2016年11月30日 星期三

超級好吃糯米飯

經過名廚指点、果然非同凡响!

小貼士係浸米45鈡
在水喉下冲去膠質
加入巳蒸過之瑤柱絲、加入盐、油
蒸(隔水)45分鈡

再用油爆香巳蒸過之料头(我用臘腸、冬菇、乾葱、虾米)

之後回鑊蒸好之糯米飯、兜匀、加入老抽便可。






2016年11月29日 星期二

豉椒炒田雞扣

一種兒時的食物突然出現在街市。。。。田雞扣(應該係田雞喉)、这早巳不見多年的嘢突然出現在眼前、我又豈能放過呢?

用蒜头豆豉、洋葱、青紅椒炒、十分惹味、久違了的味道。。。。正!



齋期(十一月初一)

眨吓眼又到咗十一月初一、齋期!

今天煮碟亞婆上素啦、有冬菇、馬蹄、竹笙、红蘿白、發莱、雪耳、荷蘭荳、粟米仔。



海逸自助餐

可能自己朋友缘好、久不久就有食神、昨天有好友(唔係飲食朋友)請我去試油街那間海逸酒店的自助餐!真唔錯、而家係open rice download重有七折添、幾抵嫁!

2016年11月28日 星期一

瑞士雞翼

今日再做多次瑞士雞翼!

瑞士汁

花椒
红蘿白
洋葱
香芹
生抽
老抽
冰糖

煮完隔渣留汁用來浸雞翼、可浸乳鴿



2016年11月27日 星期日

新產品之雜果皮腰果杏仁酥

今曰又搅搅新嘗試、唔錯、冇蛋、只有麵粉、糖粉、杏仁碎、腰果碎、雜果皮、粟粉、發粉、梳打粉、固体菜油





2016年11月26日 星期六

塩鹵咸雞飯

近日某大型快餐店熱賣这飯、等我又學吓先。

用料係冰鮮雞肶一隻

小棠莱適量
部份切碎煮莱飯
部份灼熟放碟底、碟面放雞

醃雞

日本塩鹵、四季塩焗粉

醃過夜、蒸熟候凍斬件




2016年11月25日 星期五

碟头飯精選之蟹肉芝士汁

今日下午又要同太后去搅吓佢隻脚之雞眼、是鬼但但整碟飯就算、噚日有少許蟹肉係雪柜、用细盒雞湯同三片芝士煮個蟹肉芝士汁、淋上白飯就OK!


快。。。靚。。。正!



秋冬滋潤甜湯

今朝比两件癈柴激到生虾咁、即刻煲番劑滋潤的甜湯潤番吓。。。。。

雪耳。。。。滋肺生津
杞子。。。。杭衰老
果皮。。。。補气化痰、止咳
蓮子。。。。益補潤腸
百合。。。。解毒、理脾健胃
圓肉。。。。零神安睡、補血安神

以上不錯的甜湯、若然忌甜、加入豬煲湯亦不錯。



2016年11月24日 星期四

珍惜每一刻

以前年青時对这两個字一直忽略、但當發覺身边的人一個一個的離去、就好似一個人乘搭一列尾班車一樣、獨自留在車内、雖不知(自己)可否去到總站、但眼見其他乘客越走越多、感到無奈、亦伤感。。。所以現在特别珍惜還在車上的乘客。

以前有句老生常談的說話。。。。後知後覺!當一切失去才懂珍惜。。。。机會不可重來、所以要懂得珍惜每一刻當你還擁有、共勉之!




2016年11月23日 星期三

客家糍耙(糯米糍)

前幾天係報紙睇見这傳統小食、今晚又用自己的方法去做幾只玩吓!

材料

糯米粉150gm
糖40gm
椰汁200ml
水25ml
盐1/8 茶匙
以上開匀過濾
隔水蒸熟(大约15分鈡)
之後分割成大约12份(30至32gm/each)

花生碎、糖、芝麻、黑芝麻粉

包完轆過熟糯米粉便OK。

梅子蒸鱔片

好耐冇食这味皇牌餸嘞!

