八号風球的兩種心情

以前。。。每逢打八号風球我都好忙碌。。一方面要看顧住太后的安全。。。另一方面又要指揮那些外佣的防風工作。。。好多時重要親力親為(抹水、儲糧。。等等)相信請過外佣的朋友都知道大多數的外佣只會照吩咐去做。。而沒有自動自覺的技能(这是我由八零年代開始冷眼旁觀得番來的結論。。當然間中都有少數例外。。但唔多囉)。

但今天的八号風球下。。没有了壓力。。。工作。。。。只係乖乖留在家中看看电視。。。那種心情是平靜的。。。外面的風風雨雨可暫時放下。。。期望雨過天晴。。。。

。。。。。。。。。(但願如此)。

素腐皮卷

今天係搬咗過嚟之後的第一個八号風球。。。所以在家整吓「素腐皮卷」。。。一於食齋不如講「正話」。

我的素餡料有。。。蘿蔔絲。。木耳絲。。冬菇絲。。唐芹。。先煎後蒸。。係我每次指定的動作。

自己情緒管理的心態

而家雖然冇咗太后的壓力。。。又

有其他情緒的問題。。。人的一生就是如此。。。除非去咗天堂或地獄啫。。。嘻嘻。。。為咗平衡自己的心態。。所以我選擇咗。。。。煮。。煮。。。煮。

有錢就煮貴d。。。冇錢咩。。咁煮平民点亦一樣。。。我追求的。。。就是「過程」。是否好亞Q呢？

盐焗雞肶(四季盐焗雞粉)

我用咗这隻盐焗雞粉好多年。。以前多數用嚟做盐焗雞。。而家得番一個人食。。所以多數用嚟醃雞肶。。。方便跟碟头飯食。。有時蒸。。有時焗。。十分方便。

甜品系列之鮮奶香芒糕

雖然今次唔算好成功。。不過都勉強合格。。但亦有進步嘅空間。

其實材料就好簡單。。有鮮奶、粟粉、糖、芒果。外層輾過椰絲。相信下次用做雪的雪格嚟做。。賣相會靚仔d。

小食重温之。。。咖喱三宝

好耐冇整啦。。尤於明天要幫人整。。所以今天要温習吓個做法。。不過。。而家『牙齒』巳無能為力。。引用姜大俠的金句:幾鋒利的刀亦要。。。退休啦。

所以做完。。影完相片。。又去揾白老鼠咯。。。哈哈。

晚餐(7/23/2019)

今晚又再煮餐「家常菜」、三餸一湯。。。蕃茄煮紅衫、蒸雞、西蘭花鮮鱿、蕃茄薯仔洋葱牛肉碎湯。

越南米纸卷之(東施版)

我平時很喜歡这類涼拌小食。。但基於唔知道外面的衛生情况如何。。一路都很少order嚟食。

今日見心血來潮。。上網搵個食譜嚟玩吓啦。。都颇成功。。

因為自做。。知道用乜嘢料。。同埋個汁一定要用熟凍水來做的。。。汁料有青檸汁。。。椰糖。。蒜茸。。雞醬。。魚露。。。熟水。。。(份量因個人口味)

自家煮『蚝仔粥』

自從昨天食過街的咸過『屯門亞伯』嘅蚝仔粥之後。。一於的起心肝今早落街市買豬肉、蚝仔、大地魚、一於自己煮幾碗平、靚、正的正宗潮州蚝仔粥歎吓。雖然係「妹仔大過主人婆」、但起碼唔駛又咸又多味精啦。

晚餐

今晚幫人搅咗個「四餸一湯、白飯任裝」。。兼煲多個去濕水(冬瓜。生熟薏米。扁豆赤小豆)、香茅豬扒、雞油白菜、薑葱魚头煲、果皮蒸鮑魚、苦瓜黃豆煲排骨。

一人前之晚餐

今晚得番一個人食。。食埋之前雪柜剩低之食物。。買盒蒸煮豆腐放在虾醬腩肉下面一齊蒸。。起碼冇咁咸啦。

雪柜還有点虾膠同鯪魚肉。。滚過生菜湯就算。

午餐同樂日

今朝又同師奶。。。「午餐同樂日」。。當然係我煮啦。。

午餐菜單係。。。蒸黄腳立(平時我好怕蒸佢。。因為一過火就鞋過『鞋底』。。但今次啱啱好。。正。
薯仔炆排骨。。豉油老抽同糖蒜茸係主要嘅調味。雜錦湯(有蚝仔。。瘦肉。。金針云耳同節瓜)、以上係雪柜有乜就落乜。

冷盤之雞腳

早两日在臉書中學咗这款冷盤。。。若然請客可作為小食。

做法亦很簡單。。。首先將雞腳斬開三截。。。飛水後再浸冰水约15分钟。。之後加薑葱八角。。盐。。雞粉煲约45分钟。。煲完拎起放入雪柜雪凍。。。準備汁料(有蒜茸。。陳醋。。糖。。豆板醬。。。麻油。。生抽。。。以上捞勻後放雪柜雪凍。。食時加入芫茜碎。。花生同淋上(雪凍之)汁料。

星期日(同樂午餐日)

