南乳芋头炆鴨

開始入冬又要整番d冬天餸啦！

材料

冰鮮鴨半隻斬件…

芋头半個

調味及醃鴨

南乳，蒜茸，老抽，冰糖，水

做法

將調味(冰糖及水除外)用紹酒開匀。先搽匀鴨，醃—小時。煎香鴨候用。芋头去皮切件走油候用！

用少少油爆香蒜茸加入冰糖碎炒至微黃加入鴨件及調味及水先炆半時再加入芋头件再炆至腍放入深盆中，再淋上汁便OK！

洛神花果醬

噚日有朋友送咗好多新鮮自家種的洛神花比我。。。於是我做咗幾樽比朋友。

材料

新鮮洛神花浄果800gm

Raw Sugar300gm

檸檬汁—湯匙

洛神花核先用嚟煲(目的係煲完有果膠)。。留起半杯水加入一齊煮果醬

慢火煮到果醬杰身凍後入樽。

我的健康午餐

今日買咗條海燕星。。。蒸咗佢加碟烚椰莱同碗蟲草花燉南非鮮鮑湯！好好味又健康。

花雕魚露雞

今日做le隻雞簡單得嚟又好味！

做法如下

雞—隻
魚露—碗
花雕酒2湯匙

做法

先用魚露醃雞 (裡外)一小時以上。。。(最少)
用电飯煲(放竹笪在底)放入雞。。。淋上花雕開制，大概2次左右就熟。。。凍後斬件上碟。

晚餐

今晚整過另一款素湯，有紅蘿蔔，茶樹菇，紅棗，花生。。。。超甜！

最後加埋碟蟹餅，有鮮蟹肉，葱粒。。。。Super!

一人午餐加素湯

噚日齋期同朋友去素莱館食晏，飲咗個素湯，今日根據個職員的描述，照樣煲—次，飲起嚟都有八成似。

另外又用個煲仔煮咗個飯同埋煮咗碟蟹肉草菇扒壴腐。加多隻咸旦黄添，好耐冇食，明知胆固醇高都博吓啦！另—隻比人嫁。

Fusion。。。午餐

今日又食fusion午餐。。。。泰式加港西式！

泰式燒雞

港西式蟹肉忌廉湯

上次泰式燒雞寫咗食譜，所以今次淨寫港式蟹肉忌廉湯

南瓜茸—碗
牛油2湯/麵2湯匙
干葱/鲜奶/雞湯/古月/盐
鮮拆蟹肉適量

做法

牛油先炒干葱茸，落麵粉，炒成麵捞。分别加入鲜奶同湯推開，最後加入南瓜茸，煮片刻用搅拌机打過，過濾後放回煲，放入調味及蟹肉便Ok！

慳水慳力糖醋骨

前幾日買的豬仔骨蒸唔晒，今日將用剩的用—種慳水慳力的方法嚟炆。

材料

豬軟骨適量

蒜茸/陳醋/黃糖/水

全部炇腍佢就係咁簡單。連醃都唔駛呀！

孤獨老人餐

今晚得—個人食晚飯，簡簡單單蒸條魚再煮多個粉絲虾粉紹莱就算啦。有時簡單都係—種福气。近期互联網上太多唔開心事，静静地食餐安樂茶飯吧！

紅燒乳鴿

噚日見人炸乳鴿，今日心思思又玩番舖。。。

材料

乳鴿两隻

醃料

五香粉，盐

搽皮

麥芽糖，大紅醋

飛水，搽皮料，吹乾，炸，食得。

韓醬栗子炆雞

今日又要去做物理治療，應該冇時間煮嘢嘞！所以post番噚日碟雞上嚟當交功課啦。

材料

雞半隻斬件

栗子適量

調味

韓國辣椒醬(紅)
韓國麺豉醬(綠)

老抽 /糖/水

用以上調味炆腍至汁收至少少就OK

亂搅—通黑豚肉串

今日醃咗碟亂搅一通的黑豚肉串燒，我用焗爐焗咋！

黑豚肉粒—包

醃料有。。。日式三宝(味淋/清酒/鰹魚汁),蜜糖芥末，露絲瑪利碎(新鲜),醃過夜

用竹簽串起，用焗爐焗熟，再掃上蜜糖焗多—陣。

梅子蒸花蟹

近來由於海鮮價不停加。。。加。。。加，所以都少咗食啦！

今天見d花蟹好靚，忍唔住買咗兩隻嚟食。。。—隻用自製之梅子醬嚟蒸，另一隻蒸好拆肉用嚟煑蟹肉伊麵。

不過而家買花蟹就要预咗幾両係咸水草囉。

自創版之泰菜

前幾日食過之泰莱後，見今日買咗半隻雞又學人玩吓自創之泰式燒雞。。。其實我亂咁嚟咋！實在都唔知人地用乜鬼醃。。。我的方法如下。。。。

(泰式燒雞 )

