四季豆炒咸肉

今天又打風、加上還未消化到同學的離開、心情極度低落、是是但但炒碟四季豆炒咸肉就算😔

雖然今晚未能去送別她、我在花店訂了一個花圈、作為送別她的心意、我們的數十年友情將隨着她的一縷輕煙而寫上「句號」😭

壞消息一個接一個

今晚刚好收到一個從小玩到大嘅好朋友離開的消息、她先生刚通知我明天是守夜、但因疫情之原因、叫我不要去（因自己的年纪亦大）、唉！相信我今天晚上一定會失眠、回想同她的点点滴滴、八九年曾去加拿大探訪她的往事、一下子湧上心头！

这個從小學到中學的兒時玩伴、雖然有段時間我們失去联系、但從她回歸香港後我們再次的相遇、曾有段時間（大概08至10年）常结伴去澳門遊玩、之後由於在2010年後母親開始患病、我們又再次失联、不過这幾年間都知道她身体開始不太好、估不到这幾年原來她患上食道癌（根據她先生的引述）、本想日後去墳場拜祭吓她、但據她先生說她的遗願是將骨灰撒落海😭

現在只能心中祈求天父能引領她的靈魂返回天家🙏！

人生就是这般的無奈、这两年間先後走了不少親朋戚友😔

（圖片取自網絡）

老正同學會的聚會

我們幾個「老顽童」雖然認識不是很多年、但個個都是「為食貓」、早年成立了這個「老頑童吃喝玩樂组」久不久便出去聚一聚、可惜近年疫情的關係、有一位流落在澳洲、不知歸期、又有一個突然在二月蒙主寵召！

唉！世事難料、所以今天我們相約在 『I square 』的彩福飲茶聚吓、目的是見得一次得一次、珍惜我們的相遇相知😉

今天的出品唔錯、盼望好快再有見面的机會❤️🙏

欖菜魚塊炒西蘭花

今日約了幾個『老頑童』去飲茶、自疫情爆發之後、我們甚少聚會、趁今天幾個有空、找緊机會見一吓、珍惜的是「見面」、食反是其次啊！🤔

所以一早幫鄰居做了这個餸、好讓她帶返工吃！

先灼吓西蘭花（油、塩、味）、拎起候用、煎吓魚塊、加入欖菜（潮州人用的）、回鑊西蘭花、打個薄獻即成😋😋😋

廚餘雞煲

今天收到order去飲茶、所以一早预備定的食物又要搅搅佢嘞！

雪柜的廚餘有少許翠玉瓜、雞肶菇、红蘿蔔、同幾嚿雞件、我今次用咗做麵豉湯的湯包嚟做個醬料、炆完試咗一口才是比鄰居、味道唔差、但味道比較濃咗少少、但還可接受🤔

全日都是食、食、食

一早返醫院抽血、之後落咗筲箕灣同表姐飲茶、去了『明星金閣』、点心都ok、價錢亦算平、值得再去嘅🤔

到咗今晚有朋友請食飯、我們一行三人、去咗那間十分難訂位的大排檔風味館食飯、今次係我搬了過來差不多四年的第二次幫襯、雖然今次的「拔絲咕咾肉」有点失水準、但整体嚟講都值得再去嘅、他們在七月將會搬去隔離街的大舖、期待到時「咕咾肉」回復當年的水準吧！

西班牙漿果梅头扒

下午落咗去（平時買開）的凍肉公司找尋这種梅头扒(據聞是黑毛豬的一種、用粟米飼養的豚肉）、我又學人試吓煎嚟食、店長说不用加什麼調味、只用盐、黑椒碎醃片刻便可煎熟、跟白飯或蔬菜！

