红樓茶聚

昨天同「老正」的拍檔見面、我們一年点都有一至两次的聚會、今次成员改變了、少了两位、加入两位新成员、所以連群組的名字都改了名🤭

今次去咗鑽石山屋苑的红樓、这是第二次來的、出品唔錯、價錢亦合理、每人消费約$100左右、希望每年这種聚會都能继续下去吧😉

三文魚蟹籽炒飯

有時最怕煮些特式嘢、因為往往那些配料很難用得完🤣

今餐终於搅掂埋盒蟹子嘞😉

花開富貴喜迎春（百花釀小棠菜）

这是一道「新春」的餸、不過喜欢吃的話隨時都可以做、懶理是不是新春🤭

做法簡單：

小棠菜剪去菜葉、留莖的部份、修改成花朵、先拖水再浸凍水、釀入虾膠（可買現成的虾膠）

之後蒸約5至6分钟、放進巳舖上（巳拖水）之菜葉、打個玻璃獻、灑入蟹籽即成

『越美舞淺淺』系列

每逢到咗糧尾、一定要慳住駛、不過今天例外、因為買咗條我至愛嘅黄腳立（雖然不是海魚）、不過游水同瓜柴的都只係差20蚊左右、當然食游水啦🤭

五年來的變化

圖中和母親的合照、記憶中是她離世前的一年、那時她的健康還是可以的、但短短的半年間由八十多磅跌到落五十多磅、更在2019年初離我而去、其實在她離世前的十年前我倆的關係並不太好、可能我當時不清楚她是患了『腦退化』、曾经「記恨」於她、自從2015年她跌斷腳之後、我便全天气地伴着她（雖然在这之前的三十多年我曾接替了外婆的工作去照顧她、但那種照顧並不如她跌脚之後的全面）、亦從那時開始我才意識到她（母親）对我的重要性！

今年亦是她離去的第五個年头、下月是她的冥壽（應该是97歲）、所以又再次勾起我的思念、希望在遙遠的另一個世界、她活得比在世時快樂吧（因她在世的時候亦有很大的執念、活得並不快樂）🤔

这幾年我沒有了壓力、所以比以前「開心」、亦離開了曾经令我不快樂的人生、加上近年有了信仰、我將一切都交給了我天上的『父親』為我安排、亞們🙏

特式炆米同特式扒脆豆腐

今早乜都講「特式」、同為是自己亂咁配搭😂

特式脆豆腐是將煎釀豆腐上粉炸過、扒入金菇蛋白獻、再灑上蟹籽即成🤔

至於特式炆米有米粉、金菇、小棠菜、瘦肉、同蟹籽、用蚝油同上湯炆完再灑上蟹籽就是

其實餸本身唔贵、但配料每次只用少少、相对嚟講、加加埋埋就不少錢、唯有將配料盡用啦🤭

眼科覆診

经過兩星期的滴「青光眼」眼药水、今早返醫院見醫生睇報告（之前的掃描眼神经）、雖然今次似乎眼壓回落（11/20）、（好似）、但醫生叫我再等幾星期再回醫院檢查什麼光視掃描喎（其實我都不清楚是什麼東西）、在这段時間是要每天滴眼药水、為了慶祝暫時沒有惡化、所以回到土瓜灣時去了食点心（叫了灌湯餃同千島汁蘿蔔糕）

咖喱肉碎炒飯

又到咗星期三的查经班、臨上堂前先煮好飯、一放學便用咖喱、肉碎、蛋、炒碟飯食就算囉😄

其實我只吃咗半碗仔、其他給了鄰居😅

家嫂魚头湯米

这道菜本應是星洲的出品、曾经在某「星加坡」食店享用過、但實際的做法並不知曉、今天就憑記憶做碗『偽家嫂魚头米粉』吧😄

我用了魚骨煮湯底、用了鲩魚头（因大魚头太贵）、做完感覺都有六七成似的😅

香檸雞

年青時去拍拖一定叫这個餸、因為有点「甜甜」的感覺、这些年差点遗忘了、今早有網友在英國的餐館吃到这味餸、令我好想再做一次、不過正宗的配方都記不起、自己亂咁做吧😄

雞扒一塊切件、用盐、胡椒粉、糖、蛋白、生粉先醃吓、再生粉炸熟、再重覆炸多一次

檸檬汁：檸檬皮茸、汁、糖、少少吉士粉（令顏色靚些）、最后加入少少蜜糖

將汁煮滚、回鑊雞件、快手兜入、最后加入檸檬片便可上碟

拉椰糕

今天是父親節（雖然自己的父親離開了廿多年）、但今天有很多人的父親還健在、願天下有父親的人珍惜这一天吧❤️

就食個甜糕慶祝一下啦😄

菠菜雞絲焗貝殼粉

見有少量貝殼粉、買咗半斤菠菜、雪箱重有雞絲、不如煮個白汁、加些芝士碎、焗個貝殼粉做午餐啦

白汁都是用番『炒麵捞』的方法、菠菜拖水、之後打成茸、雞絲飛水、貝殼粉拖水（大約7至8分钟）、拎起隔水候用、煮好白汁、加入菠菜茸、放回貝殼粉同雞絲煮片刻、灑入芝士碎、放焗爐焗至焦黃便可進食😚

