半中半西的晚餐

今日完全沒有出街（除咗一早外出買餸之外）、睡了整個下午、今晚實眼光光、望天光嘞🤔

又係沒有胃口、只飲了鄰居贈送的中湯、自己煮了一小碟蕃茄意粉就算😘

簡單的午餐

今早用個砵仔蒸咗炸菜肉絲蒸飯（但都一樣食唔晒）、跟住用虾皮、蕃茄、椰菜做咗個蛋花湯

簡簡單單又一餐、本來係話罷煮嫁、但係街買的實在食唔落口（我知係好衰格囉）😅😅😅

魚腩粥+炒米粉

由於月尾要慳d駛 、所以昨天晚上同鄰居一齊開餐、煲了個大魚腩粥、炒咗碟米粉同油炸鬼！

鄰居買了四隻什麼高山的香蕉做飯後生果、我就煲咗蓮子百合紅棗雪耳糖水😘😘😘

廚餘炒飯

都唔知点解半碗飯可以炒咁大碟嘅？

只好分一半比鄰居、近來唔知天气定什麼原故、又再次没有胃口了、今次的厨餘甚豐富、有蛋液（昨天用來搽月餅面的）、先捞落飯便成「蛋包飯」今早的蛋絲、昨晚的牛肉、生菜、红蘿蔔：（全部都是廚餘）、炒完又幾靚喎、这便物盡其用吧？

食得唔好嘥呀、不過以前太浪費唔識慳囉😔

十年網誌生涯的回顧

回顧起我由2011左右開始寫網誌、原因是自2010年我最后的一只狗狗離開之後（牠伴陪了我17年）、加上那年母親的（腦退化）刚起、之間有了不少誤會、令整個人情緒低落、甚至有点抑鬱、朋友那時建議我寫網誌、一來可有所記托、又可宣洩一吓情緒、所以由那時便開始我的寫個人網誌的習慣、其間经歷過~亞虎時代、執笠、一度停寫、到最后由朋友的幫忙、轉移到Google 的平台继續寫落去！🤔

從「亞虎時代」巳認識數位網友、有幾位當時還於美國、後來更回流回香港、我們之間的友誼亦保持超過十年以上、可惜好景不常、这幾年間無常之變化令其中的幾人回歸美國、甚至移居英國、亦有移居「天國」、深感無奈与不捨😭

寫網誌巳成我近年的習慣、主要原因除了記錄自己的日常（以防日後有腦退化時可增加記憶）、還可留低

（自己認為值得）的懷舊食谱於这世上、就算他日重歸天國（希望）、亦不至失傳吧！🥱

最近在fb的「小遊戲」測試中、發覺又幾準喎、作為一则笑话在这「廢話文章」的结尾😅

滑蛋牛肉炒河

而家日日熱到七彩、又糧尾、冇心情出街、唯有煮、煮、煮啦！

昨天晚上買了半斤河粉都食唔晒、所以今晚用滑蛋的方法加牛肉炒埋佢、又估唔到咁好食、我好耐冇試過食到咁「美人照鏡」嘞、今次唔係自誇、真係勁好味嫁😚😚😚

我的『上海月餅』

正式「亞茂整餅」、我以前從未試整過、刚刚前些日子在網上見到、突然手痕痕又試下整、不過做完鄰居（上海婆婆）話她們上海人的月餅不是这樣的、記憶中行過「老三陽」時見到的都不是这樣子的、唉！就當食「綠豆茸酥餅」吧🤣🤣🤣