我今次除咗配少少白飯、再加一些烚過之翠玉瓜、紅蘿蔔、雞肶菇

不過食完之後覺得不似我之前所盼望的效果、大致上可以講ok、肉質帶爽身、对我嚟講似乎硬了少許😚

特式果凍『蝶豆花奇亞籽』

今早用咗蝶豆花浸水、加埋奇亞籽、白涼粉、做咗這款特式的果凍！

切成粒粒之後、加入椰汁、顏色又美丽、视覺上十分好看呢😜

菜胆雞

今早去完教會做崇拜、之後去咗街市買pack斬好嘅雞同一束生菜、回家後先蒸半碗飯、灼好生菜後、用湯浸熟雞、之後用番浸雞之上湯埋個玻璃獻、淋番上雞面即成！

週末的午餐（日式豬豚片飯）

昨天買咗pack日本的豬腩片、所以今早的午餐是用洋葱絲、红蘿蔔絲煮豚肉片的碟头飯、今次我用咗豚肉燒汁嚟煮、甜甜的十分惹味

謊言的世界

不知什麼時候我們这個世界變得如此的荒謬、有時真的分不出什麼是真、什麼是假？

可能我的年代资訊沒有现在的發達、人心亦簡單很多、不過亦可以話自己一路活得「太單純」！

現在每天的新聞都是出爾反爾、明明一時話沉沒了的船、一下子又可以起死回生？好彩地自己年紀不用再面对这些謊言太久、可憐的是我們的下一代、將要面对这樣的世界、可悲😔

願萬能的神能拯救我們這些罪人吧！

🙏

（圖片取自網絡）

甜品 ~ 芒果奇亞籽（Chia Seed）

之前未曾接觸過「奇亞籽」、原來網友講这奇亞籽是一種頗有益的植物種籽、其中提及有消炎的作用、昨天我配合了芒果、做出这款甜品、又幾好食、顏色方面亦幾靚😘

飲茶日

今早同鄰居去商場的酒樓午餐、之前新開時去過一次、但覺得「真把鬼」！

原本想唔去、後尾鄰居的朋友想去試吓、諗住这是最后的一次、好彩最后都唔差（可能換了廚房）吧😅

不過有新的發現、原來而家送餐服務都開始轉用「机械車」、相信不久的將來會越來越多人失業嘞🤔

大勢所趨、睇嚟我們这些亞婆要將要被「淘汰」啦、算吧、反正同後生都有「代溝」以前我常对着母親講、点知現在是比人说有「代溝」、唉！風水輪流轉🤣

又有新騙案

今早在YouTube 到聽到兩宗新騙案、一個是77歲的老婆婆同一個43的IT男、分別墮入「網戀」Oh😱真係impossible 

第一、年屆77歲都可以咁黐線

第二、身為IT男相信學歷都唔差

真以為是睇緊戲？

第一單可能老人家缺乏家人的關心、應該同男女之「戀情」沒有關係、容易墮入「別人関心」的陷阱、還可理解

但第二單、就真的令人「咋舌」、边有咁「大隻蛤乸隨街跳」吖的完美故事、除非是中了降头吧！

可能以前被騙得多（但絕不是網戀）嫁、早巳百毒不侵😅😉

乜住公屋都可以咁富贵嘅？

（借圖片攝於YouTube)

講嚟講去都是一個字：「貪」

講完😅

勝瓜云耳炒生魚片

昨天晚上食埋剩低的半截勝瓜、同生魚片😚

我用咗云耳同红蘿蔔嚟配搭、無論颜色、味道都十分滿意、所以不快的心情一掃而空、記得最近曾認識的一位朋友提醒我「与生俱來」的性格真係改不了🤣

 Never mind 这才是真的我吧😜

特色的甜品

當我無聊的時候、腦子就左想右想的想想怎樣制造一些新奇的食物、尤其是甜品！🤔

今次我用咗芒果啫喱嚟配白涼粉、之後再淋些黑糖漿、睇嚟颜色唔錯、口感亦唔差、唯一要改進的就是白涼粉下次可加多一些水來做、因為今次口感是硬咗少少😚

涼瓜炆三文魚鮫

昨天在街市買咗一份三文魚鮫、用涼瓜炆了做午餐😉

先將魚鮫略煎、涼瓜切薄片、用盐醃片刻沖洗後、飛吓水再拎起候用！

蒜茸豆豉爆過涼瓜片、加入調味、水、放回三文魚鮫略炆片刻、生粉水埋獻即成、是不是很簡單呢？

今天的我推倒昨天的我

前幾天還說緊別了依然相信.....以後有缘可再聚😔

但現實歸現實....珍宝海上食府...真的永別了😭

这幾天收到不少朋友的WhatsApp （他們都知道它曾是父親（第一代）的心血、替我難過、但我对他們說、無論第一代或第二代的創辦人早巳離世、这個结局是必然的、難過只是这樣的結局是有点殘忍（應該說是不得善終）、但又如何呢？

