雞粥+炒米粉

久不久我都喜歡食吓雜糧（雖然粥对我們这類糖尿病人不太合適）、尤於昨天有些雞食唔晒、所以今天用瑤柱+鮮准山）煲咗嚟做午餐、再加多碟（四季豆、金菇、肉碎）炒米粉、都係一個不錯嘅選擇😘

西汁豬扒

首先講明先：今日这碟餸係「絕对唔健康」嘅！

不過偶然一次都無可厚非、我只係食咗一塊咋！

個西汁有檸檬汁、白醋、喼汁、茄汁、黑糖、水煮成的.

至於豬扒我係用西班牙梅头扒切小塊（用刀先泊鬆）醃過夜（糖、薑汁、蒜汁、胡椒粉）、臨炸前開生粉水捞吓、再上生粉炸兩次、之後炒軟洋蔥絲、回鑊豬扒、快手兜入西汁便熄火上碟.

Homemade餃子皮的香芹冬菇餃

之前次次整包餃子都要買半斤（最低消費）、但次次都用唔晒、所以今朝一於自己做餃子皮（其實好簡單、麵粉+水）、刚好肉碎唔多、加些香芹同冬菇、一共包咗迷你size（23只）.

加埋今早用紅衫魚仔滾嘅湯、剛剛可以當午餐同埋晚餐.

一口牛蒜茸牛油汁會意粉

邪惡嘅嘢當然一件都不能做、但邪惡嘅食物、偶然一次半次還可接受的.

早輪網上人人討論的日本蒜茸牛油汁比我今早無意中現有得賣、$48/支 .

今晚雪柜還有半包一口牛、所以煮少少意粉做晚餐.

下次等我試吓醃d雞翼嚟焗先.

魚香茄子

这是一個健康版的『魚香茄子』、一般酒樓是要泡油茄子、但这碟我是白鑊炒乾茄子、之後加入油、蒜茸、肉碎、豆板醬、老抽、糖、少量水、炒至收汁、熄火後加入少少陳醋、但今次我沒有.

最後灑上蔥花就可上枱！

乾燥止痕湯水

乾燥止痕湯係師奶响網上見到嘅湯水、佢叫我幫佢煲、咁我又呃到碗嚟飲啦😅

我自己就蒸咗碟『排骨蒸陳村粉』做午餐.

洋蔥豬扒

好耐不做这豬扒、今朝係超市買咗包巴西豬扒（本來想買西班牙的）、我常常对人講、煎豬扒一定要買外國的、因為新鮮肉枱的豬扒較難處理、煲湯同蒸就要買新鮮.

今次只用魚露、豉油、糖、洋蔥、醃完等幾小時就可煎（如果怕肉質唔夠腍、未加調味之前可加入少少奇異果蓉先醃約半小時）

白咖喱豬扒湯米

我從未食過白咖喱、亦唔知在那裡買到白咖喱粉、上網見到有人咁整、又試吓啦！

先將南薑、香茅、咖喱葉煲水（大約15分钟至出味）、隔去渣再加入雞湯再煮滾、之後用蒜片加油炒下咖喱粉、拎走蒜片後加入雞湯、再放入大量椰汁便成白咖喱.

煮好米粉、鋪上煎好的豬扒、再淋入白咖喱後熄火.

餃子晚餐

前两日落咗去土瓜灣食煎韮菜

餃子。。。$25/5隻。。又貴又麻麻。。所以今日買完魚滚魚湯。。又抵($25/份、重劏埋嘅梭蘿魚)、用蕃茄滚好後一半餃子放湯、另一半煎香。。。十分惹味。

健康版之蘿蔔糕

唉、le輪日日坐响屋企。。就嚟變『化石』。。。今日見無聊就不如提早蒸底少盐。。少料嘅健康版蘿蔔糕食吓啦。

今次只用咗虾米同瑤柱。。。特登蒸腍身些。。用蒸嘅方法。。唔煎。。減少油份。。不過我都試吓煎两塊嚟比較吓。

再戰咕咾肉

今早再做多一次咕咾肉。。因為得高人指点。。。一來想用埋上次煮落的咕咾汁。。二來想試吓個脆醬得唔得。。因為今次用咗個新方法嚟醃。。只用生粉(我今次用咗隻新嘅生粉(用薯仔做的)、另外高人教落千祈唔好用蛋漿。。先將梅头無骨豬扒切細塊。。加入盐。糖。古月粉先醃。。再用生粉開水「浸住」。。在炸前才隔去液体。。上乾粉先炸第一次。。臨食前再炸多一次。。之後先爆洋葱。。放入甜酸汁(不要一次過落晒)。。再放入罐头桃。。最入兜入咕咾肉(要快手)、看看汁液夠唔夠、若不夠才加入全部、沾上汁液後便熄火上碟(我發覺这個做法)食到最後能保持脆身囉。

發夢

好耐好耐我巳經冇再在我的網誌發噏瘋了。

今天突然又想講吓。。。。有人問我近來有冇發夢。。我講而家年紀大咗。。瞓得少。。甚至好多時「眼光光、望天光」、又何來有夢可發呢？。。。況且早於今年初(太后死時)我巳發夠了『夢』。。醒咗之後。。不再發了。

再過幾年(可能早些)自己都長眠啦。。。還發什麼？

近日收到我回港後的第一個英國老細在七月的時候悄悄地去咗「長眠」。。。所以今年的生日再沒有(平時每年他同太太都一定向我」遙遠送上祝福。。。这就是我今次「又發噏瘋」的原因嘞。。。只可歎一句。。。。「花無百日紅」。。。

10、10、2019。。的午餐

 而家外出實在危險(分分钟比差人查身份證)。。所以盡量留在屋企。。。唔出街嘞。
今早買咗两條幾抵的「游水牛鰍」煲鮮准山、茨實、蓮子、百合、紅蘿蔔。

我出湯同蒸肉餅。。師奶出青瓜同蒸魚。由於太多餸的関係、所以分咗部份比另一位獨居嘅亞婆添。

『獨樂樂不如衆樂樂』係我現在的生活方式。

糯米飯+糯米釀雞翼

曾經我很喜歡食糯米。。但隨着年紀大咗。。。加上骨有問题。。我近年真的少食很多。。。但有時心思思都會做少許嚟安撫一下自己的為食心癮嘅。都係個句。。。適可而止啦。

今次除咗食糯米飯之外。。還留起少少釀幾只雞翼。。由於年紀大咗唔太食煎炸嘢。。今次釀完用焗爐焗熟再搽少少蜜糖咗就是。

牛肉炒白胶筍

曾經戒咗牛肉十幾廿年。。近年再次食番。。。所以多咗選擇。

最近白胶筍(好似係叫白胶筍)又靚又平。。所前炒咗碟嚟食啦。

蘿蔔小丸子

这個菜式係從Facebook學番嚟。。我改咗少少材料(我用白蘿蔔刨絲加盐醃吓再揸乾水捞入免治豬肉。。乾鱿魚碎。。冬菇碎。。菜甫碎。。再加入调味(古月粉。盐。。糖)同生粉)、之後搓成球型再蒸。。。上碟前加入玻璃獻同灑上葱花。

高速煲系列之「微辣鲜雞腳」

我以前有兩個高速煲。。之前用嚟炆鮑魚同牛腩。。近年巳好少用。。而且搬屋時送了個大的比朋友。。。只留下一個細的比自己用。。由於太耐沒有用。。所以要從新換過晒d配件才可以再用。。。今天终於換齊晒d配件。。所以用來炆咗碟『微辣』嘅鲜雞腳。