日式三宝豚肉卷

噚日係Sogo買咗包打边爐的豚肉腩、今日包住金菇浸吓日式三宝(味淋、鳗魚汁、清酒)、再用光波焗熟、加入芝麻同黄金蒜、無論味道同顏色都好好！

素炒駌鴦米

唉！噚日大懵到唔知十五齋期、約咗人又破戒、今日補番數炒碟素鴛鴦米、雪柜有乜就炒乜囉。

材料

米粉、粉絲

其他配料

金菇、红蘿蔔、西芹、炸蒜、芝麻

調味

豉油、盐、素雞粉

停不了的。。。。香茅豬扒莱飯

再次encore整比朋友吃！

今次用新鮮豬扒

醃料

香茅、椰糖、魚露、古月粉、生粉

做法

今次唔用光波改半煎炸

莱飯

先將小棠莱切細用薑片、盐、炒過拎起

煲好白飯才捞入巳炒軟身之莱。。。。这方法保持菜之清綠。

虾膠釀茄子

好耐冇整le個餸、今日懶懒地唔自己打虾膠嘞！買四両現成就算啦。

材料

虾膠
茄子/斜切片、每隔一片不切斷

將虾膠釀入茄子的中間、再用平底鑊煎熟、之用加水炆腍、加蚝、糖、老抽、生粉水、灑入葱花便上碟。

蟲草花冬菇紅棗炆雞

今日做咗瑞士雞翼比朋友、留起雞搥部份、今晚用蟲草花冬菇紅炆咗佢、好味吖！

材料

雞搥

蟲草花、冬菇、紅棗、薑片、蒜片

調味

蚝油、老抽、生抽、水

浸好配料、用蒜片、薑片先爆料头、之後再落巳醃過之雞件(豉油、糖、薑汁、生粉)、赞酒、水、炆好後上碟或瓦煲。

城景(YMCA)的自助餐

自從星期六、日加咗價、而家平日多咗人食、因為平成50蚊喎！

今日d熱盤唔多啱囗味、但食一番碟三文魚腩同沙律、甜品都差不多啦。

啤酒酸梅鴨之自創版

噚晚見唔淑唔食之啤酒酸梅獅头鵝、我買唔到鵝試做鴨！

材料

鴨半隻斬件

配料(冇寫低、靠記憶)

啤酒一大罐
酸梅四粒
八角一粒
香葉一片
冰糖適量
老抽、茄汁各少許
薑片、蒜头、乾葱

做法

先落油爆八角、蒜头、干葱、冰糖、鸭件、啤酒、炆至八成腍、落老抽、茄汁、至汁液收剩少許上碟。

味道唔錯！

金古魚餐

今日又去咗九龍城買虾子麵、返到屋企成五点、是但去街市買條金古蒸果皮、再滚碗咸旦節瓜湯就算。簡簡單單又一餐！

菜肉云吞

今朝突然想食莱肉云吞、我的配方如下。。。。

材料
圆型餃子皮半斤

蛋漿少許黏口

餡

白菜、豬肉、滑蛋、虾肉、

調味

豉油、古月粉、薑汁、生粅水

湯底

虾殼、虾子、大地魚粉、水

日月魚煲冬瓜

前两日煲完去濕水見有冬瓜剩低、一於用佢煲日月魚、薏粉、果皮、豬展、估唔到個湯好清甜喎。

四季塩焗雞

見好耐冇焗雞、今日有朋友入嚟探我、顺便焗隻雞同佢一人一半啦！

材料

冰鮮雞一隻、開边

醃料

四季塩焗粉一包
用酒開匀搽雞外
醃二至三小時

光波200先焗雞裡面、約8至10分鈡
另光波230焗有雞皮那面、约5至6分钟

是乎雞的大細(以上係焗一边雞的時間)及每個光波的度數而定。

蟹肉意粉

今早係街市買咗两隻藍蟹(比花蟹還甜)、做完凍蟹留起d殼煮湯、少少蟹肉、之後加埋朋友送的乾菌煮碟意粉！

全部用咗一隻蟹咋。。。因為另一隻係比亞媽食。

物盡其用、真抵。

五彩天使麵

噚晚又搅吓新配搭。。。用五種唔同顏色、原色、黑糖、斑蘭、香芋、同橙色做咗蒟蒻天使麵、再配埋椰汁。。。。一個字。。。。正！

我的份量用28克粉对500ml糖水就是。

芝麻餐包

好耐冇整麵包！今日想打人、所以將d力發洩晒係嚿粉到！估唔到打完又幾鬆囉。

材料

高筋250gm
低筋50gm
酵母6gm
牛油40gm
水適量

芝麻、蛋。。。搽面

做法……將以上搓成粉糰、再靜止等發酵至两倍、做形、搽芝麻蛋漿、再用光波180度焗至熟(我今次用咗大約8至10分钟)。

新配搭之沙律

今期用咗我唔食得之西柚做配搭！因為我食薄血丸唔食得西柚喎。

但顏色靚我喜歡囉、至於個汁當然又係至愛的。。。。

魚露、蒜茸、白醋、椰糖水、指天椒的泰汁啦。

排骨大雜會

噚日又係电視學咗le味嘢、又冇靚名只求好食。。。。

材料

腩排/冬菇/瑶柱/蚝士/節瓜(後落)

