自家做的白汁菠菜意粉

每天做/食相同的東西並不是我的性格、我曾经同朋友说笑、就算不是母親同責任的關係、我相信我都會是個「不婚」的人、对着同一個人同物件、甚至食物長時間都都會感到很悶😚

今早我又搅吓特別的早餐、自己推個白汁、加些菠菜、又有碟不「一樣的早餐」啦😛

自制的鮮虾云吞

近幾年我不停追尋一碗兒時味道的「廣東云吞」、可惜不停的失望、不是個「餡」不好食、就是個湯底唔掂🤔

今日的这碗云吞、雖不達標、但總比我最近吃過的最好的吧😋

我用咗虾仁、免治豬肉、比例1/3（虾多一点）、加入虾子、大地魚粉（各少少）同其他调味

至於湯底除咗用虾殼（乾炒吓）、加入少少大地魚粉同虾籽、雞清湯、之後都感覺可以收貨😅

滑雞生蚝煲

雪柜有只雞肶同雞翼、加埋今早買的「韓國急凍蚝」、一於整個暖笠笠嘅煲仔菜（加一些生菜在煲底）又正又好味😋😋😋

雞切件用豉油、蚝油、糖、盐、生粉、先醃、蚝解凍後用生粉洗過、冲水、再飛水

樸少少粉在生蚝上、煎至金黃色拎起、再爆雞、放入少量水、煮至收汁再放回蚝、放入巳有生菜的煲入面、滚起便成、最後灑入芫茜葱、便可上桌😉

我至愛的鮮魚餐

一早落山買游水魚、買咗一條唔太贵嘅「星班」、对食嚟講、我從來都唔會刻薄自己、若经濟許可的話我會間唔中食條游水魚！

另外加碟生菜添😂

週日晚餐（釀豆腐盒）

下午冇出街、因為一直都毛毛雨、很討厭这種天气、加上容易跣腳、雪柜有半磚荳腐、中間挖個窿、釀些免治豬肉、蒸完打個獻跟半碗白飯食😚

週日午餐

今天教會(教友大會）、沒有早會、所以參加完午堂回家才準備午餐、是但在雪柜找些廚餘煮吓便是🤔

有幾粒虾膠釀油條、炸完用雞醬兜番佢

再浸一個米粉、用少少肉碎、金菇、XO炆咗佢又算😛

簡簡單單又餐🤤

在教會的第一次作「見證」

昨天被邀請在一個團契上作「見證」、这是我一生人的第一次、有点不知所措、因為從未試過呢😚

我簡約地說出為什麼我會從一個完全不信主的人而有所改變、源於母親的離世、啟發出我內心的思巧、一切的巧合、暢順地搬進現在的居所、又因缘際會地令我找到認識神的教會、原來神早就為我作出安排！🙏感恩有祢、願与祢同在🥰阿們

金菇（雞絲）荳腐羹

今天起床似乎全部都回復正常（血壓124、血糖6.2）、希望继续保持🤔

与此同時有刚認識的朋友提及我每天整咁多嘢食（包括好唔健康的食物）上嚟、怪不得常常唔舒服、不過相信認識我「耐」的朋友們都知道我十多年的飲食習慣、只整唔多食、至多試一至兩口而矣！

有樣嘢我認同、我個性急燥（連第一次見我的心臟醫生）都感覺得到、但自問性格之形成是從小開始、背後的故事又有誰知？但自有了信仰後、努力改變中、但亦不是一朝一夕的事吧、所以現在的我只集中在信仰上的依靠、其他新的社交不會刻意去「迎合」、人的交往實太複雜了、幾十年的人際關係太累了🤔

