游水魚。。。。畫眉

以前好钟意食这種平價海魚、近年巳少見、噚日刚好撞到、一心諗住買比亞媽食、点知唔知佢之前一晚整晚冇瞓定唔夠衫(佢死都唔着厚衫、性格太硬、連醫生都冇佢符)、臨食飯前成曰話心口痛、又話見凍、唉！總知比佢嚇死、但太多狼來了、都唔知佢真定假、始終一把年紀、又年近大時大節、唯有小心看着佢吧！

好彩搅咗成晚、總算無事、唯有自己歎咗條魚啦。

近來比佢搅到血壓偏低、自己噚晚只得90/58  。。。唉！

 

 

蘿蔔鹵水牛肚

今日做咗碟牛肚比人！

自己煮又平又好味……做法如下:

急凍牛肚两個

解凍後用薑葱、酒、飛水

再用鹵水料煮约半小時、熄火後再浸焗多15分鈡

白蘿蔔切角後用雞湯煮腍

將調味汁料(柱候、甜麵酱、麻酱、老抽、糖、同煮過蘿蔔之湯)混合好再放回巳切
之牛肚同蘿蔔再炆煮至入味便可上碟。

新產品。。。。雪燕

近日有人介绍一種類似桃膠之新產品、不過貴過桃膠。。。。叫雪燕、聽講功效比桃膠還要好、所以我又發揮胆粗粗的性格、又做多次白老鼠！

今次我用双耳。。。。(雪耳、黑木耳)、红棗加埋雪燕一齊燉、效果都唔差、口感有d似食燕窩。

 

 

 

 

 

 

 

 

 

 

西蘭花炒珊瑚蚌

噚日買咗包珊瑚蚌(我的至愛)、今朝見超市又有特價的西蘭花賣、一於炒番碟做午餐。

材料

西蘭花先用油盐水灼至半熟

珊瑚蚌解凍後用薑汁、古月粉醃吓再飛水

調味汁

蚝油、少少老抽、糖、生粉水

做法

落油先炒過西蘭花、再放碟上、之後用蒜片起鑊、放入珊瑚蚌、赞酒、兜入調味汁、炒幾吓放在西蘭花上面。

 

 

 

我的黄昏日子。。。。

有冇諗自己的黄昏之路會是怎樣的呢？

自從早幾曰見完心理治療師之後、佢提醒咗一個我從未想過的要点。。。。就是其實每一個人都有自己的獨立性格与思維、但由於我一早巳同亞媽混埋一体、所以變成。。。她的喜怒哀樂亦同自己mix埋一齊、基於这種的情形是由细巳形成、現在所針对治療並不是要去改變什麽、而且教我如何抽離、不至於有一天她真的要走時、我會患上抑鬱症。

其實这情形在先父當初走的時侯我亦有段時間出現過、我會無缘無故对住他曾坐過的櫈流眼淚(雖然我並不很愛他)、但我並未察覺是由於一段颇長的時間照顧他、一旦没有了、適應唔到、但當時我還有亞Sam陪住我、所以亦只維持咗半年左右。

若今次我不及早正視、恐怕我的黄昏之路將會很難渡過！

 

 

 

 

 

 

 

 

寒冬下的午餐＆晚餐

印象中自從係英國返來後香港好似未試過咁凍、今日好似得四五度左右、新界重有小冰粒添。

全日都食蒸飯、今朝排骨虾乾、今晚排骨臘腸雞肉、加埋碗杞子紅棗海竹煲雞、覺得好幸福。

 

 

 

 

 

 

 

 

 

 

 

 

 

泰式芒果沙律

凍凍地、整碟泰式沙律先。。。。

材料

泰國青芒果、甜同酸各一
黑木耳絲

汁

魚露、泰國雞醬、醋、椰糖、青檸汁

香茅雞扒意粉

由於今日要覆診、加上前两晚又瞓得唔好、是但整碟香茅雞扒就算。

醃雞扒材料

香茅、魚露、椰糖、老抽少許(令颜色靚d)

意大利蛋麵用油塩煮约七八分钟拎起放碟中

醃過之雞扒用光波焗熟跟意粉同吃。

 

 

 

 

 

 

秋葵(Lady Finger)中西食

今日又玩吓新玩意、將秋葵做咗三款唔同的莱式。。。。

第一(冷盤)

秋葵木耳 with 黑醋 汁

第二(秋葵黑木耳炒皇帝蜆)

第三(秋葵黑木耳炒天使麵)

又中又西、夠晒 fusion

 

 

 

 

 

 

 

 

 

糖醋黑椒骨

早輪同朋友試咗個糖醋黑椒骨、雖然唔知用乜醬汁、但大概都估到六七成、我的方法如下。。。

材料

腩排(下次用急凍可能重好d)

醃排骨料

黑醋、古月粉、糖、生粉、木薯粉

汁料

黑醋、糖、茄汁、水

另外配料

黑椒、芝麻

做法:

先炸腩排、再放回鑊兜入汁、熄火灑上黑椒同芝麻便可上碟。

 

 

心牢。。。。。

今天看見这篇文章時、正正道出我的心声。。。。。是真的無奈及無助。。。因為心牢这两個字往往除咗苦了自己、亦令身边的人如身繫監牢一般、我家中正正有個这樣的人存在、為了她自己陪坐了大平生的監牢、今時今日巳去到爆煲的臨界点、為了自己日後的健康、亦不想搅到精神分裂、相信亦係時候放棄、一切就看佢的造化吧！

曾己何時自己亦有數年的執着而令自己有苦不堪言的感覺、好彩醒覺得及時、不致令自己的心牢继續下去、以後不再為别人的心牢再苦了自己。

晚餐

今晚食佢...........

