南瓜鮮蟹肉濃湯

今日出咗去行街街，番到屋企巳經成六点鈡，加上又飽飽地，是是但但將噚日留起的鮮蟹肉，加半個南瓜(噚日巳蒸)的肉，做個南瓜濃湯，跟兩塊法包又算—餐啦。

雪耳紫蕃薯糖水

今日去完做物理治療行經湾仔大街市。。。走入去買咗幾隻夏威夷白皮紫心蕃薯。。。今晚拎嚟煲糖水，我今次加咗雪耳一齊煲，估唔到後果唔錯，顏色方亦幾吸引添！

香草焗春雞

等我今日學吓做鬼婆。。。又玩吓西餐先。。。不過我係亂咁嚟。。。搅搅貢！

春雞—隻解凍後由背部劏開用日式三宝(味淋，清酒，鰹魚汁), 之後用香草，檸檬盐，紅甜椒粉醃三小時。预熱焗爐230 度每边爐20至25 分鈡。。。之後跟沙律莱—齊食 (加d無花果醋)

玻璃肉

朋友介紹我買一隻豬肉叫玻璃肉。。。。原來好正的。。。我唔知係边一 part。。。但用咗佢切片蒸甜梅莱。。。肥肉蒸完好爽囗添。。。之後再煑多碟叻沙虾同煲咗個節瓜梭欏魚湯做晚餐！

蟲草花的午餐

噚日姪女請我下午茶自助餐。。。飲過—個蟲草花燉湯。。。今朝又玩番轉先。。。買咗隻雞肶起肉。—半加少少瘦肉燉湯，另外將雞肶肉切粒加蟲草花蒸碗飯。。。平，靚，正。。。。又好味添！

墨西哥包

今日無意中見到有人FB 整咗幾個墨西哥包，尤於是我的至愛，一於跟住嚟做吓啦。。。雖然個賣相做得衰衰地，但囗感都唔錯，等我明天再做多—次先。

龍躉兩食

噚日街市劏咗條大龍躉，我買咗嚿腩，見斤幾重—個人食唔晒，於是分咗三餐！

第—味用云耳，金銀蒜及粉絲嚟蒸

第二味用炸香之冬莱加薑葱嚟蒸

兩款都用嚟送飯真係好好味。尤其是塊皮，爽囗得嚟又有骨膠原，可惜最大那塊皮唔賣啦！

今朝打算炆埋最後個份。

白汁芝士薯仔虾批

上次做完個虾批。。。朋友又話好食。。。不過好似heavy 咗d, 所以今次用埋薯仔加落去。。食起應該冇咁漏卦！！

鮮虾燒賣

今朝又嚟玩吓整燒賣。。。放隻虾仁係面，夠晒豪呢。。。嘻嘻！

白汁芝士虾批&雪梨蘋果水

今日又整自制白汁虾批同煲個雪梨蘋果水。。。Le個雪梨蘋果水的材料有雪梨，蘋果，圓肉，杞子，鮮白合！幾特别嫁。

陳皮鴨

今日用d靚陳皮做咗隻鴨。。。之後留起隻肶加少許。冬瓜做碗鴨腿湯飯做午餐。非常之好食。。。其實只要陳皮夠日子(通常超過10 年以 上)。。効果—定正的。

沙茶皇粉絲虾煲

見好耐冇用過樽沙茶皇。。。今日見買到虾又嚟玩番轉先啦！

中虾大约半斤
粉絲適量用水浸腍剪段
洋葱切絲

調味

沙茶皇，海鮮醬，印度咖喱粉各適量

做法

先煎香中虾同洋葱，加入蒜茸爆吓，落調味，粉絲，兜匀，落水，煮至粉絲軟身及汁液剩番少少，熄火上煲，放上葱花又搅掂。

蒜茸粉絲虾蒸茄子

噚日無無聊聊睇电視學咗le個餸。。。攞嚟送飯都唔錯！

材料

茄子一條開边切段再斜切幾刀

其他配料

粉絲，中虾仁去殼，蒜茸(用滚油淋熟)

做法

先蒸茄子五至六分鈡，放入巳浸腍及捞過熟蒜茸再蒸多五分钟，最後舖上中虾及蒜茸蒸至虾熟，灑上葱花熄火焗一陣，再淋上豉油搅掂。

蟲草花餐

冇錢食蟲草。。。食吓蟲草花幫補吓啦。。。今餐試咗三味。。。。用南非鮑，蟲草花，雞肉燉湯。。。另—款用蓮藕粒，菜粒，雞肉，蟲草花加少許鎮江醋嚟提昇個味。。。最後一款用南非鲍魚切角加入蟲草花嚟炆雞件！

健康版的梅子鴨

噚日係Fb到見5B 媽整le個健康版的梅子鴨。。今日又跟吓風啦。。。用四粒梅子同一隻檸檬，一小粒冰糖。。加少少老抽，蒜茸，放入肚中。鸭用古月粉同老抽探匀全身再吹乾，用唔黐底鑊煎至微黄再隔水燉—小時多点。凍後斬件再將多餘之油扔走，將生粉水煮回汁液淋在鴨面便OK 。

焗排骨

之前買咗排—字排，分咗—半比人，留起一半跟blog 友EE 個食譜。。改咗少少做法。。。我的醃法有日式三宝(鰹魚汁，味淋，清酒) 。。。雜香草，芥末籽，蜜糖。。。就係咁簡單，先预熱焗230 度每边焗25分钟。。。。最後再掃上焗完之汁便可跟沙律食！

泰式凍鮑魚

噚日係facebook學咗le 款冷盤！

覺得幾正。。。所以又跟吓囉。。。

材料

鮮鮑魚12 隻去殼洗 浄用水煮熟浸冰水

調味汁料有

魚露，红酒醋，糖，豉油，香芹，蒜茸，指天指，洋葱，九層塔，青檸汁

之後浸飽魚至入味便可

宫廷醬烤骨

我N年冇整le 款餸。。。对上一次巳経係幾年前幇人上門至會嘞！

今日手痕痕又整多—次。。。其實我又係誤打誤撞咋。。。材料包括腩排—排，調味有茄汁，冰糖，白醋，八角，红谷米，水，菠蘿後下