耙齒蘿蔔炆牛筋、牛腩

前两天在教會同教友姊妹們一起午餐、其中一味是蘿蔔炆牛肋條、大概知道如何製作之後、昨天在牛肉檔買了一條牛筋、一條牛腩、用咗最簡單的方法炆、就是牛肉湯粒、冰糖、塩、鹵水包、水、我用高速侯炆咗15分钟左右、開蓋後加入巳飛過水的白蘿蔔（我今次用咗耙齒蘿蔔）、大火至汁液收剩少少、於便可上碟

生炒牛肉飯

今早由街市的肉檔買了牛肉、自己剁爛、用蚝油、生抽、糖、胡椒粉、生粉、油、先醃過、加入生菜絲、美極醬油、炒咗碟美味嘅炒飯

不過今次炒得太濕、下次要再做過

冲繩炒苦瓜

早前有網友煮過这菜式、我上網再查一查、今日做咗類似的做法

材料：

苦瓜半條切片

硬豆腐半磚

腩肉適量煮熟切片

蛋（打散）

做法：

腩肉蒸腍切片

硬豆腐用手撕開

苦瓜切片用盐面醃過冲洗後、隔去水份候用

雞蛋打散加入盐拂過

先煎吓腩肉片、再煎咗腐、加入苦瓜片、調味、最后加入拂過雞蛋、兜勻便可上碟

我的星期一午餐

由於昨天追劇追到近天光、所以很遲才吃早餐、本來諗住唔食「午餐」的、但心癮難耐、所以做了碟多葱叉燒蛋炒飯同滚咗呢個魚骨+魚片芫茜湯、影完相自己食少少、餘下的比咗鄰居食、皆大欢喜🤪

我本着『獨樂樂不如衆樂樂』的心態做人、是開心的🥰

亞婆炒鬼刁

今早買咗半斤河粉、半斤銀芽、用少許急凍虾仁、帶子、蛋、學人用黃薑粉、咖喱醬炒咗碟似似地『馬來炒鬼刁』的河粉！

我本身未學過、一味靠估、好似欠咗洋葱絲同叉燒、不過賣相都可以吧😊

打边爐之夜

昨天去了沙田親戚的家打边爐、由於我唔打麻雀、所以五点才到達、我們一行七人、边談边說、很快打到八小時左右便散band、慶幸我地個個都over65以上、難得還可以聚首一堂、實在難得😊😊😊

生魚卷

这味餸係我至爱、、尤其是『陸羽』的云腿生魚卷、但整的難度頗高、我今日胆粗粗、用剩低的生魚片捲入香芹絲、红蘿蔔絲、木耳絲、勉強做了幾條、影吓相、都好味、但賣相就麻麻地啦😅

之後用埋那生魚骨、滾咗個菜湯、總質一魚做了三樣嘢、都唔算贵嘅🤤

芋头糕

今年的第一次做芋头糕、自己認为今次的粉漿教得剛剛好、煎起上都唔會太腍或太硬、由於唔知成唔成功、所以只用櫻花虾同臘腸！

今次做到3盒(飯盒size)、芋头600克（部份切粒、部份创絲）、粘米粉200gm 、水750ml、調味有雞粉、五香粉、塩、糖、胡椒粉、餡料有櫻花虾、同臘腸

蕃茄南瓜魚湯+（生魚片濑粉）

個人十分喜愛魚湯、昨天臨收工（街市）、那些劏好的紅衫魚十分抵、$30/一兜、我買了一個中國南瓜$5/個、2個蕃茄$7

煲了個南瓜魚湯！

今早買了一條生魚起肉、切成双飛、加了少少芥蘭、紅蘿蔔片、薑片、煮了碗瀨粉、無論色、香、味、全部有齊🤪🤪🤪

臘腸櫻花虾菜粒炒飯

昨天買了孖臘腸做糯米飯、只用了一條、由於食完後胃痛兼腳指痛、所以今年都不會再做、剩低的一條臘腸、今早就加了櫻花虾、菜粒、炒番碟飯就算啦🤪

(假)~生炒糯米飯

我巳经两年冇整糯米飯、因為次次食完骨都會痛、所以对於糯米十分有戒心、不過實在心癮難耐、所以今早胆粗粗整番半斤糯米啦🤪

先浸糯米（用雞湯）約半小時、隔水、之後加入撕碎青島貝、捞入少少盐蒸熟、我用高速煲（**蒸約13分钟、自己要執生、因為高速煲不同牌子的火路不同**）、冬菇浸軟切粒、虾米浸過、臘腸蒸熟切粒、用蒜茸加入少少塩、糖、雞粉爆過餡料、糯米飯蒸熟後捞入老抽、蚝油、爆過餡料加入、捞勻、炒片刻、剩起加入芫茜、蔥花、蛋絲即成

滑蛋虾仁帶子煎米粉

昨天同朋友係廣場聚會、暢谈了三個钟左右、因為有位網友follow咗我成十多年（網誌）第二次見面（之前在街上相遇的）、十分珍惜今次的見面、其中有位相識咗十多年的網友從英國返來渡假、順便介绍她們互相認識、到了这年纪見得一次便一次吧😊