而家的白鱔越賣越貴、三份一條巳經over一佰大洋啦。

我通常煮定皇牌梅子醬係雪柜……方便隨時拎嚟蒸排骨、魚、或蟹、好正嫁。

梅子醬配方係。。。。

酸梅、蒜茸、指天椒、冰糖、茄汁、少量(份量按個人喜好)、煮好放涼、隨時駛用。



2016年11月22日 星期二

星期二之晚餐

今晚食。。。


蟹肉芫茜煎蛋

咸酸莱蕃茄煮牛骨髓

腐乳生莱

街边碗仔翅!


街边碗仔翅

細時的美食、以前d人成日講粉絲當魚翅、時移世易、高級咗、而家用咗素翅代咗粉絲啦。

我的配方係。。。素翅、肉絲、冬菇絲、筍絲、雞湯、加老抽少許(取其颜色)、最後用馬蹄粉(似羮多d)埋獻。

2016年11月21日 星期一

星期一之晚餐

自前两天開始一边面腫咗、今天星期一才能看牙醫、好彩唔係生牙瘡、係大牙(爛牙脚)發炎、所以比咗五天消炎药我食、等好番才决定怎樣處理、話雖如此、咁搅一搅又唔見咗五百個大洋、唉!我地d退休亞婆真係難捱呢。

唔理得咁多、食咗至算。。。今晚食三杯雞翼、酸梅麵鼓蒸大魚腩(聽聞大魚滑過鯇魚、果然冇錯)、炒莱心、同蘋果雪梨水。



2016年11月20日 星期日

去牙火湯

無lala这两天一边面腫咗、可能牙痛或牙肉發炎、但星期天又未約到牙醫、只好用住網友EE的民間偏方啦。


平時我冇加茶瓜同蕃茄的、今次照足佢的方法。



2016年11月19日 星期六

老模訓練班

謎底終於解開啦、今天終於完成一連三星期共四課的行cat walk訓練班、好玩、又可建立自信、從中看到自己的另一面、就當去學烹飪咁囉、嘻嘻!




紅事与白事

人老咗……心態亦隨之而改變、年青時甚少去大酒店、亦很忌緯!但近年反而甚少去紅事、因為唔想錯過送别。。。親友也好、朋友也好的最後一程、昨晚巳是最近这半年第三度去送别親友啦。

先父六位兄弟都先後離世、總算一家團聚、昨晚亦是送别最後一位叔叔、尤於佢没有結緍、所以一切後事都是由子侄們代辨、今天雖然要返學未能送到去火葬場、但都會去上多次香、代太后送别这位小叔(雖然就算我瓜咗、太后都無乜記憶)!



煲仔飯

我自少就好喜歡食煲仔飯、尤其是大排檔(街边那種用炭爐)、不過時移世易、莫講街边、就算炭爐的。。。少之又少啦!

噚晚上完堂、返到铜鑼湾搭車回家、走咗去渣甸坊那間平時食開的茶餐廳食煲冬菇潤腸滑雞飯、連埋凍檸茶、承惠九十一蚊、不過巳冇我平時食開的那種風味咯、飯唔夠虾仔米、冬菇得半只、算啦、舖租起碼佔八成、而家本地人唔多、全舖大部份客都是大陸人、成門口擺滿行李喼。



2016年11月18日 星期五

午餐之(2)

因今日還未修理好個电磁爐、所以食得簡單d、食完又要上瑪丽幫印佣交信約專科、因佢睇開的私家醫生(保險)話佢食咗成年血壓药都控制唔到、想佢睇專科check吓、有friend問点解唔叫佢自己去、唉!你估我得閒冇事做咩、佢做乜都斷估、分分钟去成日都搅唔到、今次只係交信、都要等醫院打电話再比期、如要等太耐才决定睇公立定私家啦。


諗諗吓都唔知解自己咁命苦。。。。唉!可能前世殺咗人都未定?


2016年11月17日 星期四

午餐

今日一早無电、搅到好晏才食lunch!

現實

以前常常聽人講。。。。錦上添花易、雪中送炭難。。。。那時還未睇透箇中的含意、如今完完全全明白这話之含意。。。。師傅!明白了!