今日又同隔離個師奶齊齊開餐。。每人各出d料。。。煮就由我煮。。(因為佢喜歡我煮的食物喎。。。為咗就佢的口味。。我煮得淡味d(因為過往幾十年煮比太后食的原故。。佢食嘢比較重口味)。

今朝食荷葉蒸雞。。。釀秋葵。。。絲瓜蕃茄滚湯。

台式鹵肉(肉燥)飯

明知这是十分唔健康的食物。。但是偶然一次都無可厚非。。因為人巳不再年青。。。亦唔再太多顧慮。。。做自己喜歡做的事。。。吃自己喜歡吃的食物。。。講自己喜歡講的話。。。只要对自己負責。為何不可呢？

潮州糖醋麵

之前朋友請我去大圍很出名的「生昌」食飯。。。佢知我喜歡食烏头同糖醋麵。回家後曾經試做「東施」。。。可惜烏头就衰咗(因為買唔到黃油的烏头。。而且唔知正式做法是怎樣。但糖醋麵(只要買到两面黃。。專做糖醋麵的那款麵就一定不會失敗的。。。因為我試過好多次。

其實我自己覺得煎得好食過「生昌」👷添。。。哈哈哈。

鲮魚球蕃茄湯米

今朝要拎冷气被落山下的自助洗衣舖洗同乾。。所以食完早餐好飽。。。返到屋企是但煮咗碗湯米就算咯。有朋友曾問我妳常常食咁多嘢边夠駛咩?。。。我答佢地。。。我只是偶然食d好嘢嚟安慰吓自己。。。其他大部份時間都係食簡單同平價嘢咋。

今次le碗湯米有。。。蕃茄。。。洋葱。。椰菜。。。(加咗芫茜嘅鲮魚球)。。米粉。

免治牛肉飯

Le輪由於牙齒的問題。。盡量唔食有骨的食物。。。所以今日我煮咗碟碟头飯就算。。。。一包牛肉都要分兩次食。。。而家真係好懷念以前有家人同住的日子。。。

現在我成日規勸我的契嫂不要常常同佢老公吵大鑊(因我的契哥現時有病)。。。心情自然欠佳。。。我講當有一天妳剩低自己一個人的時候。。。妳才會明白我的心情。。。到時那怕妳有間幾千尺的大屋。。。很多很多錢。。。「陪伴」才是人生最好的『礼物』呀。不過當局者迷。。當天自己又嘗諗過呢。人就是往往後知後覺的。

冰封三尺。。。

。。非一日之寒。

其實好多嘢不論事与非。。。仇恨。。。恩情(什麼情乜一樣)好多時都是經過長年累月所形成的。

一旦到咗壓力爆煲。。。什麼事都可能發生。

所以我現在學會一到咗頂唔顺的時候。。就停落嚟冷靜一吓。。。费事令自己去到爆煲的边緣，到時若有什麽小小的一件事便引爆自己。

而日現時抱着以下的心態去面对任何人。。任何事。

(圖片來自網絡)

粟米帶子碟头飯

继今朝用帶子嚟铺在荳腐上蒸之後。。。今晚用餘下之帶子加埋粟米忌廉湯煮碟飯食。尤於近來牙齒有牙患的關係。。盡量唔食硬嘢。。。所以都會煮一些淋身的食物。而家沒有太多的錢去睇牙醫(因為牙科是沒有政府睇的)

豉汁帶子蒸滑豆腐

平時我喜歡煮定两樽汁在雪柜。。一樽『梅子醬』。。。一樽係『豆豉醬』。。。。

今朝用咗盒細的x福蒸豆腐。。切厚片上面放入帶子。。。再淋上豆豉醬在面。。蒸完後放熟油同蒸魚豉油便可上碟。

雜錦炆魚肚

星期一在牛池灣街市買到一包好抵的魚肚。。今朝見雪柜有些少(昨天包完荷葉飯)的餘料。。所以昨晚先浸定魚肚。。今早飛完水之後就炆咗比朋友。

餘料包括有瑤柱。。冬菇。。同云腿絲。

心結難抒

昨天我的fb彈出一張生活照出來。。。令我一度放低了『心結』又再次浮現在腦海中。

無可否認太后的離開对我嚟講係一件莫大的打擊(雖然佢病咗咁多年。。这一天我知一定會來臨)。。。但今次我的『心結』不能如佢所願帶不到她回家過埋最後的新年。。都怪自己沒有本事同沒能力的原故。。所以亦係我覺得最遺憾的一件事。

(由八零年代開始自外婆的離世)、之後的廿多年不停有遠親。。。近親的離世。。。我都一一接受了。。。本來今次太后的離世本應係我至伤心的一次(因自覺佢係我在这世上最後的親人)。。。但估唔我好快就接受到。。反而沒有預期的伤心(自她没有了呼吸的那一秒。。我突然明白到一点。。。無論我如何呼天大叫佢亦回不了來)、另一「心結」就是陪不到她嚥最後的一口气。

紅棗椰汁糕

昨晚見有包紅棗在雪柜。。。先煲咗紅棗水留在雪柜。。今早起身後開工再分層蒸。。。之後同人去了牛池灣飲茶。。。回家後便切片拎嚟食。

材料及做法大致上同南瓜差不多的份量。