花開富貴樂滿家(鮑魚西蘭花)

今年買到半斤好正的南非鮑……之前做盆莱用咗6隻……見年三十晚就用12隻嚟做碟花開富貴樂滿家……祝願各位網友馬年行大運……食過鮑魚笑呵呵！

最後的甜糕(蓮子雪耳花膠＆南瓜)

之前見blog友整咗個馬蹄南瓜糕……本來已經收爐……驚明年冇机會整……所以都係蒸埋最後le一次啦！

材料一如以往的份量:

馬蹄粉100 gm
糖100gm
水600gm

蓮子雪耳馬蹄花膠料150gm(打茸)

另相同份量做南瓜糕
南瓜蒸腍後打茸但不要太碎150至200gm南瓜肉

每層蒸約8至10分钟……是乎糕盆大細

亞婆海味迷你盆菜

本來唔打算做過年莱……自從十多年前幫人做過三十幾盤之後……反而自己未食過……今朝突然心血來潮……做番個富貴海味版比自己試吓啦。

材料有:

南非亁鮑/鴨掌/金蠔/發莱/冬菇/瑤柱/魚肚/花膠仔/栗子/紹莱/ 冰荳腐

做法:

1 ……鮑魚預浸2曰……用葱出水再用雞上肉同金華火腿煲炆腍候用

2……瑤柱走油再用上湯燉腍候用

3……冬菇先浸後用上湯煲腍

4……魚肚同花膠仔用羗葱出水後再用上湯煨入味

5……發莱先浸再用油洗過候用

6 ……鴨掌用羗葱出水後再上色走油……之後用上湯燉腍

7……當每樣嘢分别做好後便分别放進盆内……再打簿獻淋上面

黑醋沙律莱配香煎三文魚扒

香煎三文魚扒係婆婆今日的午餐……跟咗d黑醋沙律莱同牛肝菌醬……咁都唔錯啦！

壓年糕

今日整天都蒸壓年椰汁糕送比朋友……le個配方係跟blog友玲感蛋糕學嫁！真係very good……正……正……正！

紅桑子奶凍

朋友比咗le個食譜我……我噚晚整咗幾杯嚟玩吓……顏色好靚……又好好味添！

健康三色糕

今日玩到冇嘢玩……將之前的三種特式糕蒸埋一齊……变成特色三重奏呀！嘻嘻

養生糕系列之(3)……紫薯雪耳糕

最後le批特式養生糕就係夏威夷紫心蕃薯加雪耳糕……健康得嚟又顏色靚靚添！

養生糕系列之(2)金瓜栗子糕

整開養生糕整上㽼添！

今期整底金瓜栗子糕……早幾日買到底城中米芝蓮点心店的類似糕……做法用粘米粉……咸的……成70/蚊盒………不太喜歡……今次我用馬蹄粉加雪耳做……甜的又有囗感……自己當然話好食啦……嘻嘻！

葡國雞飯

成朝係處蒸糕…除咗養生糕之外……又掛住煮葡國雞……所以中午煮碗白飯同白蘿白……跟少少葡國雞做午餐就算咯！

養生花膠蓮子馬蹄糕

今日又嚟玩吓嘢……買咗斤平花膠仔……做番底養生糕嚟補吓身啦……起碼真材實料好多囉……材料有馬蹄粉……冰糖水……花膠絲……白蓮子……雪耳……馬蹄碎……份量好似平時蒸馬蹄糕咁囉……我le底的份量馬蹄粉200gm……  吉士粉4茶匙……糖水1000gm……莱油5gm……饀料共150gm……全程蒸35分鈡！

彩椒伴韓醬骨

上次Double媽帶我去韓國街買咗樽醃肉醬真係好正……我加咗蒜茸味淋一齊醃一字骨……今晚攞嚟焗……焗完跟炒彩椒……好味好味！

手切蘿白糕

本來今年唔打算蒸蘿白糕……但心思思又忍唔住……做咗四盒手切蘿白糕……我唔钟意用臘肉……只加咗瑤柱……虾米……冬菇……少少臘腸就算……因為想煎起上嚟靚仔d……所以我加咗少量汀麵落粘米粉一齊捞勻嚟蒸……可能手切蘿白……食起嚟好有囗感呢！

南乳腩肉炆筍(虾)

Le碟係我每年必煮的其中一種過年餸之一……源自我亞婆……後來由我亞媽继續……但自從佢開始有腦退化之後……我便接手煮落去……其實唔係乜嘢咁特别……亦唔係個個啱食……因為好多人覺得筍好毒……尤其是皮膚唔好更加唔敢食！

每年近農曆新年我都會煮兩三次……但今年只會煮一次就算咯。

無花果西洋莱水

Le輪個口腔有d發炎…………所以煲咗……西洋莱水……材料除咗西洋莱之外……有無花果……南北杏……罗漢果……煲完飲咗一大碗……希望下火啦！

又中又西……晚餐

今晚整咗碟又中又西的晚餐……前兩天醃咗一字排……中午時又去強記買咗碗糯米飯……所以今晚做餐又中又西的晚飯……不三不四……不過又幾特别喎！

亞婆客家碌鵝(鴨)

見好耐冇整客家碌鵝(鴨)……我今日心思思又整過……唔記得個配方……憑記憶應該如下……

材料:

鴨一只

配料:

蒜茸……乾葱……薑茸

汁料:

生抽……南乳……蘑豉……麻醬……冰糖……米酒

做法:

先將鸭飛水……上色(用老抽)……用油煎鴨至微焦……加入以上汁料……不停碌鴨(每边大約45分钟)…………至熟侯凍斬件……放回汁在鴨面上便OK。

今晚留起幾嚿比自己做晚餐……之後分咗3盒比朋友…………另外再煮咗碗中意日crossover湯意粉做dinner……好味！