这幾年的變化亦是無法理性地去解讀、好像自己一樣、一次又一次地去相信这世界一定有「真誠」、不過同樣地一次又一次的失望、有時真的懷疑自己的「智商」是否正常🤣🤣🤣

（圖片借取東網）

『生魚片』湯飯

今日全日冇出街（買餸唔計）！

整天開住冷气、下期电费一定好甘、

下午落街市買咗條生魚起肉切双飛、魚骨、魚腩同头煮成湯候用、草菇一開二、红蘿蔔切片、勝瓜滾刀切、魚片切成双飛（兩片之間唔切斷）之後放回魚湯內滾起、加埋飛過水之草菇、红蘿蔔同勝瓜.

煮好白飯放碗裡、淋上巳煮好之魚湯加調味即成、簡單又清甜👍😘

香檸豬扒

清洗大行動：雪柜買落的食物係時候大清洗、有三塊豬扒、檸檬一個！

先用少許檸檬汁加糖、味、醃過豬扒、跟着上蛋白、撲上（今次用木薯粉）炸兩次

準備檸檬汁、糖、醋、吉士粉、水、檸檬皮茸、煮杰汁後回鑊豬扒、兜勻即可上碟😋

咖喱雞柳&虾

今日清雪柜、所以这個咖喱加入蕃茄、雞柳同虾、一於變咗喱雜錦、反正都是係食落肚、好食便ok啦😂😂😂

本來諗住加埋椰汁嘅、諗諗吓見有蕃茄怕唔夾、終於都沒有落到囉😉

自創日式荳腐窩

昨天韓國鄰居同我買咗包日式的魚肉豆腐 、我將雪柜的廚餘（牛肉、椰菜、红蘿蔔）煮埋一窩这樣的東西、作為今天的午餐、看看樣子似不錯！

滑蛋虾仁飯

昨晚睡得不好、但今天還是睡不到、头痛沒有了、但總覺有点不妥、不過還是不要再想落去、越想越驚🥱

今晚唔想花心思去於煮什麼、是是但但煮個「滑蛋虾仁飯」就是😔

今早還好好地的情緒、突然又波動、希望今晚個头不要再痛就好、真的能一睡不起就最perfect、亞媽當年有我、若今次自己有事就死得、唉！唔諗唔諗......🥱

平凡的食譜（薯仔炆腩肉）

今天一睜開双眼、原來昨晚沒死到添（因昨天整夜個头十分痛、有種觸電的咁痛、心諗、千祈不要「死一半」就好嘞）.....即係中風囉、若真如此就連自殺都冇本事啦😔

講完傻話又嚟講吓今早食乜先🤔

雪柜有包腩肉、一個薯仔、咁就用最方便的方法炆咗佢、影完相就比鄰居帶飯返工囉！

將腩肉先煲至半腍、跟住用薯仔、老抽、糖、少少柱候醬、水炆至收剩少少汁便ok.

