假期第三天（Sunday）

今日教會有洗禮、所以沒有早堂、是合堂、我一早煮定菜飯同豬扒、一回家將豬扒菜飯略炒吓便可進食！

這一次我係fb學咗用醋洗米、沖洗後再煲飯、原來煮完粒粒分明、很正的😊

假期第二天

今日幫朋友係樂富開檔、返到屋企巳七點幾、放低嘢立刻煮飯、跟着冲涼、煮定飯就開始切洋蔥、剥虾殼、醃虾、整汁（泰式雞醬、糖、白醋、豆板醬、紹酒）、一煮完立刻用蛋、芫茜炒饭、之後虾走油、回鑊虾、洋蔥、汁、熄火

假期的第一天

每次長假期、香港總是走了很多人、無論國外定國內、今早過廣場買早餐、水靜河飛、冇學生、行人少、到下午再試行落去土瓜灣下午茶、又是一樣、不過據鄰居講、旺角就好旺、聽新聞各關口就迫爆人、唉！留番我地这些又老冇錢嘅人、又點可以振興經濟呢😅😞

特式菠蘿骨

今次我用脊骨代替一字骨、効果都唔錯、配完排骨（古月粉、鹽、糖、生粉）後加入蛋王、再上生粉、炸两次、第二次是臨食前才

至於汁方面、我用（茄汁、泰式雞醬、陳醋、李派林、老抽、糖漿）

小貼士：汁不能太多、煮滾開始杰身才加入排骨

椰汁咖喱雞

上星期因共用廚房換地板、所以沒有煮飯數天、昨天終於重開了、但又忙於工作、今早才有机會煮兜椰汁咖喱雞！

这两天手背無端端腫了一嚿、所以今早約咗九龍醫院睇街症、希望沒有什麼大事吧

北角油街展覽之行

今早約了朋友係北角皇都戲院對面的「百好」飲茶、之後係北角行一陣便走咗去油街的一個展館到參觀『兩代廚房』、之前同朋友拍了條片關於如何醃制咸柑桔、因今天開始展覽直到八月（好似）

逗留了一會便打道回府

菠菜雞蛋越式米紙卷

昨天做了幾條這樣的小食、因為之前買了包越式米紙同即食紫菜、想盡快消滅佢、所以做了幾條當下午茶

那些餡是用菠菜碎（灼熟切碎）、蝦仁、滑蛋

米紙浸軟身、中央放片即食紫菜、再放入餡料、卷成春卷形再炸過、配泰式甜酸醬跟食

樂意~意大利餐廳

昨晚約了朋友係廣場食晚餐、原本想食元气壽司、但不想等位、所以改了去一樓的樂意~意大利餐廳食、朋友叫了意大利帶子飯、我就叫咗個龍虾意大利飯、並叫了杯特飲 、都唔錯😊

花生一口酥+雜干果仁一口酥

今天全日冇出街、所以有大把時間在家搅搅貢

做咗些一口酥、有花生的、干雜果仁的、配方同之前腰果酥一樣、200克麵粉、花生碎、雜果仁碎各100克、糖50克、少少鹽、油（粟米油、大概能搓成粉糰為準的份量）用气炸窩焗約15分钟

今次花生一口酥用木製的模吸出型狀、而干果一口酥就搓成圓型、这份量做到迷你size大約各三十多件左右

香檸雞

今早有高人指点如何醃雞肶肉同点做個汁

雞肶去皮後切件、加古月粉、盐（雞蛋、麵粉、生粉、吉士粉）、去捞醃吓

炸時再上生粉、最好炸兩次

檸汁：檸檬皮（最後才

加入）、玉泉忌廉汽水（代替水）、檸汁、糖、吉士粉開勻

做法：炸過兩次的雞件、快手兜入檸汁料便可上碟

可能第一次做、個「獻」控制得麻麻地😊😊😊

Fusion 菜式~日式飯糰配金盞虾球

終於知道為什麼一般fusion菜式會貴、因為除咗工序多、有時需要嘥嘢（會有些下欄）、今天自創咗個日式飯糰配米紙金盞「甜酸虾」

飯糰制作：煮好白飯、加入拖過水之红蘿蔔碎、黑白芝麻、紫菜碎、少少鰹魚汁、用保鮮紙包成飯糰、放入碟中

甜酸金盞虾：將越南米紙剪好、用濕布抹吓、放入一張紫菜在中央、用雞批模壓住、用大滾油炸成金盞再放入蝶中、虾用大滾油走油、回鑊虾及快手兜入泰式甜酸汁、之後放入金盞中即成

