2017年8月30日 星期三

2017年8月27日 星期日

又係打風的日子

天鴿走完唔夠一星期、拍卡(咭)又拍門、这两次都咁勁、冲向香港、重要两次都東南、住的那區食正、晚上的風大到好似鬼哭咁!

今朝見風唔太勁(未落八號波嫁)、走一轉街市逛逛、所以都可以食好d。

蒸金古
灼菜心
炸三色蛋
紅燒乳鴿


2017年8月26日 星期六

週末午餐

今日又好似打風、巳經一号風球嘞、希望唔好似天鴿咁勁啦!

先煮碟肥版的碧綠法輪卷(之前係紫來坊素食館吃過的)、再炒碟肉絲炒麵、釀豆卜、葱油餅





2017年8月25日 星期五

麻辣皮蛋酸薑+特式魚旦

原本这小食是昨天做的、可惜買了两隻>太<糖心的皮蛋太糖心、終於用咗來煲粥、今日再接再勵、衰咗再嚟過、做人一樣咋、一日未蓋棺、不能停止再嘗試囉、煮餐嘢都比我講吓大道理。

嘅然用麻辣的紅油拌麵醬嚟捞、唔爭在整多另一種小食。。。。麻辣沙爹魚旦啦。

2017年8月24日 星期四

炒素翅

天鴿一走、全部回復正常、摷雪柜見有包食剩的素翅、加埋少少瑤柱同雞蛋、一於炒碟快、靚、正又簡單的炒素桂花翅啦。


2017年8月22日 星期二

素食日

話咁快又到咗農曆七月初一、这個月係鬼節、網上叫人不要吃雞蛋同豆腐、唔知点解、但我今朝一早巳吃了蛋白治啦。

今日中午要同太后去扮靚、順便同佢去>紫來坊<食素午餐、这間素食館d食物不錯、雖然貴了些。

晚餐就預先煮咗碟芋头素腐皮卷、先炸後蒸、都唔差。




2017年8月20日 星期日

看破

昨天從fb中看到以下这两段文字、正正能發映現時内心的感覺、因為。。。。人老咗、眼晴濛了、但心眼反而清晰不少、富貴如浮雲、最重要就是一直陪伴着自己的親人(更加要珍惜時日無多的日子)!

共勉之!

(以下圖片來自網络)



2017年8月19日 星期六

亞婆瑞士汁乳鴿+雞翼

為咗KO埋d瑞士汁、今朝做隻乳鴿同2隻雞翼啦。

我食乳鴿、太后食雞翼、各有各食。

2017年8月18日 星期五

光波叉燒

近日少做咗叉燒、摷雪柜有两嚿梅头、醃咗半日(只用玫瑰露同叉燒醬)、再用200度的光波每边焗15至18分鈡便OK!

賣相都唔差吧。


2017年8月16日 星期三

久違了的街边咖喱魚旦

自從幾年前無意中同朋友係九龍城見過>沙茶皇<(當時人地係送緊貨)一試難忘、千方百計找到供應商(因為佢地只供應食物館、街舖係冇得賣嫁)、最近知道佢搬咗去黄竹坑工厅、一於好似大媽咁拖車仔去掃貨(真係超搅笑)!

今日又比我係荷蘭街(西環)發現一處有好食的炸魚旦賣、一於又搅搅>亞婆特式街边咖喱魚旦<




平民版琵琶荳腐

今天太趕、做唔到虾膠、唯有做住碟平民版比朋友先啦!

平民版的琵琶荳腐配方如下。。。。

布包荳腐一件
鯪魚肉四両
香芹、芫茜、切碎
蛋一隻

調味

古月粉、麻油、盐、糖、生粉

做法

放湯匙先蒸定型、再炸至金黄色、再回鑊埋獻即可上



2017年8月15日 星期二

沙茶皇肉絲麵包

久不久我就會沙爹上腦、久違了的沙茶皇批發被我發現搬近我住的地方、大手購入10樽、所以未來的日子將會日日沙爹餸嘞。

继今早的炒飯同炒肥牛、今晚又來一客宵夜麵包。。。。就係將牛油bun開边焗香、中心夾入用沙茶皇炒過之洋葱肉絲、非常美味、不過。。。。只可一次、不可常吃呢。


2017年8月14日 星期一

純天然芒果布甸

因前两天買咗两個芒果、本想用來做糯米糍、由於唔記得、但又唔想放得太耐在雪柜、於是加入鮮奶同鲜忌廉打成茸(約500gm)、再混入(10gm魚膠粉+水)、搅匀後放落模雪至成型、跟椰奶進食。



