(一粒那碟)的是正印。。。其他的是「A」貨。。看看似不似？味道自覺都有六七成嘅。賣相當然就麻麻啦。
之所以喜歡这曲奇。。主要是用植物菜油做的。。應該比牛曲好一点吧。

簡易迷你杏仁餅

自從2017年做過这款自創的迷你版杏仁餅之後。。这两年都冇再做過。。前两天再做少少拎嚟送比朋友。

今次我大概記得的分量如下。。。

麵粉50gm**(之前係用綠豆粉的)
杏仁粉150gm
糖粉50gm
原粒杏仁適量(打碎)
固体菜油大约1/2杯
若覺太鬆散可加入少少水(令容易黏合搓勻)

以上全部混合後再搓成粉糰。分割成大约25至27gm(每粒計)、之後用月餅模吸出放進预熱之焗爐(150至170度)(上下火)、焗至微黄。。。候凍才鏟出進食。

紫薯蛋王酥

我今早用咗风梨酥個做法。。做咗幾個紫薯蛋王酥嚟玩吓。。今次只用牛油、糖粉、雞蛋同中筋、低筋搓皮。都算OK。

惹味的一人餐

 我而家年紀大咗。。食嘢好自制。。。由其是好多時不是想死就可以死。。如果躺床不能自理比死更難受。。。偶然次半次當令自己開心点吧。。。。

碟头飯+石崇魚湯的晚餐

今早煲完魚湯。。。留起今晚做晚餐。。通常我一個人晚上除非外出吃。。否则有時煮碗米粉或食個碟头飯就算。


今天將留起的魚湯。。。跟少少碟头飯(反正少少都食唔晒)。。。因為一個人冇乜興趣食。。。。是但食少少(方便食药啫)。

靚婆婆私房『獅子头』

好耐冇做这味餸。。見有塊方包剩低。又唔想嘥嘢。。於是乎加入梅头豬肉。。馬蹄碎同薑米。。加埋調味做咗碟好正嘅獅子头。。加埋剩底的紹菜(放碟底)。。。十分好味。

咖喱四宝

今日加多一宝。。係白蘿蔔。不過我唔捞埋一齊炆。。先用冰糖加水同雞粉烚淋蘿蔔。。之後放在碟底。再將用咖喱炆好的鱿魚鬚。。炸魚旦豬皮放上面。

今晚煮個米粉當食車仔麵囉。

我咖喱的配方有。。。咖喱醬。。沙茶醬。。甜醬。。蚝油。。老抽。。糖。。麻醬。。少少辣油。。全部做成混醬咁。。個人就喜歡这味道嘞。

第一個沒有了媽媽的『中秋節』

以往每年的中秋節飯後一定在平台上賞月的。。雖然在最後的幾年太后巳忘記很多事。。但只要对她說今天是中秋節。。。佢一定要我買齊生果月餅。。叫佢至愛的『所謂』仔女回來賞月。。。甚至去年還有这活動。

今年我同隔離師奶各自出了幾味餸在宿舍慶祝这節日。。。因為她今日要返工。。所以我們煮了午餐。。。飯後食少少我做的迷你月餅。。。同我至愛的生果做飯後甜品。今年香港立立亂。。。希望明年有個「太平」的中秋節吧。

金沙红豆蓉迷你月餅

这是今年最後的一批。。因為家用焗爐。。火候難控制。。所以自覺做得最好的才post上來。。。見笑了！

今次特登做咗少量金沙蛋王迷你月餅。。。不做全蛋王。。所以工序多了一些。。至於豆沙就唔自己做嘞。。除咗太多工序。。又食得幾得多吖。。只好外購啦。

新式「老少平安」

而家聽見個餸名。。。相信大家都同意現時各人的心情吧。。。

这個食譜我今早在电腦無意中見到。。覺得又幾啱我現時的心情同口感(因剝完牙還未好番)、送飯又一流。

材料除咗主角豆腐。。。還有鲮魚肉。。虾米。。冬菇。。。粉絲。捞完加入豉油。。豆粉。。。古月粉。。麻油。。糖各少許。。。蒸熟就OK。

迷你金華五仁月餅

本來話咗今年唔做傳統的月餅。。但近日心情欠佳。。日日立立亂。。又唔散周街走(除咗有必要)。。。唯有寄情於整嘢食。。可以暫時忘記d唔開心嘅啦。

今次自己整埋個五仁餡。。有南瓜籽、松子、杏仁、合桃、花生、芝麻、糖冬瓜、云腿。我唔喜歡有份量。。是是但但。。。又不是攞去賣。。。嘻嘻。。今次好彩傅都唔錯。。可能下次做唔番嫁。

不過做完要等两三日(回油)至好食。

34週年的死忌

1985(八月初七)是難忘的日子。。。因為揍大我的外婆正式離開这世界。。日子的過去並沒有令我遺忘她。。。今天又是她的忌辰。。。所以我去墳場給她送上鮮花。。。順道當重九拜埋太后同其他的親戚。

这些日子令我更想通一個道理。。無論貧定富。。美定醜。。。我們最後的歸宿都是一樣。。。真的不明白為什麼世界上的人類為了利益。。。金錢。。。爭過你死我活。。。近來的心情都因外边的亂局搅到不太開心。。。希望好快能雨過天晴。。。平安渡過自己的「晚年」吧。

预早的中秋飯局2019

本來今年是沒有中秋飯食。。尤於有親戚邀請我食提早的中秋節飯局。。所以今晚參与其中。。今晚一行七人(包括自己)、叫咗六個餸。。。都幾色、香、味。而且價錢都唔貴。。。全部承惠$650。