昨天我整那「綠豆茸」做了成個下午、原來一斤開边綠豆做出很多綠豆茸、唉！都唔知是点收科好🥱

無常

今天打開報紙、發覺近日意外頻生、不論世界各地定香港、又想發吓噏風！

好似昨晚红館咁、刚刚至發生完墮台的事、今次竟然咁大鑊、雖然不知原因何在、不能下定論、但願伤者脫離危險、得到天上的父「恩賜平安」🙏

我們每天都活着不知明天會怎樣的世界中、所以沒有什麼可预测、自己覺得不要執着「過去」、亦無謂展望「將來」、只要能活好这「一秒」就是、 共勉之！🤔

昨天在fb看到的大叔金句：

（圖片來的網络）

老青瓜水

這幾星期實在熱到什麼都提不起勁去煮、今早煲咗個老青瓜（又叫老黃瓜）水、加埋生熟薏米、扁豆赤小豆、蜜棗、果皮、大大煲、去濕消暑、同鄰居一齊分享😋😋😋

沙律配日式煎雞翼

今日比個冷气机搅咗大半天、師傅走咗之後要換床單、又洗又曬、搅到三点幾才吃了個下午茶餐😚

所以今晚到咗到八点才有少少餓、上午時做定個沙律（薯仔、雞蛋、青瓜、红蘿蔔、牛油果、香芹）bb沙律醬+煉奶

再煎幾只醃定（日式三宝：鰹魚汁、味淋、清酒）嘅雞翼、十分滿意💕

煲粥炒米粉午餐

為咗答謝師傅（朋友）開緊工都立刻過來同我搅掂番個冷气、 (否則今晚就慘嘞）所以煲定個蚝士瑶柱排骨粥同炒定碟七彩齋米、因為佢冇收我錢（明知亞婆窮囉）🤫！

做人嘅嘢唔好白駛人、我從小就明白这道理、自問人緣都唔錯嫁、錢財乃身外物、我母親雖然没有讀過書、但從小就这樣教導我😚

不可预計的突發事

以往的數十年、由於沒有危机感的思維、往往當有突發性的事情發生時便有種「措手不及」的感覺！

好像今天早上由保安姐姐通知我的冷气机又滴水、明明我上個月找師傅通了喉及換了底盆、怎可能是我的單位呢？但事實上「真的」、只能講一句：「何必偏偏選中我」

世事就是如此的、「天有不測風云、人有霎時之禍福」、所以我現在每天都當自己是「最後的一天」、相信會開心一点😚😚😚

現在咁好的天气、又唔曬、可能一轉眼又會烈日當空🔥🔥🔥这便是人生！不可預計吧😅

師傅刚來過、原來又是垃圾的問題、銀紙就冇、点解垃圾又可以咁多嘅、最近又跌爛手机、又要修理、錢、錢、錢、乜都係「錢」、雖然錢不是萬能、但冇錢就「萬萬不能」😭😭😭

罷煮的第一天

由今天開始、準備罷煮一星期、看看浩熱的天气會否回落、唔想在廚房「中暑」😅

買了盒飯、準備分两餐吃、為了清空雪柜、只好炒了碟雜菜、加埋鄰居（韓國人）贈与的大雜會湯（因為佢乜都落、有鮑魚、豬骨、龍躉骨、三文魚头、栗子、螺片、蓮子、百合、蕃茄、重有唔知乜?）又同佢溝通唔到、只要不是花椒八角之類我都會飲嘅🤣🤣🤣

夏日甜品之「雜果白涼粉」

近日真係熱到人都癲、今天终於決定罷煮一星期、睇吓气温

有冇回落才算、所以每天走去買盒飯分兩餐食、至多灼碟菜就是！

不過咁鬼熱、点都整些冰凍嘅甜品嚟歎吓啦、今日整咗一些「白涼粉」加雜果同糖漿、賣相同味道都唔錯😋😋😋

舊食谱（櫻花虾XO醬）

未來的一星期唔打算入廚房煮食、實在熱到溶晒、試吓摷番以前做過的食谱、重現在这裡、因為之前沒有做分類、所以都係唔一定摷得到嫁、其中有些我沒有寫做法、加上有十年咁耐嘅歷史、實在難摷😅

今次分享是其中一個XO的做法、坊間有不同的做法、我的不是最好、作為參巧亦無妨😚

牛油果沙律拼一字排字（焗爐版）

前幾天係fb見到有個專頁『醉愛廚房男』到學番嚟、本身是用气炸窩嚟做「一字排」的、但由於我冇、只能用焗爐焗😅

排骨调味大概有有醬油、糖、酒、生粉

牛油果沙律：牛油果（要熟）、紫洋葱、青瓜、bb沙律醬

做法：紫洋葱切細粒、青瓜切細粒、用熟水沖洗過後揸乾水份（盡量乾身）、牛油果肉壓爛、之後捞入沙律醬候用、雪凍

排骨焗香後吸去多餘油份、快手捞入牛油果沙律、放入碟中、再舖上紫洋葱同牛油果、唧上沙律醬做裝飾！

七彩炒虾仁

除咗西湖牛肉羹、炒碟彩色嘅虾仁、啡菇、红蘿蔔、露筍、用「豆板醬」嚟炒、會食得「開胃点」😋😋😋

🔥🔥🔥🔥

西湖牛肉羮

我曾经為咗承诺戒了牛肉成廿年、而家一旦食番、當然會煮我至愛的湯羹之一（西湖牛肉羹）！

我今次特别多「蛋白」、而且用「馬蹄粉」埋獻、这是我其中一位師傅教落、每逢翅、羮之類一定要用「馬蹄粉」代替生粉埋獻、因為才不會容易變回水狀喎😋😋😋

週日的午餐&晚餐

今天去完崇拜又领悟多一点、不過還未解決到我的疑慮、所以還需要多一点時間去分析清楚是否对自己所選擇的信仰有所真正的認識😅

今早食：粉絲瑤柱節瓜煲/白飯

今晚食：青瓜杞炒肉片/白飯

憶苦思甜

这種心態不知從何時在我心中燃起、可能这十多年的经歷從以前封存在心中釋放了出來、加上近年不可预知的事一件一件的發生了、加上近月找到自己心靈的依附吧！

最聰明的想法是放低過去的不快、忘记以前的苦難、懷念的只是甜蜜的回憶、雖然目前与「药丸」為伴、只要我當它是我「最好的朋友」、心中自然能坦然面对、有人說这是「亞Q精神」、反正只要自己覺得舒服便可🤔

