豉汁雞絲脆脆麵

近來發現咗一隻麵餅炒起嚟脆卜卜。。。有d似平時酒樓食的煎麵咁。。於是乎我走咗去超市買包雞柳。。加洋葱絲同用自己煮定的豉汁嚟做咗半個麵餅比自己做晚餐。。。雖然刀工就粗咗d。。。勝在好味搭夠啦。

南瓜椰汁糕

今日見雪柜有嚿南瓜。。唔知做乜好。。突然好想食南瓜椰汁糕。。。於於上網揾個食譜嚟玩吓啦。

材料:

黃色的部份

南瓜蓉150gm(先蒸後壓成蓉)
木薯粉150gm
粘米粉30gm
椰漿200ml
糖40gm
水100ml

白色的部份

木薯粉150gm
粘米粉30gm
椰漿200ml
糖65gm
塩少少
水100ml

两份粉漿開勻之後分別過濾。用两個大碗裝着。。分層(每層蒸約7分钟)。。(蒸前要先搅勻)。。最後一層蒸多5至6分钟。

凍後可拿出來切片食。

沙蟲瘦肉瑤柱粥

以前從未接觸過「沙蟲」。。自從隔離個師奶比過我食之後。。。又覺得煲完d粥又幾甜喎(不過我都冇直接食)、今早臨出街前叫佢同我睇火。。。煲咗個粥番嚟食。。佢比咗幾條叫我加入去煲。。。話有益(但唔知乜好)、返到屋企巳經煲好。。一边食一边食一边睇电視。。。食完再食埋感冒药去眠一眠先。

鐵人倒下了

 一路都以為自己好『硬淨』。。。原來當病倒時那種無助。。。孤單。。。一一浮現晒出嚟。

今次係自太后走咗之後(半年)第一次病倒。。。而且今次來得好急。。星期六才開始流鼻水(一边)、星期日本來準備去睇醫生。。点知冇醫生開門。。拖到星期日晚上两边都流鼻水。。連声也變埋。。。半夜喉乾又咳。。。又头痛。。半夜起身差d撞穿個头添。本來以為今早抽唔到血。。点知去到醫院姑娘又話OK。。。終於抽完血立刻去見個家庭醫生(其實唔想見这醫生。。因為去到診所立刻有種見到太后的感覺。。我地是睇同一個醫生的)、睇番record上次我亦剛好是一月份睇過。。那時我有54kg。。今次得番49kg。。可能好快去見太后咯。

壓力

過往的幾十年。。。一直為了太后。。。我承受不少心理壓力。。自從佢走了之後。。我对自己講。。。從今以後為了自己的快樂而活。。。交朋友也好。。做事也好。。。發覺若一旦有壓力。。我便會退走。。。因為好多嘢從少就習慣了。。。一下子為別人去改變。。。在餘下的日子巳不多。。。不再為任何人再去改變嘞。

我这個人的脾气絕对不會為「五斗米」而折腰。。。如果我是这類人。。。早巳嫁咗人啦。所以現在只要自覺生活得舒服自在便OK。

(圖片來自網絡)

梅子蒸排骨

講起这樽自家制的梅子醬。。。是八十年代曾經跟過一個廚藝高手學的。。。雖然正式的做法巳記不起了。。。但这十多年我沿用自己的的配方(記憶中)、加加減減都試過同很多食物配合。。。十分方便同惹味。。。材料有酸梅(有水浸同乾身的)、茄汁。。。冰糖。。白醋。。。蒜茸。。(後來我又加入檸汁。。茄膏)一齊煮。。。(份量自己試到適合自己的口味為止)。。。煮好後放凍。。再分別放進(高溫消毒過玻璃樽)。。。*要放雪柜。

每次用來蒸排骨。。白鱔。。花蟹。。。等等。

個人認為十分惹味。。所以分享吓囉。

傲慢与偏見

这篇文章不涉及政治(因為政治從來都是醜惡的)、因近月的遊行令我有感而發。。。一则政改令到數百萬人上街。。。而當權者連一句道歉的說話亦不想正面回答。。。情何以堪。。。回想自己生於五六十年代亦曾經經歷過艱難的日子。。但那時的時代不同。。什麼不公之事只會逆來顺受。。但現在什麽都進步了。。。墨守成規的家長式訓示巳行不通。當權者守住自己的一套(因為佢地亦生於我的年代)巳過時了。

當然有小撮搅事之人在推波助瀾。。。但相信大部份的青年人都是為了自己的將來而發声。。。當權者若政治智慧不足亦應多聽從别人的意見。。。萬萬不能做『一言堂』。

我地这班「行將就木」的老嘢。。。只能等到这一天的來臨。。但求平安渡餘生就於願足矣嘞。

(圖片來自網絡)

瑤柱冬菇炆魚肚

今日應承咗朋友幫佢做個炆魚肚比佢

奶奶。。。雪柜剛好有少許瑤柱絲。。。加些少冬菇同云耳(我用咗貓耳朵)、加埋蚝油。。。炆完都唔錯(雖然我今次沒有用任何肉類)味道都幾好。

真正的快樂

原來做咗幾十年人。。。以前的「快樂」只係假象。。。而家自己雖然一個人住。。。有好的(真朋友)、好鄰居相伴一切一切、都係太后留給我最後的礼物(我相信)、而且冇晒壓力、近日個心臟都少翳咗、相信之前醫生的確鬧醒咗我。