 

 

 

 

上海捞麵

前幾日見網友做咗個差不多的！今日又玩吓。。。

我的做法如下。。。。

材料:

腩肉搅成免治

醃料:

叉燒醬、甜麵醬、茄汁、糖、老抽

大蒜碎、蒜茸

做法:

先出水上海麵、煮完肉碎淋上面就是

希慎中心下午茶

今日約咗朋友下午茶、去咗希慎中心十四楼一間食店、幾好食！

好多款式、而且又唔貴、一定會再encore。

 

 

 

 

 

 

 

 

 

 

 

 

 

 

客家炆魚重(又叫懵仔魚)

以前係街市成日見、但唔識食、自從EE教過我食後、不期然愛上了佢！

不過原來都唔平、今朝買咗半個腩、又後同亞媽一人一半囉。

材料

魚塊數件
先用古月粉、羗汁、塩、生粉搽過再煎熟候用。

其他配料

蕃茄、客家咸菜(大芥莱)、荳卜(唔記得買改用杞子)、香芹、水

調味

糖、塩、豉油

做法

將配料煮成半湯加入煎過之魚再炆片刻即成！

 

 

 

薑葱大魚头

今朝買咗一個大魚头、自己食唔晒、分咗一半比亞媽蒸、自己的半個用薑葱煮、十分惹味。

 

 

 

 

 

 

 

 

 

桃膠系列之。。。。燉六宝

嘿！凍凍地一於揾d嘢搅下先。。。。

材料

桃膠
雪蓮子
黄耳
紅棗
杞子
圓肉

冰糖、水

正！

 

 

 

 

 

 

 

鹵水鵝翼

買咗包鵝翼、做咗鹵水比朋友。。。。。

鹵水料。。。。花椒、八角、香葉、果皮、草果、果皮、

冰糖、水

調味

老抽、雞粉

首先將鹵水料用布袋袋住、加水煲至出味、加入調味同糖再煲、之後放進巳飛水之鵝翼再浸至熟。

最後之道别

以前每逢去大酒店總會有点唔舒服的感覺、隨着時代的變千、心態、雖然還有点戚戚然、但諗起。。。。他朝君体也相同、係結朿？解脱？定另一個開始呢？相信日後定有答案！

近年若不是無可避免、可以的話出入醫院及这地方、可免就免、因為始終去完都會心情有所影响、但而家的心態、好是乎同对方之交情、好似近年去一個先父故友的告别會、當年先父去的時候、他八十多歲的高齡還拖着拐杖來送别、我心中巳許下承諾、只要我還在、一定會送别那位世伯。

至於昨晚道别之一位親戚、每年新年一定會來探望母親、雖然佢現在巳患有腦退化、莫講别人、就算我死鬼咗都未必感覺到、我還是要代佢作最后之道别、做人才心安理得。

認同嗎？

借圖。。。。。。。

 

 

桃膠系列之。。。。。栗子桃膠

今日又玩新配搭。。。。栗子桃膠、又幾夾喎！

栗子
桃膠
冰糖
水

先煲栗子半小時、加入(巳浸發及飛水之)桃膠再煲多十五分钟、落糖便OK！

2016之第一次。。。。白飯魚

。。。。。我的至愛、都唔知幾多年買唔到正貨、一係就銀魚仔、一係就似膠的合成假白飯魚、至家重要賣到四蚊両添！

我今次買左半斤、一份用蛋煎、另一份用粉轆過炸香灑上七味粉。。。。。yummy！

希望遲d買到白飯魚乾啦、相信今年一定賣成三佰蚊斤嘞。

 

 

 

 

 

 

 

 

柱候金錢肚

平時亞媽食的金錢肚、閒閒地六七十蚊一碟、試吓買一斤自己炆、一半價錢又大碟d！

材料

急凍金錢肚一斤
用薑葱出水後切件
再用花椒八角煲過候用

之後再用蒜茸、柱候醬加麻醬、糖、老抽再炆至腍身便OK。

午餐

今日成朝同太后博鬥、出動到佢愛兒都不肯就範去冲涼、唉！腦退化還腦退化、硬頸情度絲毫不變。。。。。let it be 吧！

我今天的午餐係。。。。豉汁蒸飛排、小棠莱、白飯。

 

 

 

 

 

 

 

 

 

日式三宝豚肉莱飯

今晚煮碟碟头飯食吓先。。。。

材料

黑豚肉切粒、先用日式三宝(鰹魚汁、清酒、味淋)醃肉约半小時
洋葱切粒

用光波焗熟

小棠莱切細粒用油盐炒熟、再加入白飯炒過、加入崧子仁再配黑豚肉粒便可。