近日我積極地摷出以往这十年的食谱（很多在搬家時巳燒掉）、在fb上分享、雖不是什麼名菜、但希望他日自己離開了還將这些（自己認為值得留下）嘅菜谱延續落去吧😅

一路食一路汗如雨下的晚餐

咁鬼熱真係食唔落、但為了要食药只好買盒两餸（而家周街大熱的takeaway）、但自己把口又好衰、正式皇帝口、乞兒身、食唔落、只留起少少送碗米線、其他又比晒鄰居🤫😔

本來已经盡量要少汁嘅餸、干乾四季豆同蒸雞、但雞肉的雪味真係頂唔到囉🥱

大暑23.07.2022

上次小暑忘记咗煲冬瓜、但前兩日刚刚至煲過、今天又唔想再煲、所以煲咗一個比較另類的糖水解吓暑！

海帶、綠豆、雪耳、冰糖+少少黄片糖、我自己發明嫁（應該冇見過人煲喎）

另外：今天的午餐

海帶蕃茄排骨滚湯

薯仔炆雞搥

白飯

週末晚餐（22.07.2022）

今晚見冇乜胃口、蒸咗碟咸魚肉片、希望惹味的食物能令自己開胃点！

重有半條紹菜、用奶油的方法煮咗佢、是是但但又一餐嚕😜

梅子炆鴨（舊食谱）

这是一個舊的食谱😋😋😋👍

今次主要是重新講多一次的酸梅醬嘅做法：

酸梅（大約1/2斤）去核剁爛

蒜茸適量

茄汁適量

茄膏可加可不加

白醋約五至六湯匙

冰糖（自己調教適量嘅甜度）

落油先煮酸梅、加入蒜茸、茄汁、白醋、冰糖（碎）、慢火煮到甜、杰合自己要求、拎起候凍、放入樽、之後放入雪柜、隨時拎出嚟蒸排骨、白鱔、花蟹、炆鴨、等等👍

这炆鴨食谱同「陳皮鸭」差不多、先用梅子醬搽匀鴨肚（醃起碼兩小時）、鴨外面用老抽搽過、煎至金黃色、之後將鴨放煲内加入水炆約（大概1/2小時至45分钟）、拎出候凍斬件、將酸梅汁煮杰身淋在面即成😋😋😋

曾经的我原來这樣瘦

昨天摷舊物時發現咗一小箱燒剩的舊照片、竟然發現廿多歲時的自己、原來是這樣瘦的😂😂😂

另外一張是曾私人教授菲佣烹飪的照片、最後一張應該是在一間英资公司做事時影的😘

那些年、是一段美丽的回憶吧😉

婆婆金句

今天天气好、心情當然好、重摷番2014年嘅舊食谱分享給大家、獻醜啦、好驚遲d腦退化連上網都唔識呀🤣🤣🤣

这食谱雖然複雜一点、但實在太好味嘞、而家由於地方問題、难再做了🤔

絲瓜三菇湯

今早煮咗咸肉菜飯、食唔晒、留起少少今晚食、加多碗絲瓜三菇湯、簡簡單單又一餐😋😋😋

这星期天气十分熱、整天開着冷气、相信下個月條电费單一定好甘咯、唉！

咸肉菜飯

以前冇發覺原來那上海咸肉都唔平、一條唔太大的咸肉要成$60、今早用佢加小棠菜炒咗碟「上海菜飯」跟昨天的粉葛湯！

同場加映我的「偽太平館瑞士雞翼」

粉葛土伏苓湯+三菇牛肉炒米粉

今日幫鄰居煲湯、有碗免费湯飲、炒咗碟三菇牛肉炒米粉、留起一小碟比自己、其他比鄰居食😉

婆婆金句

以前我常常在自己的fb中發表金句、今日又心血來潮、在这裡發吓噏風先🤣🤣🤣

自從在心靈上有所記託之後、人輕鬆了、自然心情都靚埋、現在只要身体没太大的問題、行得、走得、又食得、每天能睜開眼睛再看見这（曾经）美丽過的世界、足願了🙏😘

三菇荳腐窩

一早落山同鄰居買嘢煲湯（做一天免費廚娘、大家都happy)!😘

各取所需！

我自己買咗三樣菇（除咗鮮冬菇、其他兩樣不知什麼菇？）

今早的午餐就食佢、那磚是買煲湯料的檔主送嘅、叫有机塩鹵豆腐）

先用蒜茸起鑊、虾、三樣出過水之菇菇、豆腐、水、煲、煲、煲至奶白、熄火、加塩、搅掂😛

深水埗一遊

今早鄰居帶我去深水埗買$20一盒嘅双拼飯、$25一盒嘅四宝飯、原來香港重有咁平嘅燒臘飯賣、真係大鄉里、昨天在超市買了一條青瓜、都要$19.5啦、所以我當初還不信真的有咁平嘅飯賣、到了那燒臘舖才真的信了😋

另外佢重帶我去咗「東京街」一間颇出名嘅潮州鹵水專門店買「肉卷」、$22/條、又幾好食喎！

最后又找到有fb網友介绍的一間又平又正（佢話咋）西餐正確嘅位置（汝州街）、一於下次去試食😉