我不會去批抨任何人、記得我在文章中曾提及「從別人的行為中看見曾经的自己」、我每天都提醒自己引以為鑑😚

希望神能給我好的引導去改進「壞」的習慣🙏🙏🙏

簡單的晚餐

噚晚半夜起身去厕所、暈一暈撞咗落地、好彩冇事、嚇到立刻清醒番、本來諗住去睇醫生睇吓是否「耳水唔平衡」、後尾諗吓那種暈法又唔似、最終打電話問關醫生（以前的家庭醫生問症）、最終佢分析我的情況應該係近來每天早上的血壓偏低（唔過100）、加上前两天肚疴過（他講肚疴令人流失盐份）、最好飲番一些宝礦力之類的饮料、加上我的糖尿药會令瞓完起身時（若太急起身）、血壓未能即時升番上嚟就會暈喎（佢講耳部的神经可能老花未能即時傳上小腦）、其實我都係唔多明嫁、唉！是但啦、起碼佢解釋得很詳細（若睇街症成私家都至多答五至六分钟時間）

今晚就簡簡單單就算、話唔定瞓瞓吓走人添🥲

沙律虾膠釀油條

買咗一斤中虾、剝完得一半肉、打咗虾膠、釀入油條到、炸完快手兜入沙律醬👍

食完有見有点熱气、所以冲過杯杞子胎菊茶（之前有網友送給我的胎菊）、降降火先😛

栗子露

我未食糖尿药之前、每個冬天都會煲幾次、自從有咗「糖尿」後、至多每年一次、今早本來想買「桂林锐」、可惜沒買到、買到普通剝皮的（沒有咁香甜）算吧、反正我都只能吃一小碗🥲

乾炒肉絲河

今晚又係食粉粉麵餐、買咗包冰鮮梅头肉切絲、半斤炒河粉、韭王、老抽、生抽、快手乾炒碟粉做晚餐

舊日的印記

今日fb又出咗我的舊照片、相比一下才醒覺原來巳经過了这麼多年啦😅

我的「那些年」舊照、原本有兩張大相、準備第日百年之後做「車头」大相的、後來參加了港大的「無言老師」計劃、所以用不着了😉

在2019搬屋時亦將照片燒掉了、所以「斷、捨、離」的概念從那時啟動咗🤔

另外一張是2017、表面上分别唔大、但近鏡一看臉上的風霜的確增加了不少、不過我常常对自己講、只要心中「安逸」、外觀巳不重要、正如倫伯常講、年年廿五歲、不過我唔貪心嫁、年年四十巳好開心❤️哈哈哈~又要做亞Q啦

白蘿蔔煮鯪魚滑

見很久没有滾「鰂魚蘿蔔湯」、所以一早買了一大根白蘿蔔、一半用咗嚟滚湯、剩低的一半就切條、拎嚟煮鯪魚肉😚

是是但但又一餐啦😋😋😋

沙律拼燒汁豬頸肉

今晚唔想食飯、所以下午做了碟沙律、再將醃過燒汁的豬頸肉放焗爐焗熟切片再伴嚟食！

不過我唔敢多吃豬頸肉、只食咗三片咋😅

混醬炒大葱肉片

今天崇拜两堂合一、所以煮定碟餸方便崇拜完回家立刻有得食午餐（鄰居留了半碗白飯給我）！

今天的混醬用咗（蘑豉、蚝油、老抽、糖）大葱加入指天椒、先炒、加入混醬同拖過水的梅头肉片、快手兜勻便可上碟🤤🤤🤤

週末共食午餐&一人晚餐

今早的共食午餐有瑤柱津白 、蕃茄煮黃花、青瓜、蒸咸雞、家常便飯😚

晚上得一人吃就沒什麼講夠啦、是但炒碟米粉就算、今天整天都头暈暈、所以全日都沒有出街🤔

鹵水布包豆腐

昨晚用我的鹵水胆浸两嚿布包豆腐（上次在朋友屋企學的）、口感同味道都唔錯😋

首先將布包豆腐先拖吓水、再煮滚鹵水、放入布包豆腐、底面各煮三分钟左右、熄火後浸約一小時、期間底面轉動、務求底面都沾上鹵汁、食前再煮滚鹵汁、再底面多煮三至四分钟便可上碟😚