最后祝各位父親：父親節快樂❤️

湯飯

一連兩晚都係食湯飯、昨晚是鱼头勝瓜草菇

今晚是蕃茄、勝瓜、草菇、豬潤、瘦肉

簡單就是幸福的源头❤️❤️❤️

梘水糉

前兩天的咸肉糉是協助鄰居包的、今天的豆沙梘水糉才是自己的出品、因為表姐的女兒過來同我食午餐、所以包了幾只給她、而且自己喜欢食「梘水糉」、可惜现在買唔到『蘇木』、否则重正😄

一斤糯對「2湯匙」梘水

有三種包法、荷包型、三角型、上海糉型

游水黃花晚餐

这两天都唔想煮、昨天食了個茄子炆魚柳、今晚再吃游水黃花魚、啫啫通菜候、例湯、人生無常、好多時無緣無故就消失了🥲

所以若能力許可的話應及時樂、快快樂樂地過每一天吧😚

昨晚的😅

麻辣涼拌萵筍

这個冷盤我未食過、但我的上海鄰居十多年沒吃過、我就扮吓外省人給她做了一些吧、我亂咁搅、總知將萵筍去皮斜切片、先浸冰水、加入自己調的汁料（蒜茸、指天椒、黃糖、陳醋、生抽、麻辣醬、麻油）

希望她喜欢吧🤭🤭🤭

早餐

今天試吓这個邪惡的早餐、『拉絲菠蘿包』配奶茶、偶然一次都可以吧🤔

肉醬意粉

以前讀書時很喜欢在餐室叫这個意粉食、後來懂得煮食時、久不久都會整嚟食、不過沒有深入研究什麼正宗的方法、而且我不太喜欢做西式食物、因為每次都要買好多調味、配料等等、加上不常常煮西式嘢、一旦煮完又要很久再煮、那些调味或配料就會過期、今次我就是但煮吧🤔

我的下午茶（樂意）

下午走了去商場逛吓、顺便吃個下午茶、今日選擇了個清新的茄蕃軟士配牛角同柚子雞翼、唔錯🤭

自制日式飯糰

今早回眼科醫院覆診、正式確定患了初步的『青光眼』、左眼的眼壓有24度、所以醫生開了青光眼的药水、每天要滴一次、下星期再返去檢查眼的神经線、看看有沒有受損、之後再返去看結果、所以未來的两個星期都要返眼科醫院、现在这類專科無論幾早都超级多人、今天看了三小時（其實等的時間多過睇醫生）！

今晚就是但用飯、黎麥、粟米、午餐肉粒、紫菜、芝麻、BB沙律醬做咗幾個飯糰食就是🤔

蕃茄南瓜鰂魚湯

上次美國回來的網友飲過我这湯、問我怎樣會煲到咁靚顏色、所以今早臨返查经班前煮定、將過程拍低比佢睇、尤於我不懂拍影片、只能拍照及加以文字解釋、希望佢明啦😉

其實冇什麼特別的方法、只需煲湯前略煎吓魚、拎起候用、再煎吓南瓜同蕃茄、加入滾水、再放入煎過之魚、大火滾約30至45分钟便會有这靓靓的顏色🤭

今日的午餐除了湯便有菜心煮鯪魚肉、簡單就是幸福❤️

日式叉燒

月头就比較任性、心血來潮想食『日式叉燒麵』、一早走去超市入貨、買完料發覺重贵過出街食、不過就好有滿足感囉、真係有点黐線🤭🤭🤭

6/5/2023的午、晚餐（魚餐）

今日全日食魚、午餐食三文魚头煲、晚餐食游水黃花、正😅

星期一、全日食魚、三文魚头平過大魚头、一樣用薑葱嚟炆、至於黃花魚就清蒸、加少少菠菜

簡簡單單就是啦😚

云吞雞

今天做了一個云吞雞湯、買只平雞、斬了两個肶留起、其他用嚟做咗個湯底、再放自己包的云吞同小棠菜、都幾似街外賣的吧😅

下午在家太無聊、去了一轉探李太（李氏茗茶）、本來想行吓譽港灣的Mikiki（很多嘢賣）、回头諗吓、無謂「失守」在月头、有些節制好啦😚

多謝李太送給我的桂花🙏

一只雞分配到三户人、都算抵😚

鮑魚雞煲

「月投」手鬆点、落山買咗份生嘅鮑魚$65/6只（原本想用陳皮蒸）、後來改變主意用雞肶、干葱、薑、葱、芫茜嚟煀、又成一道好惹味嘅煲仔菜😅

而家出街好危險、分分钟比人斬死都唔知乜事、有得享受就享受（當然要月投至有得講啦）😂😂😂

云吞麵

網友胡sir介绍了一款近日在本城有售的『方便麵』都幾抵同好食、而且湯包沒有很多味精、今早自己包了些「散尾云吞」、加了半包方便麵、好味😋

我的月头早、午餐

每逢月头、加上今日十分晴天（雖然好Q熱）、但冇令我心情變差、一早係廣場食咗個完美嘅早餐、中午又用肉碎扒碟蒸蛋、蒜茸炒涼瓜、兩匙白飯、心情特别靚😂😂😂