桃膠燉紅棗黄耳

今日又試第二款桃膠糖水！

黄耳、紅棗、果皮、桃膠、冰糖。。。。聽講(桃膠)是廉價的美容骨膠原、是否如此就未能確定、反正真係幾平囉。

龍虾燴意粉

一年將盡、今餐好得好少少、齊齊迎接美好的明天。。。。。2016！

先將龍虾仔烚熟去殼、殼加洋葱、西芹炒香煮成湯汁候用。

烚意粉至半腍拎起、加蒜油炒吓洋葱蕃茄、加入意粉同湯汁燴意粉至收汁、加入龍虾肉上碟、灑上蕃芫做裝飾。

海味大豐收

今日約咗朋友去西營盤入貨、費事下個月同人迫！

當然去番幫襯咗十幾年的吳太到啦。

最難得比我揾到近日大熱的桃膠、一於試多幾款不同的煮法。。。。。。

自從先父走咗都好耐冇幫櫬買鮑魚囉。

蒜香雞肶午餐

噚晚煲完的龍躉骨湯還未飲、今朝用光波做隻雞肶送少少飯食就算。

蒜香雞肶醃料

老抽、糖、蒜茸、魚露、牛油

先醃約一小時、再用光波焗香便是。

蕃茄薯仔煲龍躉骨

去完佛堂拜表舅父(今天是佢死忌)、去湾仔食素午餐、之後係街市買到龍躉骨、打算煲蕃茄薯仔湯。

煲完好香！

桃膠西米燉椰汁

終於買到啦！

近日大熱的桃膠終於到手、噚晚開始浸、今朝飛水同西米一齊燉、燉好後加冰糖同椰汁便可。

雪耳蓮子红棗糖水

天气乾燥、今晚又煲咗le個糖水比亞媽飲。

材料有。。。。。

雪耳、红棗、新鮮蓮子、圓肉、果皮、煲好後加冰糖便可食。

好潤！

水上人家糖水

今日亞媽要求煲餐兒時最常飲的糖水。。。。云耳黑豆糖水！

而家很少糖水舖有这種懷舊的糖水、要食就自己煲囉。

材料
云耳、黑豆、紅棗、果皮、片糖
黑豆先用白鑊炒吓再同其他飛水才用。

煲腍豆加片糖便可。

 

 

一边飲、勾起一段段兒時的回憶！

 

 

豬肉魚肉餅莱飯

今晚整咗碟虾醬猪肉魚肉餅、再跟莱飯、超好味！

醃料

虾醬、糖、免治猪肉、鯪魚肉、芫茜、生抽、生粉、水、搅至起膠、再用油煎成魚餅。

 

 

香茅豬扒加菜飯

今朝食莱飯同香茅豬扒！

超市le隻丹麥冇骨梅头扒幾好、又腍又平、一包四塊唔駛四十蚊、食得過。

醃豬扒用香茅碎、椰糖、魚露、古月粉、生粉、水

我用光波爐焗所以冇乜油、幾健康。

 

 

孤獨老人聖誕午餐

完美的配搭、没有火雞可以有乾焗咖喱燒雞、西蘭花薯蓉湯、加多客芒果沙巴翁。。。。

这個聖誕午餐都好滿足啫。

Happy and Merry X'mas to everbody I know ！

 

Pefect lunch I really enjoy。。。。。

 

 

759的星加坡咖喱醬

Le隻咖喱醬真係值得介紹、雖然貴過我以往用開的田師傅、但真係幾好味。

雖然我今次用咗急凍的雞下脾、但都覺得唔錯及好味添。

做法都好簡單、只係用一两匙咖喱醬醃吓雞脾、再煎香雞脾、之後炒吓洋葱及薯仔、放回雞脾、加入咖喱醬及水、炆至肉腍及汁液少許、加入椰粉煮片刻便OK！

 

 

 

健康腰果糊

早前朋友送咗樽炸腰果比我、食唔得晒、噚晚搅咗碗健康的腰果糊食。。。。。因為我用咗龍舌糖漿代替冰糖囉。

咖喱虾

早前係759買咗盒星加坡咖喱醬、咁啱今日係超市買左包白虾、於是就做咗碟咖喱虾、個賣相同d咖喱都唔錯、抵食！

 

 

蓮藕墨魚餅

噚晚煲蓮藕湯剩低咗一小嚿、所以今日買咗四両墨魚肉搅埋佢、煎成墨魚餅。估唔到又幾夾喎。

 

 

 

 

2015的回顧

自從由2011開始寫網綕之後、每年年尾例必作個總结、回憶吓那年大概發生過的事、作為对自己的一種提示、及反思自己所做過的对与錯。

2015对我來講有得亦有失、健康方面總算平平穩穩、無驚亦無險、由於亞媽今年中意外地跌斷咗隻腳之後、由一個成日出街的人變成足不出户(覆診洗头除外)、佢的腦退化日趨嚴重、若然不用葯控制住、簡直每天都要同佢疲於角力、分分鈡做人肉錄音机。現在每天的工作就是同佢鬥命長、曾經放棄了數年的關注(由1985一直照顧她的起居直至2010、由於顶不了她的無理曾一度放棄直至今年、發覺自全權由工人照顧後發覺太不对勁、直到跌斷脚之後、重新再pickup我一路都视為惡夢的工作、算是给她還債吧)。

不過總括來講这年比我更認清楚身边的所謂親朋戚友、誰是真心和假意、算是2015的最大收鑊吧！

以下的圖片取自網友的網络圖片、覺得頗為適合今次的主题！

謝謝！

 

 

 

聖誕節

祝各位朋友聖誕快樂！

白汁蘑菇Parma Ham 意粉

今日剩咗d白汁蘑菇、見早輪朋友又送咗d巴馬火腿我、一於整碟意粉啦！

咁配搭都唔錯呢。

下雨天的午餐

今日毛毛雨又凍番、加上le輪勁唔夠瞓、是但煮碟莱虾子蚝油捞麵就算、簡簡單單又一餐嘞。

同場加映白汁蘑菇芝士on toast。

超級好味梅莱肉餅飯

前幾日係九龍城買到好正的甜梅菜、又平又爽脆！

今晚蒸咗盅梅莱肉餅飯、簡直好味到痺、又滑又好味、有時自己都覺得整個肉餅整得好正呢、嘻嘻。

寒冬下的午餐

今朝凍到死死吓、le两晚又冇得瞓、太后晚晚半夜醒完就唔瞓、成晚玩紙巾、近日最高紀錄一日十二盒紙巾！唉。。。。人都癫。

炒飯。。。用虾仁、蛋、火腿、菜粒同美極。

虾醬豬肉魚餅。。。用免治豬肉、鲮魚肉、虾米、虾醬、古月粉、生粉、搅匀煎成魚餅咁、好惹味。