2013 的最後甜品

今天係2013的最后一天……除夕！……當然要甜一吓……希望將甜甜的感覺帶到落2014。

Le個甜品就係花膠紅棗燉鮮奶……保証食完除咗充滿骨膠原之外……重兼養顏添！

婆婆顺便係到祝各位老友記有個美好的2014啊！

奶皇包

噚晚試咗blog友高Ling的奶皇包……以我的新手嚟講都算滿意……不過應該重有進步的空間呢！

椰漿飯跟雞沙嗲

今天心情勁差……因為一早係街見到一個朋友……原來佢先生上月走咗(其實一早預咗)……但始終聽完都好唔舒服……一塲相識……諗諗吓我個心實一實！是是但但係雪柜攞咗包雞沙嗲出嚟焗熱跟一糰椰漿飯作為午餐就算啦。2013將盡…………萬事希望隨2014的來臨一切變好吧。

拉椰糕

今日又黐起條根整拉椰糕……做法用番高Ling個红棗糕個配方咋……

永别了！亞虎

從2010年起開始學人寫網誌……原意係為咗逃避傷痛……因為當年剛好陪伴咗我17年的狗狗……亞Sam……剛剛走咗！……經過三年多的日子……变成一種習惯……亦從这平台中認識不少網友……可惜亞虎年中竟然發出通告……由2013年十二月停止全部網誌……當時被這消息嚇得一跳……好彩現在還可以在谷歌這平台继續再寫下去……更联絡到大部份的網友……anyway……天下無不散……亦在此多謝亞虎这平台令我認識到一衆好朋友！再見吧亞虎！

黑白双耳鲍魚絲

摷雪柜見有幾隻罐头鮑魚仔……靈光一閃……做碟冷盤啦！黑白双耳又幾襯佢。個汁用咗日式三宝。

亞婆炒米

是是但但又炒碟米粉做lunch算啦！今曰有師傅嚟整嘢……又要standby.……因為個电掣比亞媽長期差不多插住24小時開行個暧爐……差d火燭(燶晒)……我死唔緊要……驚禍及楼下的老人院咋！如果我一驗到有腦退化……一定走去死咗算吧……費事給人添麻烦呀。·

鵝掌炆冬菇花膠仔

本來諗住炆碟鵝掌比朋友……点知佢突然皮膚有d事……唯有下次再做過比佢啦！

今次唔用波蘭改用法國鵝掌……雖然細少少……但似乎冇咁容易爆皮呢……同時我今次加咗(朱油)落老抽一齊醃……走完油之後顏色靚d……師傅曾經教過先炸後燉……効果係最好！

婆婆的冬至晚餐

今晚邀請咗三位親戚嚟陪亞媽過節……唉！食得一年得一年啦……反正佢都冇乜反應……現在什麽節日对佢嚟講都感受一樣……有時諗諗吓都有点心酸……Anyway......餸莱係:花生雞脚煲眉豆唐排……清蒸東星斑……牙菇餅……白切雞……南乳炆牙菇(慈菇)……蒜茸炒黄帝莱

藜麥鮮奶麵包

自從噚日加咗藜麥落去一搓粉……估唔到做出嚟的麵包又香又軟…真係無得頂呀！
我今次的配方係……高筋粉300gm……
鮮酵母18gm……糖48gm……塩少少……蛋1隻……巳煮過之藜麥50gm……鮮奶大約150至170ml(是乎粉的吸水程度)……軟牛油15gm(後下)！

花膠絲瑤柱扒荳杯

噚日行City Super見到有d細隻的花膠賣……平平地買半斤嚟試吓囉……細唔緊要……千祈唔好假就得嘞！我今次用咗瑤柱加埋花膠絲嚟扒荳杯……不過今年的荳杯(荳苗最嫩的部份)就勁貴……未到過年巳經賣到120/斤……唉！好彩唔係成日食啫。

婆婆的午餐

今朝買咗半斤自己曬的鮮魷……本來就唔應該食嫁……不過……我通常都係食一至两嚿啫！

鮮酵母麵包

噚日買咗嚿鲜酵母……趁今曰整開蘑菇忌廉湯……做番幾個蘑菇雞肉白汁麵包比朋友啦！

自制糯米燒賣

本來想整糯米包嫁……但買到的燒賣皮太細……唯有整糯米燒賣啦！

澳門一日遊之自助意大利brunch

朋友今曰請食意大利brunch……一早八点幾過左澳門……啱啱六点幾至返到屋企……比d靚嘢妳地睇！超抵……398/位加多100紅白酒任飲添。