厨餘午餐

噚日太后要食叉燒、例牌又係食幾片、又話瘦、又話硬、總知就係乜都no good啦！唉。。。。le樣無傷大雅就是但由得佢。。。齋噏囉、所以今日要執手尾消滅埋佢。

材料

叉燒切條

洋葱切絲

XO醬適量

虾子粗麵

用水煮散麵、留起少量湯、洋葱絲加义燒條炒過、加入XO醬兜匀、放入麵、湯、老抽、炆一陣、熄火、上碟。

鹵水鵝掌翼+蛋

太后勁喜歡食鵝掌翼、鹵水店的好贵、所以一於自己整、两包掌翼都只係130、巳經做埋一大碟、le碟只係一半份量咋。

今次加埋鹵水蛋、正到痺呢！

超容易的芝士餅

噚日係fb見有人post咗個零失敗的芝士餅、只用三種材料便可！

就是。。。。。

Cream cheese 125gm

白朱古力125gm

全蛋 3只(分開蛋白同蛋王打)

蛋白要打到企身候用

做法:

先將cream cheese同白朱古力隔水坐溶、蛋黄拂匀、混合cream cheese同白朱古力漿、如想滑d可過濾。

最後用fold入的方式加入蛋白、再放入模、我用光波先焗200约10分鈡、再用嘢蓋面改180再焗多7至8分钟。

拎出後灑上糖粉即可。

午餐

今日本來約咗人去果欄買生果、後來朋友突然有事取消了！

所以搅到点幾至食lunch、是是但但做碗魚肉叻沙食就算。

这隻星加坡叻沙係近期的至愛。

星洲辣蟹

姪女去星加坡回來、買咗幾包醬汁送比我！

今日先試吓这個蟹。。。。

材料

青蟹一至两隻

辣汁一包、茄汁两湯匙、糖少許

蛋两隻

水適量

蟹劏後切件、上粉、走油、回镬加醬汁及其他、炆一會、用生粉水埋獻、熄火、加入蛋推匀便成！

十年的變化

最近朋友不停講我瘦咗好多、今曰摷到張(大約)八年前同今天影的相來過比較、果然真係喎！

可能好快可以去啦。。。期待中！

世纪之约！

早輪見太后囗噏噏想見吓佢個唉吔家姐、今日見天气好、又唔太凍、所以精心安排去探吓佢啦！

鬼知都未過完今日、太后都忘得一乾二淨、全無記憶、重講边有呀？死未。。。。

新樂自助餐

近來發現新樂酒店的自助餐超抵、这個星期食咗两次、第一次(平日)只係150蚊、今日假期(Easter holiday)都只係170蚊、超值呀！

上次同係澳洲返來的網友、今天就同美國回流的網友、食物方以咁的價錢都算抵嫁。

波莱煎蛋餅

今朝係晴報睇到le個煎蛋餅、方便有d唔多吃莱的人食！

材料

蛋2只
波菜
虾

波莱灼熟切段、虾仁飛水、蛋沸匀、加入古月粉、盐、雞粉、油、煎香就是。

剩低重可炒飯添！

雞媽媽

有網友話我le張相似雞媽媽、嘻嘻。。。是嗎？

我就想似。。。。。。。。。。。

雞翼尖

今日用冰鮮雞翼尖做咗碟小食比太后！

我用豆板醬、老抽、冰糖、水、蒜片、酒、就係咁簡單。

蒸魚午餐

雖然係養魚、但係点都係游水、比X興的蒸魚晚餐抵好多呢！

Le條黄立䱽咁大條都係58蚊、加芫茜葱蒸完跟白飯巳經唔錯啦。

自家打魚肉

今日見鮫魚平咗d、又見le輪仇人多、買條又撻吓囉、特别爽嫁。。。。。哈哈哈！

最重要係買啱可打魚肉之鮫魚！扁鮫、有圓点及一條條絞的鮫魚才可打魚肉嫁。

超渡自己是最佳的心理治療

https://youtu.be/SklylG9gYJI

冬瓜两吃

為咗消滅d鮫魚肉、今日做咗两款冬瓜魚滑。。。。。一味係冬瓜魚肉炆豆卜、加少少韓國粉絲添、冇其他調味、只係雞湯+蚝油就是。

另一款係先用魚骨(買的鯇魚骨)、煮好魚湯隔渣、加入冬瓜同鮫魚滑、滚腍冬瓜就得。

同場加映。。。。。瑞士雞翼比太后。

煎釀二宝

点解叫二宝？因為我唔食青椒囉！

材料

自家打的鮫魚肉
荳卜、茄子

釀完煎熟再用蒜头豆豉炆番就是啦。

粉葛鯪魚湯+ 魚湯河粉

今晚煲咗個粉葛鲮魚湯比太后、我當然唔執輸飲番碗啦！

咁潮濕嘅天氣、飲多d这類湯水一定好去濕。

同埸加映。。。魚骨湯+手打魚肉河粉

香茅豬扒莱飯

又再食莱飯！

今次d香茅豬扒用香茅、魚露、椰糖、老抽、蒜茸醃過後、(最好醃三四小時以上)、再用(炸粉+麵粉)上粉後用光波焗熟跟莱飯食。

莱飯的做法。。。。先將小棠莱切碎、用塩油蒜炒過、再將煮好之白飯捞匀便成莱飯、这個做法係保持莱飯之青綠。

中西合壁之午餐

噚日係City Super買咗塊菲律賓 Snapper(魚)、今朝整碟中西合壁的伊麵食。

魚塊用pepper、salt、蛋、先醃、上麵粉用牛油煎香

伊麵加雜菌、黑椒、盐、半油炒過、跟煎香之魚塊上碟。