蕃薯餅

前兩天買落的印尼甜蕃薯、今早見有心情便整了幾個蕃薯餅給鄰居、自己只試了一口就算、因為下星期要抽血、再下星期要同醫生見面、費事比佢鬧😅

我終於下定決心不再上IG、因為不喜欢、而且「like」我的人多數是fb的朋友、所以可有可無、而且最近有不太開心的经歷、一刀切便是！

近年個性格比較不再「婆婆媽媽」拖泥帶水、以前的性格不太好、太心軟、有改變是好的😉

蟹肉扒豆腐

昨天剩低的蟹肉、今天快手KO埋佢、用咗盒蒸豆腐、先飛下水、再加入上湯煮吓、放入蟹肉一齊燴片刻、加入红蘿蔔茸（扮蟹皇）、推入上湯獻熄火、加埋蛋白即成😘😉

快、靚、正、又好味❤️❤️❤️

香港的父親節（6/19/2022）

今天是一年一度的父親節、雖然我的两位父親（生我的同養我的）都不在、但感恩曾经給予我的生命同養育我成長❤️

現在我信了天上的父、希望往後的日子、『全賴有祢』🙏

昨天有幸参与教會的團契、令我和天上的父進一步拉近距離、希望不久的將來我能参透心中的疑惑、全心歸顺於『主』

双蛋三文魚炒飯

昨天為了要參加教會的一個團契、所以回家後匆匆炒了一個飯食就算！

今次的配搭版颇為特別、亦算高胆固醇、偶然一次便可、但不應常吃🤔

我用了咸旦（先蒸後切粗粒）、雞蛋拂完炒過候用、三文魚切粒、白飯一碗、最後準備一些海苔碎

做法：先炒三文魚粒、加入白飯炒至鬆身、加入蒸過之咸旦粒、雞蛋、加入調味（少少塩、豉油）、最后麗上海苔碎便可上碟！😋

是不是很彩色呢😉

迷你冬瓜盅

今早無端端買咗個迷你冬瓜、本來諗住滾個瓜粒湯就算、突然傻傻地想學做冬瓜盅、原來勁麻煩的、首先要開咗冬瓜嘅『天靈蓋』、又要挖冬瓜入面的瓜肉、再搽上塩、味、酒、在內面、醃約45分钟令瓜肉入味、之後用熱水洗過、放入清雞湯（方便版）、燉約1至1小時半、最後放入飛過水之餡料（我今次只用虾肉、蟹肉、草菇、雞肉）再放入瓜內再燉多15分钟、便可上枱

这是我自創的方便版、雖然今次大手筆買咗只蟹嚟拆肉、係有点肉痛、但以我的性格、為咗要食得完美、又真係黐咗少少線嘅🤣🤣🤣

算吧！民以食為先😋😋😋

釀節瓜

前两天浸多咗青島貝、所以今日買條節瓜釀咗就算、去皮後切成幾節、挖空中間、釀入巳蒸過之青島貝、加入上湯蒸腍、倒出蒸過節瓜之湯、加入蚝油、老抽、糖、生粉理獻、再淋番上便即成！

簡單又好味、送飯一流.😘😘😘

冬瓜炆雞

其實这醬汁亦不是真的自創嘅、有次在fb 見到類似、唏！所谓來來去去都是那些调味、只是怎樣配搭吧！

今次我用咗盐焗雞粉、加入蚝油、老抽、糖、指天椒、混合一齊、先將冬瓜用水煮至半腍、拎起候用、再爆醃過生粉之雞件、贊酒、將醬汁放落去、加入冬瓜、炆至汁液剩低少少便可上碟或沙煲、搅掂😛

現在未食、睇相色同香就冇問题、食完再報告😉

別了依然相信....

...以後有缘再聚！

这两句話我從fb中的文章中睇到嘅、從中啟發到我对分離的盼望、記得很久以前一個在英國認識到的朋友、自回港後失联、估唔到某年某月我們竟然再次重遇到、所以「缘份」冥冥中早巳有所安排的🤔

回想起我曾经為了宗教的問題放棄咗一段颇長的感情（當然不是主因）、但估不到多年後的我、又竟然因缘際會之下接受这「宗教」、不是冥冥中的安排嗎？加上这幾年世界所發生的事、令人对人对事都有所改變、但願以後的一切都向着好的方向吧🙏

（借圖)