雞半隻

醃料有香茅碎，檸檬葉碎，糖，魚露，少少老抽

大约醃—小時拎去焗，预230,每边焗15至20分左右

雞汁

蒜茸，泰式辣醬，泰式雞醤，魚露，糖

焗完可斬件跟鈑

(泰式乾炒河)

河粉，肉絲，洋葱，泰式辣椒醬，老抽，魚露，蛋絲，芝麻

以上炒匀兜亂就OK

糖醋魚

今日觀音誕，所以又係齋期，見雪柜有d魚塊剩低，所以做埋碟糖醋魚比人啦！

糖醋汁

陳醋，糖，茄汁

魚塊上生粉炸熟後快手兜入糖醋汁就搅掂。

好滿足的午餐

噚日呻完今日食番餐好d先。。。費事遲d比人搅到連餐安樂茶飯都冇呀。

是日午餐:

有机南瓜蟹肉飯

准山士實燉水鴨

双色椰汁南瓜糕

感觸

近日係網上睇到le首歌。。。好喜歡最後的两句。。。原來人往往總是後知後覺。。。近日的風風雨雨停不了，心情難免有所影响，本來我只不過係—個行將就木的老太婆，學歷不多，更談不出大道理，只不過係这些事上悟出原來自己亦曾經犯上後知後覺的錯誤。當醒覺時巳是明日黄花，所以而家对自己承諾係餘下的日子好好珍惜同愛護自己才不枉此生。

玫瑰豉油燻雞

噚日都市閒情的上門教煑餸Bowie教人整玫瑰豉油燻雞，咁啱我有包開咗的玫瑰花，再唔用遲d又會益咗垃圾桶，所以一於整咗佢啦！

材料

冰鲜雞—隻
浸雞料。。。盐 1碗。。。老抽 1碗。。。薑片—碗。。。水—煲 (浸過雞為啱)

燻雞料

玫瑰花1碗。。。片糖1碗。。。米1碗

做法

首先將雞洗淨，水煲滚，放入薑片，老抽，盐，雞，用水不停淋進雞肚約五分鈡，之後大火滚約八分钟，熄火浸20分(蓋上)，之後拎起吹亁半小時至—小時。

预備一個鑊或煲，先放入竹笪，錫纸，燻雞料，架，再放雞在上面開火燻约八分鈡，熄火焗20分鈡，拎出侯凍斬件，大功吿成！

南瓜茄子蒸飯

時間的飛逝令人感到好無奈，話咁快又到咗九月十五。。。毎天早晚都有点秋意！

既然今日係齋期，就做個南瓜茄子蒸飯做午餐啦。

有机茄子同南瓜切粒，用少許蒜茸炒至半腍，將飯蒸好後放面再蒸多五六分钟，灑上葱粒焗多3分钟加豉油便可進食。

雞屎藤

前—陣係報紙見有食譜教人整雞屎藤茶果。。我又跟吓風學人玩吓啦！

我會試多一次加以改良至post個做法上嚟。

雞粥

太耐冇食粥。。。明知容易血糖升。。死就死啦。。。一次半次應該冇乜問题卦！

材料

去骨雞肶兩隻

醃肉

薑汁，古月粉，盐，庥油

先將雞骨煑湯，(我用埋拆肉之蟹殻),之後隔渣。。。。用嚟煲粥底。。。超甜呀！

石榴免焗芝士餅

尤於上次買咗樽龍舌糖漿做月餅比有糖尿病的朋友，見剩低咗係到唔三唔 四就不如做個免焗芝士餅比朋友啦。

材料

忌廉芝士—件227gm

龍舌糖漿4湯匙

鮮奶50gm(用嚟坐溶15gm之魚膠片),魚膠片先用冰水浸軟

鮮忌廉約150gm(先用机打起七成)

印度石榴加少少水打汁30gm

另餅底

麥維他餅碎70gm加35牛油溶液壓成餅底

做法

將餅底先雪约半小時

忌廉芝士加龍舌糖漿先打滑，之後加入巳打起七成之鮮忌廉，最後放埋巳坐溶之魚膠溶液，搅匀後放進餅模内，將石榴汁放入再用义畫出花紋，放回雪柜雪约三小時以上。

咖喱雞絲

其實le輪真係冇乜心情煮嘢同上FB 。。。。因為一講錯少少唔啱聽的説話就比人(unfriend)。。。而家連講嘢都冇自由嫁。。。問你死未？

都係上吓自己個網誌少d 是非。。。起碼唔駛烦。。。今日好介紹就係咖喱雞絲。。。可跟法包或白飯食！

泰菜生日飯

噚日中午同契仔契女(狗狗)去咗數碼港一轉。原來那裡的草地很大同很舒服的。晚上同佢地的亜媽過咗去鴨脷洲食泰莱補祝生日！總括嚟講今年的生日過得特别感動同窩心。。。原來身边還有班好朋友。

生日澳門遊之一

今年的生日過得特别感動。。。因為有幾位好朋友陪我一起渡過。我們首先由香港乘船抵達酒店後就坐接駁車到澳門十月初五街食餐地道食物！之後重食咗荳腐花添。