腩排加醃料(酒、糖、生抽、生粉)用光波焗至焦焦地、这方法可免走油

冬菇同瑤柱分别浸軟加酒油糖蒸過

蚝士浸後加薑葱酒蒸吓(去腥)

落蒜片、薑片先爆腩排、其他配料、蚝油、赞酒兜匀、加水炆至八成腍、加埋節瓜至腍、埋獻上碟。

水信玄餅之正宗版

之前買唔啱蒟蒻粉、始終差dd。。。不過個圓碌碌模始終未買到、唯有用隻復活蛋頂住先

材料

蒟蒻粉28gm
水約500gm
冰糖隨意

先set好個餅

淋入黑糖漿、再拌入黄荳粉就是啦。

芒果黑糖天使麵

前两天係一間糖水屋食過这芒果黑糖天使麵、又貴又把鬼、一於自己做。。。。

材料

蒟蒻粉25g
黑糖約3至4湯匙
水约200g

煮溶放薄模set、之後切幼條(成天使麵)

切芒果及加入椰汁便Ok。。。。so easy！

香茅豬扒菜飯

而家用光波整香茅豬扒方便得嚟又慳工夫、少油免炸。。。正！

材料

莱飯一碗

醃豬扒

香茅、蒜茸、干葱、魚露、椰糖、生粉、水、油

光波爐180度每边約七至八分鈡

特式粉絲窩

今日再次煲咸莱蕃茄蜆肉(加埋雞胸肉)湯、留起今晚煮碗粉絲食。

同時用自家打的魚肉釀荳卜、加埋落碗粉絲到便變成碗特式粉絲窩。

雞火(雞肉)炒菜飯

自從學曉咗d小棠莱唔好一齊同飯一起煮之後、所以無論煮也好、炒也好、d菜飯永遠保持咁青綠、真好。

首先將菜切小塊用油盐煮熟拎起候用
加一半雞湯一半水煮飯至熟(不要太多水份、否則加入莱會太腍)

雞肉切粗粒飛水至七成熟

加少少油炒飯、加入雞肉、最後莱、快手兜匀便可、可加入崧子粒。

水信玄餅

近日大熱的日式甜品、我又上網學吓。。。。、但由於冇配料同模、是但做個類似先、止吓癮。

改良版之貝殼蛋糕仔

經過改良後、我的配方如下。。。。

蛋2只
糖粉110gm
牛油溶液50gm
橄欖油50gm
以上全部搅匀
加入巳篩過之麵粉120gm
發粉1茶匙

再搽少少油同灑少少粉在模上

放入粉漿七分滿

光波180度焗约10分鈡、再灑少許糖粉做裝飾、係下午茶的最佳配搭。

椰青大菜糕

好味。。。。好味！

之前係九龍城的泰國舖買過、今次自己照做。。。。

材料

椰青一個
留水、將椰肉切碎
大菜半両
水四杯
冰糖適量

全部煮溶、再用模set好就是。

魚肉釀雞翼

糯米釀雞翼就食得多、我今次試吓釀入自家打的魚肉、再搽上蜜糖豉油、再用光波爐攪吓新意思、估唔到又比預期好食呢！

咸酸莱蕃茄蜆肉亁湯

今日朋友陪我去樂富交表格申請老人屋、睇吓有冇命排到啦！

之後佢帶我去行樂富個街市、估唔到超級靚同大、好有外國feel。

我買咗廿蚊蜆肉乾、今晚滚咗個好好味嘅湯、平時亞媽多數用咸酸莱、蕃茄、牛肉嚟煲。我唔食牛肉、所以用蜆乾、咸酸菜、瘦肉、蕃茄。亦可煲雞肉添。

南乳齋

時間好似搭咗火箭咁、話咁快又到咗六月初一、煮碟南乳齋啦。

材料。。。可隨意

南乳一件用酒開匀用

薑一片

黄芽白、粉絲、齋雞、金針、云耳、荳卜……是今次的配搭

先浸粉絲、金針、云耳

飛水以上候用

黄芽白切段、齋雞切片後(飛水)

落油先爆薑片、落南乳、金針、云耳、齋雞、之後黄芽白、炒至軟身、加水炆片刻、最後加入粉絲、調味(塩、糖、豉油)、至收至少許水份上碟。

日月魚煲粟米紅蘿蔔

自從上次買過一両後、覺得是真貨、所以噚日去物理冶療時顺便買半斤番屋企、今日就試煲。。。。

材料

曰月魚/果皮/豬展/紅蘿蔔/粟米

好甜、粟米又利尿。。。。

適合現時的天气呢。

貝殼蛋糕。。。。Madeleine

噚日係fb見到有人post咗le個法式蛋糕、我於是又跟吓風、原來超易、但個模就貴咗少少。
個食譜刚刚做到六隻、原來焗完都幾好食、又唔甜、等改良過才post做法啦。

魚湯泡飯

今晚好晏至出街市、是但買幾條紅衫煮湯、加些少絲瓜粒、蕃茄粒同草菇粒做碗泡飯就算。健康又好味！

沙爹豬頸肉跟黄薑飯

今早買咗2包超級好味的沙爹調味料同醬、所以做咗個東南亞碟头飯、好好食嫁！

先將豬頸肉切粗粒加調味粉、椰糖、魚露醃约一小時、用竹簽串起、光波爐焗熟。

另一包汁料用椰汁開匀煮熱就OK。

黄薑粉加少許蒜茸炒飯伴食。