冬瓜魚湯浸黄腳立

本來今晚唔駛煮嘅、点知那下午茶（乾炒牛河）、牛肉就乾過我個荷包、d粉又硬過我條命、咁点食啫？

所以$40蚊嘅下午只係飲咗杯凍檸茶（少甜）咋🤔

好彩今早解凍咗條黃腳立、於是乎用紅衫滚咗個冬瓜豆腐湯、再將黄腳立浸熟、咁又一餐啦😚

芝士奶油大虾焗長通粉

一早起床摷雪柜、發覺有幾只急凍中虾同mozzarella 芝士、所以成就咗这碟東西中午吃😋😋😋

近來不停鑽研以前未煮過的菜式、加以再改良、可能太無聊吧！

以前幫人煮食時曾試過一個月都可以不重覆菜式、其實本身只愛煮不會吃太多的人、尤其是現在年纪大了、抱着保重身体尤如孝順「荷包」的心態、更加小心😅

这個做法簡單：

首先下解凍虾、撲吓盐同乾粉、半煎炸候用

用炒麵捞（牛油、盐、麵粉之後加入雞湯同鮮奶）的方法、過濾後便成白汁

加入巳煮至半腍的長通粉兜勻、加入mozzarella 芝士、放入焗盆、放上中虾、再淋上餘下之白汁、上面再加一些芝士、放焗爐焗至焦焦地便ok😋😋😋

懷念的童年

今天又摷出我年幼時一張發黃了的照片、勾起無限回憶、相信这張是攝於當年大约四五歲、地点是香港仔工業學校对出的小瀑布附近（唔肯定？）🤔

那時天真爛漫的自己、生活雖不富裕、但有一般孩童的生活、外婆的溺愛、現在回想起還是甜絲絲的😘

無憂無慮的童年生活、相信是每一個人心中的盼望、有時回憶亦是一種樂趣😉

我的午餐（6/14/2022）

今天用蕃茄煮了碟咖喱雞搥、又是另一種風味、真的唔錯、再加碗鰹魚湯的烏冬、真的好好味！

簡單就是❣️

翠玉瓜支竹牛肉

昨天買咗很多蔬菜、所以今天要继续消滅佢、希望今天食得晒、夏天很難儲存蔬菜😂

用咗炸支竹、同牛肉、整碟翠玉瓜炆支竹、之後兜入用麻辣醬炒過之牛肉、都幾惹味！

之後又食唔晒d支竹同牛肉、諗諗計再變一碟舊餸新煮意、變、變、變、變咗碟「甜酸支竹牛肉」：支竹同牛肉切粗粒、加入蕃茄洋蔥粒、埋過甜酸獻、用嚟送潮州粥真係絕配呢😋😋😋

哈哈、婆婆係唔係好叻女呢？

偽上海全家福

这個上海菜是新年上海人必食的意头菜、應該係代表全家人齊齊整整一起渡歲卦？❤️

可惜太多材料、為了一試不值買这麼多材料吧、所以我做了这個「偽版」、材料用雞殼做湯底、有上海咸肉、腐竹、红蘿蔔、娃娃菜、當然唔少得主角「蛋餃」啦

我覺得都ok嘅😋😋😋

不一樣的南乳齋

今天為了消滅晒多來的疏菜、只好做一碟不一樣的「南乳齋」！

材料有西蘭花、椰菜花、红蘿蔔、生菜、齋雞、而我的南乳汁除咗南乳之外還有素蚝油、老抽、芝麻醬、糖、幾樣材料混合一齊、所以叫非一般的南乳齋囉.

涼瓜牛肉

年青時不喜歡食涼瓜、五十後還未喜欢上、近这年才愛上吃它！

若涼瓜比作「半生瓜」、那麼我豈不是有成百歲、嘩！千祈咪搅我咯 ~😂😂😂

今次涼瓜切片、加入糖飛吓水、先爆吓蒜茸豆鼓、回鑊炒牛肉、贊酒、涼瓜、加入少許蚝油、老抽、糖、掛個薄獻便成（生粉+少许雞湯）

同場加映鄰居的愛心湯：粉葛紅蘿蔔馬蹄豬脊骨

冷盆（日/韓式）雞絲豆腐

今朝做碟冷盆、用咗微辣嘅韓式芝麻醬同埋日式嘅紫菜碎嚟做個雞絲豆腐、視覺上唔錯、味道都應ok嘅😘😘😘

腰果碎曲奇

本來这個曲奇好好食、可惜我手勢唔好、又唔知那個步驟衰咗、賣相十分醜樣、但勝好在好好食囉😅

加油、加油💪💪💪

今天再做多一次（06/12/2022）

好似成功了、賣相都算ok