靚婆婆之特式焗大虾

今曰又試新莱式……我叫佢做靚婆婆特式焗大虾……做法又係超簡單……首先將d中虾煎香……加入煙肉粒炒吓……又放入用蜜糖同芥辣混合的汁……之後用錫紙包住……放入焗爐焗至有香味……大概250度焗10分钟就OK！個汁超正呢。

藍莓芝士凍餅

應承朋友幫佢做咗個芝士餅開party……所以做個7吋的藍莓芝士凍餅啦！

材料

忌廉芝士250gm
Fresh cream250gm
糖60gm
魚膠片10gm
暖奶150gm
藍莓酱適量

餅底……牛油溶液60gm……麥維他餅碎100gm

做法

首先做餅底……之後放雪柜雪约15分钟

魚膠片先浸軟……再放入暖奶中坐热水至溶

Fresh cream加少許糖打至企身候用……忌廉芝士加糖打至滑身……之後加入魚膠奶……搅匀後過濾再fold入打企身之fresh cream...……再放入少許藍莓醬……放回巳有餅底之模中再雪三小時……最後再淋上餘下之蓝莓醬做裝飾便可。

健康炒飯

今朝印姐留咗碗佢家鄉的粟米飯比我……據說佢老豆食咗血壓高同糖尿都好咗好多喎……其實係將新鲜粟米曬乾……蘑碎同埋白米一齊煲飯……原理同紅米糙米一樣。

我今次用咗虾仁(用剩的荳苗)……加魚露一齊炒……連雞蛋都慳番呀……煙煙Un Un咁超好食呢！

靚婆婆特式糖水

我今日又用雪柜的剩餘物資做咗le個超正的糖水……有雪耳……花膠碎……白蓮子……雪蓮子……加冰糖……夠晒滋陰同潤肺呢！

韓醬焗雞

今日又用咗韓式醃豬扒醬嚟醃雞……醃完焗咗佢……但要小心睇火……因為可能有糖……十分搶火……最好用200度先焗熟裡面……反轉後皮向天再焗至金黄色(我用220度)……我今次用咗30分鈡嚟焗半边雞！

迷你香蕉合桃蛋糕

今朝見食剩2隻梅花点(香蕉)……又有少少合桃响處……心思思想焗番2條迷你牛油蛋糕比朋友啦……於是走咗去網到揾個食譜……比我揾到為食貓個做法……見幾啱自己……一於又做東施囉。不過我改咗用橄欖油代替牛油！

牛大力煲西施骨湯

尤於近日濕气重……周身骨痛……物理治療都止唔到……早幾曰買咗le個湯包……有牛大力……生熟薏米……扁豆……赤小豆……蜜棗……西施骨！

雞醬煎金蠔

過年前買咗兩排金蠔……尤於印姐病咗冇整到……又唔想雪咁耐……今朝香煎咗佢……之後再掃少許蜜糖同用d泰國雞醬燴一陣……果然very good！……yummy……yummy。

炒鴿甫

Le碟係陸羽名莱之一……我好喜歡叫嚟食……但尤於工序多……又唔識起肉……加上胆固醇又高喎……点知咁啱雞檔的亞姐又肯同起肉……所以就試一次啦！

做法都唔太難……

材料:

乳鴿一隻(起肉)

醃料:

古月粉……薑汁……糖…生抽…生粉(醃鴿之前先用梳打粉水先醃10分钟……清洗後才用醃料……目的係令鴿肉鬆化d)

其他配料:

冬筍……紅蘿白……薑片……冬菇

鴿骨用蛋黄……盐……生粉炸脆放碟底

鴿甫先拉嫩油拎起……回镬炒配料……再放回鴿甫……贊酒……埋薄獻再鋪在鴿骨上。

健康水果糯米糍

本來今日係想整芒果糯米糍……奈何芒果重未係時候……所以今次用咗無花果同士多啤梨……真係健康得嚟又超正呢！最重要係個皮係……正……超正……超超正！

乾焗咖喱雞

原來咖喱雞除咗用嚟煮薯仔之外……好似塩焗雞咁焗都好正嫁！

材料:

雞半隻
咖喱粉一包
塩少許
酒少許……用嚟開匀咖喱粉
以上醃雞一小時……預熱焗爐200至230度每边焗約20分钟……最後皮向上搽少許蜜糖焗至皮脆身……凍後斬件。

正正糯米糍

自從加入咗煮食搅搅鎮個群組之後……果然見識到好多高人的绝招……噚日試咗一次的糯米糍……發覺真係好正……故此今朝再做東施……做d比朋友試吓……我將d材料轉動一吓……那椰香味重出味d呀！

材料:

糯米粉306gm
椰汁(快達牌……大)400ml
清水50ml
砂糖110gm
盐8/1 茶匙(令椰汁出味d)

以上mix好再過濾放碟中蒸1/2小時
之後分割成30/gm一份……包入花生芝麻糖饀……再碌過糕粉(熟糯米粉)就得嘞！

再次多謝高人的分亨……唔好意思……唔記得個名添。……Sorry！

自創棉花糖芝士餅

病咗一日……今朝又搅搅震……做咗個自創棉花糖芝士餅……幾得意……個賣相都唔錯……個餅係焗的……可熱食又可雪凍食……再唔啱用杯仔焗……好似食法式燉蛋咁……尤於棉花糖甜……我刻意減糖同加d檸汁同皮茸……真係唔錯嫁！

瑤柱白粥&炸瑤柱絲炒滑蛋

婆婆病咗……冇整乜嘢……浸咗早輪朋友送的江瑤柱……用咗d嚟煲粥……另外炸咗d嚟炒滑蛋……估唔到病都可以食得咁滿足！

炸瑤柱炒滑蛋……首先將瑤柱蒸腍……撕成絲狀……用大滚油炸至脆身……用雞蛋2隻……加盐……麻油……生粉水……快手沸好……加入一半炸瑤柱絲炒過(不停地炒)……放碟上再灑上餘下的瑤柱絲就OK。

椒鹽斑腩

椒塩斑腩係我的至愛之一……自從有咗胆固醇同心臟有事後……一切煎炸嘢盡量少食……不過今朝雅興大發……行過魚檔見塊斑腩好靚……又心思思做番碟post上嚟啦……影完相又拎去打包送比人！曾經有朋友問我日日煮……又嘥錢又嘥時間……不過对於我地d退休人士……學識唔夠……又冇專長……这是唯一的娛樂……唔通日日坐响到等死咩！

材料

斑腩適量

醃料

薑汁/古月粉/糖/盐/蛋漿/生粉

回鑊

蒜茸/紅椒碎/味塩

做法

魚腩順次序醃過後……大滚油炸熟……再回鑊順次序下以上便可上碟

黑欖莱乾燒四季荳

何謂乾燒……知唔係將d四季荳先炸過……等d皮縐縐地……再回鑊用蒜茸……免治豬肉……紅椒……黑欖莱再炒炆吓就OK(要加d老抽同少少水炒至乾身)。

情人節巧古力

今日難得一遇的中西情人節……所以特登做咗2盒松露巧古力比朋友……個食譜係跟肥丁工作坊的………有玫瑰花同杏仁兩款……正正正！

焗塩焗雞

今朝買咗隻冰鮮雞……一於用四季塩焗粉再加d酒醃佢三粒钟……用焗爐焗咗佢先！我今次叫亞姐同我係個背處斬開佢嚟焗……一來快熟d……二來咁焗法個d皮又脆口d呢！要先預熱個焗爐200度每边大約焗20 分钟(都係是乎雞的大細啦)……最好先焗好雞的裡面才焗面(有雞皮向面的那面)