麵醬茄子煮黃花魚

一早落山買魚 、買两條黄花$35、今日煮了一條先、用麵醬爆香茄子、加水炆片刻、加入調味（豉油、蚝油、糖、生粉水）、煮完淋上巳煎過之魚上面、便可上碟

邪惡的下午茶

今日下午落咗去西洋菜南街（PCCW)問wifi張單嘅事、唔知点解今期無lala多咗幾十蚊、原來系統加咗防毒的funtion、我硬係取消啦、之後去咗隔離那間「红荳冰室」食咗個邪要嘅下午茶、之後有網友問我做乜咁「激」、唉！人一世、物一世、試吓啫、反正試吓一次應該冇咁易死卦？😄😄😄

不過食完就冇乜特別嘅驚喜囉🤣🤣🤣

勇者無敵同我任性有関吧😄

蒸嘅煲仔飯

由於現時用电磁爐、當然煮不到煲仔飯、所以退一步用蒸嘅方法、嚟滿足一吓食「煲仔飯」嘅心癮就是！

先將雞肶去骨切件、用调味（豉油、豆粉、糖之類先吓雞肉）、臘腸切片、冬菇先浸後蒸（糖、豉油、生粉）、放巳蒸熟之白飯上面继續蒸熟、加入津白蒸淋、食時淋入老抽、熟油伴食😄😄😄

西班牙腩片湯米

昨天晚上很夜才吃晚餐、因為下午的時候同朋友係官塘的「譽宴」吃了下午茶、不過今次有些失準、炒的粉麵同点心都不太好食、比平時差咗很多🤔

晚上才煮了碗湯米食、不過都只係吃了一半、食慾又差番啦！唉、年紀大咗常常都有这情形發生吧🤭

平價帶子配芋头味的南瓜

早前在樓上燕窩買咗包$39/pack嘅日本帶子、之前試咗用粉絲茄子蒸的方法、今天用海盐牛油香煎再配有芋头味的南瓜一齊食！

原則上唔錯、但可能年紀大、那些裙边比較煙韌、所以未能配合得到🤭但整体嘅講還可以

韓國鄰居的大雜會湯

最近韓國鄰居少咗整嘢食、因為她改了返「日班」、每天早上八時就出去、晚上八時多才回家、現在只在放假才會煮！

今早她又製作她的（大雜會）湯、因為每次她都會用好、好、好多料~煲湯、不過每次我都會看着她、怕她會放一些「神奇」的配料落去煲、她試過差d放進花椒八角或芋头之類落去煲湯、好彩我及時（喝止她）、今次算是正常啦（三文魚头、龍躉骨、蕃茄、薯仔、红蘿蔔、栗子、日本荳腐）🤭

所以她的湯特別「甜」🥰

信仰後的改變

自從有了信仰後、唔敢講是否改變「好」咗、但從宗教中學到做人很多哲學、雖然未能一一明白、但現在學會如何反思自己做過、講過、想過的、是否正確、（以前全部的心思花在家人的身上、忽略了很多思巧）、近來更從別人的「行為」中看到曾经的自己（之前在文章上亦提及過）、这都是我这一年深深的領悟到🤔

近來肚疴不斷、一星期起碼有兩三次以上、不知是因改了糖尿药的影响、還是什麼隱患、以前的我總是忐忑不安、但現在我不再想、一切要發生的總會發生、「神」自有祂為我的安排、所以不再恐懼任何將會發生在自己的身上的事😉