回家後見未肚餓、匆匆煮咗少少米粉便是（因要食药的原故）

蒸雞飯+芥菜肉片豆腐湯

今晚約了两位鄰居一齊食飯、我負责蒸雞飯、佢就負责滾湯、簡簡單單就ok啦

瑤柱蛋白菜飯+欖菜四季豆

本來这两星期要慳、但若唔煮兩星期、想必會患上『抑鬱症』、無論如何、至多唔煮贵嘢啫🤣🤣🤣

今早同鄰居開餐、我用瑤柱煮飯、再加小棠菜同蛋白炒咗d飯

再用榄菜肉碎煮碟四季豆

咁又一餐咯😊

芋头菜飯

未來的兩星期一定要慳住駛、所以今日只食埋雪柜的廚餘就算😅

材料有芋头（切粒）、先爆吓

小棠菜切碎、用蒜茸爆過

煮飯先放芋头粒在飯面焗過

之後用油將炒過菜、芋头、加入白飯、調味（生抽、老抽、塩）兜勻便ok

豉油皇炒麵

很久沒有做这炒麵、本來今日冇乜心机、因為無端端跌咗五嚿水、对於我地这樣的窮人嚟講真係好鬼肉赤、換着以前的我一定有成星期瞓唔到、不過现在睇開了、一切都是『整定』嘅、既來之則安之吧🤔

今日幫人做了碟「豉油皇炒麵」、希望他們喜欢吧、成本少於$20的麵、若在酒樓吃、一定要$60-$70卦？

麻婆豆腐

很久沒有做这個餸、今晚係廣場的街市買了一磚「布包豆腐」、回家後加少少肉碎、豆板醬、蒜茸、蚝油、生抽、老抽、糖、水、生粉水（埋獻用）

最后加入少少葱花即成

芋头豬肉餃

今早原本想包椰菜馬蹄豬肉餃、点知買豬肉時個亞姐教我試吓用芋头同豬肉碎嚟包、佢話好好食喎、咁我又試做囉、估唔到真係好好味（自己認為咋）

材料：豬肉碎、芋头切片、再切條、最後切粒

調味：

五香粉、生抽、老抽、古月粉、糖、生粉、水

餃子皮原本自己搓好食一点、但今日匆匆忙只用現成的就算

咖喱牛腩

早兩日幫人炆牛腩、但昨天上唔到fb、唔知乜錯咗、好彩今日搅番掂咋、冇上一日fb、就好似有毒癮咁、成日有蟻咬🤣🤣🤣

昨天的椰汁咖喱牛腩、唔知正正🤪

南瓜蕃茄湯

今日去咗石門同契妹/契嫂「韓燒」、由11点坐到2点、每人$160、但是契嫂見我冇野做、所以这一餐佢比錢、很多嘢食、又有自助餐、又有燒烤、最重要係大家能聚一聚、暢談一番才是主要原因😊

XO醬唐芹炒飯

昨天做的XO醬、自己留低一小樽、今晚煮半碗飯、炒一小碟飯嚟做晚餐、同時今早煲的西洋菜鴨腎湯、留起一碗嚟飲

南乳炆筍虾

自從2019之後、我每年只會煮一次、當是一種回憶吧🤔

现在这些筍虾只能在南货舖才買得到、而且重要$40/斤、都幾貴、個人就不太喜欢食、做完大部份都送了比人！

靚婆婆XO醬~2023+南乳炆腩肉

前幾日應承咗朋友、如果今次檢查完身体冇事的話、便會做幾樽XO醬比佢地試吓、所以今日便留在屋企做啦（因為切切煮煮都幾費時嫁😝

最终上午煮南乳炆筍虾、下午使做XO醬、終於下午四点左右便完工、之後拎咗去比朋友、交差啦😅😅😅

覆診之後的跟進

昨天是心臟覆診的大日子、將近來的不適、一一对醫生講一次、好彩今次遇到個（好似之前睇過一次）嘅仁醫、好耐心地分析我的症狀、佢講我今次驗血的報告、血糖3個月平均數是6.5、而壞胆固醇是1.8、目前這一刻是沒有中風的可能性、至於手痺同头痺的源头、可能同頸椎的神经線、所以不用担心、雖然見醫生前的血壓同心跳勁高（亦是一般人的所謂醫院恐懼症有關）

今日為了再証實昨天醫生的解釋、再返去見平時問症的私人醫生（因為認識咗四十多年）、再多一次cfm🤔

答谢他的免费咨詢、所以做了少少自己應為唔錯的叉燒比佢品嚐🤩

足球會的自助晚餐

九月才吃過一次自助晚餐、今次是閨蜜的哥哥生日、又再次在足球會慶祝、難得又一次見面、大家相識巳超過五十年、十分珍惜每一次的相聚、吃是其次、天南地北的閒談一番、十分開心的一個晚上、是近來最夜的一個聚會！

和歌山的芝麻柿

近日食過一款日本和歌山的「芝麻柿」、覺得幾好食、爽口又唔太甜、明天有朋友生日請食自助餐、所以下午去了果欄買咗幾個當礼物😉

價錢間間差不多、有些$100/4只、有些$100/5只、只是牌子不同

回家後切了一個嚟食、真係唔错又幾特別

荷葉飯

個人有两種飯是十分喜愛的、一是福建炒飯、另一種是荷葉飯、今次做的是『荷葉飯』

今早買了两塊荷葉、餡料方面同福建炒飯大同小二、除咗虾仁、帶子、青岛貝、冬菇、雞蛋之外、還加雞肉、八爪魚（超贵$44/只）、

將餡料加入蚝油、老抽、糖、炒過、用浸過冬菇同八爪魚、青岛貝的水煮飯（要煮到白飯硬硬地）、之後炒過飯後放入荷葉包住再蒸多15分钟左右