蒜泥白肉

今日做咗碟不太成功的蒜泥白肉、因為刀不太利、所以未能切得薄薄的、做法是先將腩肉用花椒、八角、桂皮、鹽、水烚約20分钟、再浸水至凍、拎出後放雪柜雪約一至二小時、再切片排放在碟中

汁料有：蒜茸、陳醋、麻辣醬、糖、老抽、糖、最後加入少少糖漿、捞勻候用

沙田馬會午餐+嘉道理農場

今天母親故友的女兒約咗我去沙田馬會午餐、之後更車咗我去嘉道理農場逛逛（其實我從未去過）、可能現在不是花的季節、加上農場内有很多工程進行中、所以沒有太大的吸引力、我們只逗留約半小時便走、最后她叫司機車埋我回家添

母親故友的女兒比我大十年左右、都成八十多歲、而先生更九十多歲、成枱人加加埋埋幾百歲、真係值得珍惜相聚的每一刻

感恩我們還可以坐在一起缅懷過去、細說兒時的趣事

釀沙白+紹菜巻

今早跟咗fb一個菜譜做、睇似簡單、但釀起嚟颇有難度呢、原來釀完好難「唔分離」、可能要用刚刚開口的沙白、不能開口得太大、否則蒸完會太多空位、hold唔那些肉、我都係勉強做到八只咋

至於那些做衰咗嘅肉、我用超菜捲起嚟蒸、再打個玻璃獻就是

涼瓜牛肉煎米粉

昨天買咗些牛肉、今日用蒜頭豆鼓同涼瓜嚟煎米粉

先將米粉出水、之後加盐同油捞吓再煎香米粉兩面、放入碟中、爆香蒜頭豆豉、加入切片之涼瓜、醃過之牛肉、赞酒、調味汁（糖、蚝油、老抽、水）兜勻後埋生粉獻便可上碟

軟餐學習課程

昨天有機會去了東華三院旗下的I-Bakery 其中一個工作坊上堂（軟餐制作）、很高興能參与、從而認識到現在的軟餐十分先進、令到很多長者受惠、重拾對食物的要求、加強對吞嚥困難的認知、可惜當年母親未能受惠到这些先進的「軟餐」食物

牛奶魚滾蕃茄湯+虾鬆西蘭花餃子

今早街市個魚檔老板介绍咗这種叫「牛奶魚」的魚用嚟滾湯、佢講好甜的、所以試吓加入蕃茄一齊滾

另外上網見到这個餃子的配搭幾特別、所以又買咗包餃子皮嚟玩吓、先用中虾略剁碎、加入西蘭花碎、調味、搅勻再撻吓、包入餃子皮、半煎炸的做法、又幾特別囉

红炆牛肋條

昨天剪完髮去咗朋友公司買牛肋條、好平、美國嫩牛肋條$130/900gm

我今次用無油煮法、牛肋條飛完水切段、用薑片白鑊炒乾牛肋條、加入香葉、桂皮、蕃茄、红蘿蔔、赞酒、調味（蚝油、老抽、冰糖、茄汁）、加入水、炆煮約1/2小時、（是乎牛肋條的腍度）、再收乾水份、加入生粉獻埋汁

剪髮日

過年前剪過髮、一路病、由過年前病到過年後、今日見好番晒、走咗去剪髮、剪番個超短的、很多年沒剪過咁短啦、都ok喎🤣🤣🤣

感酸菜炒鹵水豬大腸

昨天買了盒鹵水豬大腸、食唔晒、留起一半今晚拎嚟炒咸酸菜

首先將咸酸菜洗過、用白鑊炒至乾身、落油、加入切條的咸酸菜、糖、鹵水豬大腸、赞酒、快手兜勻便可上碟

咸魚瑤柱菜飯

今早做了這個飯、一片鮫魚咸魚（加薑絲蒸熟）切粒、瑤柱蒸熟撕碎、加入白飯、同灼熟（切小塊的白菜仔）、捞勻、就成了一碗十分惹味的『拌飯』

燒汁茄子卷

这個茄子卷是將茄子创成薄片、再搽上免治豬肉/虾膠、捲成圓型、上蛋漿、再撲上生粉、炸完、再用日式三寶（鰹魚汁、清酒、味淋）煮成的汁轆過、上碟後灑上芝麻便成