粉絲虾煲

有時街市的海鮮好贵、但有時突然又好平、好似今日下午落咗街市逛吓、發覺有些中虾十分抵（$30/一兜）、重跳跳吓嫁😄

所以買了回家做粉絲虾煲、尤於今日得一個人食、所以唔浸太多粉絲、食淨的留番明天炒飯食就是😅

金銀蒜粉絲蒸（帶子）茄子

朋友好介绍、樓上燕窩做緊特價的日本帶子（$39/9只）、我買了一包嚟試吓、原本朋友介绍用牛油+海盐煎嚟食、但今晚我就用这方法嚟蒸、估唔到効果唔錯喎🤤🤤🤤

首先解凍帶子、用盐擦吓那些裙边、冲洗後用刀界開两边、碟底先放茄子（切薄片）、放入帶子、再舖上拖過水之粉絲、淋上雞湯蒸茄子至軟身、隔去水再淋上金銀蒜同蒸魚豉油、便可進食😛

鹵水豬腳

今日le碟鹵水豬腳超级平、只係$18個大洋咋！

今日去完九龍灣casting 、不過都係凍過水、因為試鏡姐姐話我動作同講野都「太快」喎（心急）、唉！都唔知解改極都改唔到😄😄😄

算啦、一切隨緣吧🤔

先用鹵水料煲咗10分钟（高速）、再用我的瑞士汁（胆）、浸多15分钟、不過今次好似腍咗少少、要改進🤤

XO醬雞肉炒飯

昨天晚上原本唔想食飯、因為喫了下午茶、点知到咗晚上九時左右真的肚餓、唯有起身炒咗这碟飯、明知今早的血糖一定高、哈哈！今早果然係7.2、昨天早上還是5.7、現在知道如何去维持血糖的指數了、下不為例😉

茄子釀肉碎卷

前幾天係網上又學到这個餸、今早買了條茄子嚟試吓、做完試了一嚿、味道都唔錯、用來飯吃會很惹味🤔

材料同做法：

茄子一條（直身一点）

刨成薄片浸（盐+醋）水

免治豬肉加入咸蛋王（壓碎）同调味（古月粉、盐、糖、生

粉）、將一片茄子搽上薄薄的肉碎捲起黏上蛋液同生粉、半煎炸定型、之後加入蒜茸、指天椒、赞酒、回鑊茄子卷、加入預先準備之汁（老抽、糖、蚝油、豆板醬、陳醋、水）、炆片刻至汁液收至少許便可上碟🤤🤤🤤

生死戀（白飯魚干蒸大魚腩）

以前小時候外婆常常这樣地蒸嚟做飯餐、長大了、外間的人给了一個很浪漫名字叫「生死戀」、所以昨天晚上又學人玩一吓吧😅

另外又燉了個羊菌湯、材料除了有羊肚菌之外、還有花膠、豬展、杞子、螺片、石斛、蕤仁肉

富记粥品

今天第二次去富记食嘢、点了豆腐魚云芥菜湯、同濕炒牛河、两樣都十分好味、尤其是那牛河、那獻汁刚刚好、食完都沒有汁留在碟底、廚藝了得！

之後買了三個叫「哀牢山」的橙、聽说是海拔1500上種植的、很甜👏

今天行了八千多步、算是達標了💪

豆奶杞子蒸蛋白

因為约咗人下午茶、所以今早唔食午餐、是但蒸咗这碟蛋白食就算、因為豆奶好多天、唔食會壞、所以用咗三只蛋白、1-1/2杯奶、少少盐、杞子、蒸完有少少「孔」、但可接受😅

忙碌的一天

昨天十分忙碌於廚房中、首先原本想整幾樽XO醬比朋友、点知掛住同人煲電話、搅到有些櫻花虾焦了、變得賣相不太美觀、不過最終都送了出去、有些朋友叫我唔好「嘥嘢」喎😛

之後又做了碟「鹵水豬肚」、我做完只試了一嚿、其他送了给鄰居、今次做得唔錯、先用白鹵水煮完再浸我的瑞士汁半小時、她們都说好好味喎😚

最终我晚上飲了碗燉湯（日月魚、羊肚菌、杞子、元肉、瘦肉）、好味👍