香菇鹵肉

噚日做咗份台湾鹵肉比朋友……佢好喜歡食……我重同佢配埋上海麵添！

材料:

豬腩肉(搅碎……我用佢因為煮起香d……雖然唔多健康……但從來美食係唔健康的)

其他配料:

香菇(冬菇碎)……蒜茸……壺底油……油葱酥……鹵肉粉……老抽……水

做珐:

首先用油先爆香蒜茸……豬肉……香菇……油葱酥……鹵肉粉……老抽……之後加入水……以慢火煮至收乾水份(大概1/2小時)

做完可跟白飯或上海麵…… Yummy！

温馨指示……以上配料可在台湾專門店可買到……我在九龍城侯王道的皇上皇買的。

紅衫魚扒跟藜麥飯(Quinoa)

上次係City Super買的藜麥(Quinoa)……今晚試吓用紅衫魚起肉做魚扒……用牛油煎香再跟個曰式三宝汁……我用红黄椒粒粒伴食！

做法:

將藜麥加米煮成飯……用模吸出圓型

紅衫魚起肉加日式三宝(清酒/鰹魚汁/味淋)醃過用牛油加橄榄油煎香……之後用黄椒同紅椒粒加醬油青檸汁煮少許汁淋在魚扒面即成。

是一道幾健康的自創西餐！

我的海鮮餐

今日又去咗鴨脷洲買梳欏魚煲蕃茄……見有花甲顺便買d嚟用魚湯浸……加埋條香煎青根……連飯都唔駛食囉。

瑶柱墨魚膠釀有机青瓜甫

好正呀！今日有朋友約飲茶……送咗好多條自家種的青瓜……番到屋企又玩吓……見瑤柱同墨魚膠係雪柜……釀碟瓜甫……同節瓜甫異曲同工……不過整完重有半條青瓜剩低……同場加映一碟瑤柱扒瓜絲啦。勁呀……又脆卜卜……又清甜嫁。

我係唔係好聰明呢？嘻嘻！

特式咖喱三文魚头煲

今日兩餐都外出食……中午去九龍女青食自助餐……晚上有朋友团購咗一席季季紅的米豬餐！所以今早臨出街前整咗個特式咖喱三文魚头……材料如下:

三文魚头2個
洋葱一個
蕃茄兩個
特式咖喱醬(亞婆私房馬拉盞/咖喱粉/沙茶皇/老抽/糖)

做法:

將薑汁加盐……古月粉……生粉先醃三文魚头……走油……用油先爆料头(蒜片/薑片)……之後特式咖喱醬……魚头……走過油之洋葱……蕃茄……水……炆至魚头熟便可上碟。

PS……亞婆私房馬拉盞……之前做過的。

花生糊

噚日去咗西環永發買咗包花生……5斤一包60/蚊……好抵！

材料:

花生300克

芝麻少許

冰糖適量

水大约1000克

粟粉少許

做法:

將花生烘香……加入芝麻……同水一齊用搅拌机打成糊狀……隔渣……加入冰糖……煮好後用粟粉水埋獻。

潮式芋头煎餅

都唔記得係边到見到的食譜？好似係報紙？

材料:

芋头粒80克先蒸

花生碎同芝麻(烘香)約2湯匙

木薯粉80克

糯米粉30克

糖60克

水約180ml

以上全部捞匀……用少許油煎成大餅……是款唔錯的飯後甜品。

素炒銀杏丁丁

又係跟Gigi的節目……炒咗個素炒丁丁！

材料:

銀杏/蘋果/紅蘿白/西芹/鮮白合/素雞

汁料:

沙茶酱1茶匙/甜醬1茶匙/老抽/酒

做法:

銀杏/紅蘿白粒/西芹粒/素雞粒……走油
鮮白合飛水

先用油爆香蒜片……落以上各粒粒……加入汁料……最後蘋果粒……熄火……上碟

健康午餐

噚日買左2碟梳欏魚……用幾隻蕃茄煮咗d魚湯……留起一碗今曰煮碗雜菇烏冬……又健康又鮮甜！

本地咸菜炆雞搥

噚日食過的本地咸菜炆懵仔魚……我今日唔做嘞！改一改個食譜……炆雞槌……做法又靠估囉。嘻嘻！

材料……雞槌

配料……蕃茄……本地客家咸莱……香芹……豆卜……蒜片

調味……盐……糖……雞粉……魚露……水

做法:

