完美版之五仁火腿月

做埋今批應該收爐嘞！明年再玩過。。。。今次出埋個食譜

中式五仁火腿月餅

我真係玩到冇嘢玩，係網到摷le 個食譜，今日又玩吓囉，估唔到又唔錯喎。。。等埋明天回油得唔得先。。。。

迷你冬瓜盎

噚日係超市見到有迷你冬瓜賣，手多多又學人玩吓！

我用瑤柱，冬菇，鲜虾放在瓜的内面嚟燉，所以燉完的湯很清甜。好味。😃

龍舌糖月餅

继噚日的潮式月餅後、今日又再做d西式皮月餅比幾個患有糖尿病但又想食月餅的朋友。。。。其實(我想快d用埋樽龍舌糖漿)就真。。。嘻嘻！

介紹我用这糖漿的朋友話这糖漿唔會令血糖升喎、唔知真定假、整少少滿足吓佢地啦。因而為d皮我分别用固体莱油同橄欖油嚟搓、香就点都差d喇、不過。。。。鬼叫有糖尿咩、可能自己遲d都要囉、唉！

野米焗釀鷓鴣

Le輪整上癮！今日再encore。。。。

噚日浸多咗野米、見又有洋葱同蘑菇剩、所以再用嚟釀多一次、之後拎出飯伴着一起食。

一切都只是存在於虚幻世界中。。。

從FB。。。。copy過嚟的精句！

野米三色炒飯

本來今曰齋期(八月初一)炒咗碟三色素炒飯、但見拎開月餅去大圍比blog友、順便送埋比佢啦！

材料有。。野米、白米飯
其他配料有。。青紅椒、牛油果、松露醬
塩、素調味粉
炒完颜色靚、味道都唔錯添、如果有崧子做裝飾重正呀。

温馨提示。。。野米要预先浸(大概煮飯前2小時)

青边鮑兩食

噚日係街市買咗隻成磅重的青边鲍、今日煲完湯拎嚟燴番、原來都好正喎！

不過拎起幾片、其他又比咗人嚕。。。。

焗釀鷓鴣

今朝買咗隻冰鮮的鷓鴣、又唔想煲湯喎、突發奇想、不如玩吓自創的焗釀鷓鴣啦。。。。

材料

冰鮮鷓鴣一隻……先用日式三宝(清酒、鰹魚汁、味淋)醃約1/2小時

釀料&做法

洋葱、煙肉、芝士、蘑菇(用牛油、盐、炒香)釀入鷓鴣肚内、再用少少老油、牛油搽匀全身、放入焗爐用中大火焗熟、跟飯食。

鮮奶燉白花膠

朋友送咗幾隻白花膠、問過賣花膠的一哥、佢教我用嚟燉鮮奶、話養顏喎！

於是先浸軟身、飛吓水、用兩片薑、加鲜奶燉咗一小時、加少少冰糖！真係好正、睇吓飲完皮膚有冇滑滑先、哈哈。

意式蕃茄白豆煮蜆

今日又懶隋、是但又copy FB過嚟。。。。

烤豬肉干

上次做衰咗。。。今次終於掂咗嘞。。。

甘薯脆皮月餅

為咗朋友食得健康d。。。。我今日特登做咗批甘薯(日本蕃薯餡)的脆皮月餅比朋友！

月餅皮的做法照足亞Sir的奶皇月餅個皮。。。至於個餡就用日本甘薯蒸腍加鮮忌亷搓成、所以比較奶皇健康d囉。

日式三宝焗一字排

懶懶地。。。copy過嚟算數啦！

奶皇月餅

今日再做過一批明天送比朋友！今次買到亞Sir的玫瑰花模、覺得真係靚d喎、我諗再做多幾次一定會有100分的，暫時比住80分先啦。。。哈哈！

芝士葡汁焗扇背

噚日同朋友癲咗一日！今日開工焗番碟芝士葡汁焗扇背(le包係噚日的勝利品、買唔到和牛買番包扇背囉)。。。。

材料:

急凍扇背一包大約10隻

其他材料:

蒜茸、牛油、洋葱碎、葡汁、芝士碎

葡汁的做法:

先將牛油炒吓麵粉、加入黃薑粉少許、边推边加奶(鮮奶)同雞湯……直到成為杰度適中的汁液、熄火候用

做法:

首先用少少油炒香蒜茸同洋葱碎、加入巳煮好之葡汁、舖在巳解凍及吸乾多餘水份之扇背上、再灑上碎芝士、放预熱240之焗爐焗至面焦黄就OK！

胡椒虾煲

過完休魚期、今日買咗幾隻花竹虾、做個胡椒虾煲！

材料

花竹虾八隻……去鬖去腳

黑胡椒粒適量

洋葱絲半個

葱段

調味

雞湯一湯匙
酒一茶匙
盐1/4茶匙

做法

花虾連殼走油、回镬爆香洋葱、黑椒碎、赞酒、湯、蓋蓋焗一陣、熄火、上煲灑入葱段。

鮑魚粒炒飯

噚日食唔晒之青边鮑、今晚加埋做月餅剩低之咸蛋王碎、生莱包剩下的生菜絲、炒左碟好似名貴但實在係厨餘的炒飯。

泰式肉碎生莱包

今日試吓做碟泰式生菜包！

材料……肉碎適量
配料……生莱
調味……泰式seasoning、青檸汁、魚露、椰糖
配料……九層塔、干辣椒、指天椒

做法……將肉碎加蒜茸炒熟……加入調味及配料……用生菜包住食。

兩醋紅炆腩排

今日炆左le碟排骨、無論色香味都齊！

材料……腩排3條(一開三)

醃料……薑汁、古月粉、生粉……走油候用

調味……老抽、陳醋、鎮江醋、椰糖、水

做法……首先將腩排走油後拎起、再落蒜片、加入調味煮滚、回镬腩排、炆至汁液收到杰身、加入少少尾油、熄火上碟。

清燉青边鮑

谷中有朋友仔介紹清燉青边鮑、我見幾健康、又唔駛用老雞火腿咁麻烦、買幾隻試吓囉、果然清甜無比、可惜我落多咗薑、當軀風啦、嘻嘻。。。。

材料:

BB青边鮑數隻、解凍後去腸同用盐、生粉捽吓再洗淨、微微飛吓水

用燉盎放入BB鮑、放數片薑(不要好似我咁多呀)。。。。落一湯匙水、隔水燉(我用高速煲)40分鈡左右、最後用番燉完之汁打獻就OK啦！