2017年8月13日 星期日

家庭式的油炸鬼

今天從fb中看見一個幾容易做的家庭式油條、雖然第一次做得不甚美觀、但相信做多一两次一定攞到個竅門的。

我今次只是做咗半個份量、相信巳經夠一家數人的早餐。

(食譜來自廚師娛樂專業)

(食譜的份量來自fb)

苦瓜黄豆煲排骨

今日煲咗個清熱解暑的苦瓜黄豆排骨湯、例牌太后又要呃呃騙騙才勉強同我飲半碗、因為有苦瓜的關係、始終冇咁好味。。。。佢零舍麻鬼烦。

材料

苦瓜
黄豆(先浸三小時發大才煲)
排骨头
淡莱

清熱解毒去濕的好湯水、夏天飲佢至正。



2017年8月12日 星期六

>老年人的悲歌<

昨天係fb看到一段貼文關於老年人在安老院的生活。。。。每天都在等。。。。等。。。。等!


其實無論世界任何的地方、人囗老化巳達到嚴重的階段、正所謂上至總統、下至平民百姓、一旦老去、下場亦一樣、分别只係豪華式定凄涼式、孤獨地直至老死、記得兒時的老人比現今的老人幸福少少、世界變得進步、同樣地很多嘢亦改變中、記得細時很少看見護老院、但今時今日自己住緊的一條街竟然有四間、無限唏嘘!

所以寄語還擁有青春的朋友、行樂要及時、因為每一個人都會有这一天。。。。除非?不用多說吧!


溜走的巳經溜走了、抓緊現在的每一天。。。祝福各位>未來的老人<、趁還行得、走得、好好利用双腳、做多一些喜歡的事、因為明天的事没法預計吧!


(圖片來自網络)·

2017年8月11日 星期五

沙田三宝

細時上萬佛寺條路好多街边檔、其中我最愛的是炸虾餅……油糍(即是蘿蔔絲餅)同炸蕃薯。

不過隨着時間的進步、这些懷舊的食物早巳不再存在啦、而且亦没有人識做、我都係從記憶中亂撞一通、只能有幾分似咋。



椰汁香芋雪花糕

今次换咗用魚膠粉同蛋白做的双色椰汁香芋雪花糕、囗感好d、入囗就溶、但要快食、同用粟粉的囗感不同、各有千秋、個人喜好就選擇用魚膠做的那款!

2017年8月9日 星期三

椰香雪花糕

我改良過之簡易版雪花糕都唔錯。

材料有椰漿50ml、鮮奶400ml、糖50gm、粟60gm、椰絲適量。

以上材料搅匀後、慢火推至滑身、立刻放入容器、面上蓋上保鮮紙、凍後放雪柜、之後切件轆過椰絲便OK!


魚香茄子+咖喱魚旦

噚日同太后換完药、本來搭車上中環買六合彩、点知搭錯咗5X、由海傍直去到西環的荷蘭街才有得落、誤打誤撞比我買到唔錯的炸魚旦、一於整番兜咖喱魚旦同煮碟电視學番來的蒸的茄子。。。。魚香茄子做午餐啦。



2017年8月8日 星期二

蒜头豆豉涼瓜炆班塊

今朝買開班骨煲蕃茄湯、比魚檔個亞姐叫我買埋片班肉、又突然想食>半生莱<(苦瓜)、一於炆碟蒜茸荳豉涼瓜炆班塊啦。

苦瓜一個切片、先用盐醃吓飛水候用

班塊用古月粉、塩、生粉先醃再走油(或飛水)

用油爆香蒜头豆豉、贊酒、兜入苦瓜片、加調味(老抽、糖、水)炆片刻、最後放入班片、埋獻便可上碟。



2017年8月6日 星期日

甜品大雜會

Le輪日以继夜的玩甜品、總结不外是芒果居多、之後有百香果爆珠、斑蘭椰汁糕。



2017年8月4日 星期五

皮蛋蚝士粥+泰式濕炒海鮮河

天气炎熱、間唔中食吓煲粥炒粉都唔錯嫁。

今期煲蚝士咸瘦肉皮蛋粥、加多碟泰式濕炒河、正呀。




2017年8月1日 星期二

芒果椰汁糕

誤打誤撞比我係網上摷到個食譜做芒果椰汁糕、賣相唔錯嫁、好唔好食就未知嘞!




真係唔錯

Related Posts Plugin for WordPress, Blogger...