其實如今的社會生活困難、個個自身難保、揾朝唔得晚、莫講說幫忙、只要不是落井下石巳經是天大的喜訊。

回想當年、先父年青時(當然我是聽别人說的)、不但贈衣施葯、就連街坊死後沒錢善後佢亦幫助殮葬、(當我有認知時)亦見佢幫助那些窮學生去外國讀書、到晚年捐送绵被比露宿者、他的做法亦没有為留名、相比之下、如今很多有錢的人之所以做善事、或多或少都只為方便為自己舖路(只屬個人意見)!

當年窮的日子他巳是这樣的一個人、相信現今社會、这樣的人就如冰山一角而矣。


(圖片來自網絡)

2016年11月16日 星期三

沙拉排骨

今日用飛排做碟沙拉排骨

材料

排骨
沙拉醬(沙律醬)加蕃茄醬

醃料

蛋王、塩、古月粉、生粉

做法

首先用醃料醃排骨约半小時、之後大半炸2次、回镬贊酒加入沙拉醬兜匀即成


·

2016年11月15日 星期二

虾仁魚肚

今日買咗魚肚、加上太后假牙壞咗、我就煮碟魚肚莱式同油盐飯比太后做午餐。






2016年11月14日 星期一

桂林錐

今天買到桂林錐、做咗两款餸、一齋一雜。。。。

栗子冬菇炆雞

栗子素雜錦(有栗子、甘笋、雪耳、竹笙、冬菇、生根)



2016年11月13日 星期日

炒麵皮蛋瘦肉粥

以為太后會食、点知最終又係要比人!

噚晚成晚都話想嘔、可能又食多咗、因為我昨天臨去返學至同佢去譚仔食米線、果两件蛋散三点幾又買牛筋麵佢食、唉。。。。佢話乜就乜、唔識執生、有時我都要行開吓呢。

發覺每次佢食滞咗都係咁、最衰太后又軟硬都不受、後生巳經係咁、而家腦退化更加有理講不通。

諗住今朝煲粥佢食啦、冇嘢到肚点食药噃?

真冇晒佢符、成世人只得佢話事、以為腦退化聽話d。。。。鬼知重衰過以前。。。。真係好攰呀。



2016年11月11日 星期五

上海莱之上湯浸釀油麵根

前两天係电視學咗le個上海餸、今天特登去灣仔買齊料返屋企整。

材料

免治豬肉、上海油麵根、扁尖筍、娃娃莱、上湯

做法

將免治豬肉釀入油麵根、加入洗淨之扁尖筍同娃娃莱、加入上湯浸熟。




狗狗星球

嘻嘻。。。。近日唔知係唔係中咗电視毒呢。。。。晚晚睇住套喵喵星球劇集、突發奇想、若然我的Sam Sam可以由狗狗星球回歸就好嘞!

唔係發夢呀、係瞓唔到太無聊之幻想咋。

2016年11月10日 星期四

預知能力?

誰人能有预知能力呢?除非係先知!美國大選爆大冷、唔知真定假、個個話移民、而家世界紛亂、妖魔遍佈世界的每個各落、去得边吖?明君又昇仙、狂人當道、相信只有大洗牌、世界才得以和平吧!

最近從看回到三國、及以往的歷史、自有人類以來、從來都是弱肉强食、你我只能嘆一句、無奈!

其實每一代人都生於亂世、如今身處於香港又何嘗不是呢。。。每天不是面对那百般無奈的日子咩?

所以現在只有。。。。不看、不聽、不聞、不問。。。。

生活才可安然渡過!


(圖片來自網絡)


2016年11月9日 星期三

罐头鮑炆雞翼

本來秋高气爽、約咗個親戚諗住帶太后入長洲行一轉、点知。。。突然翻風、梗係咪搅啦、咁大責任点孭得起?。。。唯有叫咗佢來屋企吃飯囉。

之前有個friend送咗罐紅燒即食鲍魚比我、咁就拎嚟炆幾隻冰鮮雞翼。。。快。。。。靚。。。。正!



2016年11月8日 星期二

花燉湯(牛展)

近日開始凍、係時候煮d燉湯比太后進吓補。

材料

花半條

圆肉、准山、黨参、北旗、杞子、果皮

以上飛水再隔水燉至牛淋。大约2.5小


Related Posts Plugin for WordPress, Blogger...