首先將雞件煎香………蒜片………贊酒……落巳白鑊焙乾之咸菜……蕃茄……豆卜……調味……水……炆煮後最後加入香芹……再煮一陣……熄火……上碟。

、

陳皮醬蒸懵仔魚

嘻！食完唔知會唔會變咗(懵婆)呢？

今日係西貢食完餐海鮮餐……跟住入埋街市買懵仔魚……買咗一斤多d都係九十蚊……重平過早幾曰的獅头魚呀……真大鄉里從來未見過le款魚添……今晚見好飽……於是切咗幾嚿肉……加埋我上次整完陳皮鴨剩低的陳皮醬……加少少指天椒同葱絲……正到停唔到咀呢！

再講多次陳皮醬的配方:

靚陳皮/蘑豉/糖/老抽/酒/蒜茸/乾葱茸

以上全部煮好入樽……炆同蒸都一流！

復活節甜品

無無聊聊……一於整兩款甜品應吓節啦！

先做款榛子醬做餡的朱古力再加埋肥媽介紹的斑蘭芒果班……佢唔用鮮忌廉改用椰絲捞煉奶又幾特别喎！

魚湯烏冬

久違了的獅头魚……舊年還賣緊96/蚊一斤……今天巳經110/ 蚊一斤咯！唉……生活廹人呢……

一斤獅头魚得11條……換句說話即10蚊一條呀。

今次煲好才加入蕃茄……滚多10分钟搅掂……煮個烏冬……加少少虾仁同葱花又一餐。

肥媽的雪糕食譜

早兩日見肥媽係电視介紹的簡易雪糕做法……我又跟番轉……

材料:

淡忌廉1盒500ml

煉奶半罐(可以再少少)

云尼嗱香油一至兩滴

焦糖(自制冇份量)

用少量水加沙糖不停用木棍搅……慢火……初時變粗塩咁……之後會溶成水狀似淺啡色……當開始变杰身時……放入牛油紙上……凍後用刀背斬成粒粒焦糖

做法:

將忌廉打發……慢慢加入煉奶……打成杰身……約七成……加入香油同焦糖……放入玻璃盒放冰箱雪四五小時以上……食時可加入士多啤梨醬！

Copy Cat 之B仔雞翼尖& 韓式魷魚

近日網上流行兩樣小食……我今日又做Copy Cat……

第一味B仔雞翼尖

一
材料:

雞翼尖2lb

調味……蒜茸一碗/指天指適量/紹酒10湯匙/雞粉2湯匙/塩1湯匙/糖少許/水(以覆蓋雞翼尖為OK)

做法……雞翼尖解凍後用塩醃15分鈡後洗淨飛水……再將紹酒煮滚後加入水……雞翼尖……調味……一半蒜茸指天椒……慢火煮1/2小時……試味……加入剩低的一半蒜茸指天椒……熄火再焗多1/2小時便可上碟

第二味韓式魷魚(我的新版)

材料……水浸鱿魚鬚2隻……用薑葱酒飛水
配料……蒜茸/乾葱茸適量

調味……韓國辣椒醬1湯匙……沙茶皇1茶匙……酒1湯匙……老抽半湯匙(後下)

做法……用油先爆配料……之後調味……魷魚……加水一碗……炆至鱿魚開始收汁……加入老抽……最後上碟

齋期之食品

唔覺唔覺又到咗三月十五……時間之飛逝……彷如昨日……唉！

今天做在幾樣……有冷盤……麵食……同甜品……

超級懶人Home Made海南雞飯

早兩日係City Super買咗包整海南雞飯的東西……超正(啱自己口味咋)……只要買隻雞……step by step……唔駛出街食啦！

椰果/芒果茸大莱糕

噚日係網到見到le個甜品……跟風做吓嚟玩……又幾得意呢！

鮮士多啤梨果茸＆龍眼味軟糖

Le輪又整軟糖整上癮……噚日整完龍眼冰又用d水再整過……加埋新鮮士多啤梨茸做多款味道……原來都掂呀！

我用咗谷友的食譜改咗少少……起碼覺得啱自己的囗感。

材料:

龍眼加椰糖斑蘭葉水300ml(甜度照個人囗味)
鮮士多啤梨茸300ml再加2湯匙糖

魚膠粉一盒

檸檬汁2茶匙

韓國水飴2茶匙多dd

做法………以上全部開匀煮至溶晒……過濾後入模……半小時後入雪柜半小時便可甩模。

沙茶咖喱雞

早幾日有朋友比咗個新配方我……唔知好唔好食……是是但但揾d雪雞翼試吓先……反正都係比人！

但估唔到個味都唔錯。

材料:

雞翼8至10隻(我用雞中翼)

薯仔/洋葱

咖喱汁

咖喱粉1湯匙/沙茶皇1湯匙/甜醬1茶匙/紹興酒1湯匙/糖1茶匙
以上開匀

做法:

將洋葱……薯仔……雞翼先泡油後拎起……再用油爆咖喱汁……回镬洋葱/薯仔/雞翼……兜匀全部……加水炆至薯仔夠腍便可上碟。