今天我又同隔離個師奶夾份各自煮。。。煮完一齊開餐。。。真係開心呢。。。「快樂」原來可以好簡單嘅。

菜肉云吞

今日因為要去覆診(眼睛之前做過激光青光眼之小手術)覆診過兩次。。。今天醫生講冇乜大問題。。而白内障好輕微。不用做。。所以取消晒以後的覆診。。若以後有事時再排過期喎。

唉。。。鬼叫自己唔識投胎咩。。。現在一般新症(眼睛)好似最高要排144個星期。。。我地d冇即時問题的舊症就取消先。有事再排過囉。

總知都係個句。。。鬼叫你窮咩？

閒話唔講。。。今晚食埋今早包定的菜肉云吞做晚餐就是。

靚婆婆星洲炒米

今日又熱又迫人(遊行)没有出街。。。呆在家中歎冷气(电费單嚟就知死得嘞)。

下午過咗去商場搵到間平平地嘅『quick剪髮』六十蚊。。好彩都唔剪得太肉酸。之後落街市買咗d料炒碟星洲炒米做晚餐。

我的材料有。。。夏門米粉(这隻朋友介紹的米粉幾爽口嫁)、配料有。。虾仁。。叉燒。。蛋絲。。洋葱碎。。干葱茸。。韭王。。黃薑粉。炒完賣相都唔錯添。

豐富的午/晚餐

今年第一次自己過端午節。。剛好月头。。。所以食得豐富d啦。

買咗隻三黃冰鮮雞。。一半用來煲冬瓜。。鮮准山同乾鮑仔(大連的)。。(以前有錢食日本/南非、而家食大連都唔太差)煲完湯再用蚝油扣番佢。

剩低的半隻雞做咗豉油雞。。都OK喎。我講過乜都可以慳。。。但食我從來唔會刻薄自己的。

壓力(精神上/体能上)

以前我完全理解唔到太后之壓力。。因為佢常常掛在口边的說話:「唔喜歡住在这間屋」。。當時我唔明白。。。有唔錯的居住環境。。有工人。。有人服務。。。想食乜有乜。。。為什麽會这樣說。。。現在终於理解到。。。心靈上的壓力遠遠超越体力上的壓力。。。因為体力上的壓力只要休息完就會復元。。。但。。。心靈(精神)上的壓力就要好似佢現在咁。。『解脱咗』。。才可以永久的復元。


現在才知自己以往(數十年)都一直處於和佢一樣同等之心境(不自知)。。。現在正式有自己的家(雖然沒有錢)但壓在心中的千斤石亦完完全全放低晒。对於她的離開。。。没太大的伤痛。。。反而替她高興(心中只有懷念)。。。因為她终於可以釋懷！

昨天終於安裝埋最後的电器(空調)以後不用再被蚊仔吸血了。

今天心情大靚。。做咗個荷葉飯慶祝吓先。

虾膠釀節瓜

今朝行街市見到d虾好平。。買咗半斤自己打虾膠。。剛好打完夠釀一條節瓜。

雖然虾膠好食。。但都始終係海鮮。。不可常
吃呢。

我的原動力

每個人的一生為咗自己的原動力而生存。。。當然沿住自己心中的動力去運作。。由小學開始。。有些人為咗學業。。。更好的生活。。。為了家庭。。。子女們。。。金錢。。。有些為了父母。。。總總不同的『原動力』而生存。。。好似有套电影其中一句：類似如果冇咗做人的原動力(咁上下意思卦)同條咸魚有何分別？

以前我可以咁講(為咗太后)我認為这是我的原動力(當然討厭我的人毫不認同。。但我不介意)因為我為自己而活。。他人只是旁觀者。。。本來以為太后走咗之後我便會喪失了(所謂)的原動力。。。原來不是的。。。因為我更加要活出「彩虹」。。。令那些討厭我的人失望。。。。(相信我的原動力會继續伸展落去的。你們继續的偷看吧。。。。。。I just don't care)

(圖片來自網絡)

西芹玻璃虾球

今早落超市買廚纸。。見到包虾仁。。明知不是海虾。。是急凍的白虾。。勝在夠脆身(基本上沒有什麼虾味)、一分錢一分貨、加些重口味的豆板醬。。一定掂！

西芹。。紅蘿蔔。。切完飛吓水。

虾仁解凍加古月粉。。盐。。飛吓水候用。

加幾片草菇(又要飛水)做料头

下油先爆薑片。。蒜片。。。虾仁。。豆板醬。。。贊酒。。。兜入巳飛水之西芹。。。红蘿蔔。。草菇。。盐。。糖。。打過玻璃獻搅掂上碟。

新生活的第五個月

自從一月尾搬離舊居。。。今天(6月)已經是第五個月的開始。。回望過往的數月。。的確人生中起了重大的變化。。在以前的文章中曾講過每一個十年都有大事發生。。。希望今次是我最后的變化吧！

從太后的離世。。。我的契哥(親生的兄長)不幸地得到個免疫失調病(還在治療中)。。。契姐(的丈夫)亦不幸地離世。。。過去一年中。。不停有唔開心的事發生。。。

現在我享受每一天剩下的日子。。。因為不知自己還有多少個『明天』