太后的晚餐

今晚>老正<要返學(等咗幾個月的話劇班)終於開得成！

為咗怕印尼妹又比垃圾(懒人餐)太后食、例如咸旦、拍青瓜、咸魚之類(若然今晚中咗六合彩、我一定掃佢返印尼)。

煮咗鴨舌同茄子辣椒蕃茄煮鮫魚仔。

霸王雞。。。之東施版

昨晚為食走咗出北角買。。。福元湯元食、順道去買本網友之新作。。。。。媽媽的招牌莱(3)五味軒著。

今朝買咗半雞做番碟東施版先。

品味人生

昨天晚上、偶然地接觸人生的第一套話劇、事原我參加咗的銀髮一族其中有位同學仔有份參加演出、自問自小缺乏咁有文化的活動。

初初看的第一幕、完全不能理解内容、因為佈景只有枱同凳、什麽也没有、全靠表演者的肢体語言表達出來、經過中場休息、看過場刊、到了第二幕終於融合到内容、到了第三幕(結朿篇)、看罷更感慨萬千、(雖然这幾年自己亦睇會到一生中曾忽略咗唔少美好的回憶、現在還可珍惜到可觸及到的情和事)、不致到咗他日長眠才後悔莫及。

人就往往後知後覺、但願現今的青年人能早日醒覺、珍惜眼前所擁有的、看似老套、但是實的確如此。

亞婆金句。。。。不堪回首話今天！

迷你糯米雞

整完糯米蒸腩排、為咗唔嘥剩低的糯米、唯有又做埋糯米雞送比人啦。

糯米加入調味、糖、盐、雞粉蒸熟

餡料有。。。雞肉、叉燒、冬菇、干葱蒜

調味有。。。蚝油、糖、生抽、老抽、生粉水

全部煮好候凍、再用飛過水之荷葉包好再蒸多十五分鈡便OK。

今次無論飯同饀都好滿意、可惜只能吃一只！

糯米蒸腩排

今朝好凍、本來約好咗同太后去長洲走一轉、因天氣番風、故此又要延期啦。

試吓用糯米蒸腩排、果然係唔錯的選擇。

材料

腩排
巳浸過之糯米

醃肉調味有。。。塩、古月粉、糖、生抽、生粉

做法

適量巳浸過之糯米捞入巳調味之腩排、排在碟中蒸熟(不要重叠肉、否則難熟)

蒸熟後捞入蒜茸、红椒絲、再灑入葱粒就是。

Late Dinner

今日有点事要辦、所以遲咗返屋企吃飯、不過巳準備好太后的晚餐、自己的回家才吃吧。

太后的晚餐係栗子炆雞同梳欏魚節瓜湯。。。。而自己的係蒸游水沙鯭魚、湯(同太后一樣)。

清清地、唔錯嫁。

專業的出品

全靠这張相、又多一次發吓上鏡萝、继上次雜誌相之後、又有拍短片的机會、唔駛咁快腦退化巳經好感恩！

新潮糖環

曾經停產两年的新潮糖環又番來嘞、因為之前揾唔到個模。。。。唔知真定假(可能自己記錯)。。。两年前賣49的模、今次竟然係128。

泰式沙律

我好耐冇做这沙律、今天手痕痕又做番碟。

其實個精萃在個汁、配料可自由配搭、可用台湾巴樂、青木瓜、泰國芒果、金柚、花生、甚至加入虾亦可。

我今次只用泰國青芒同金柚

汁料有。。。。魚露、青檸、椰糖、水、蒜茸、指天椒、泰國雞醬

亞婆。。。。整牙日記

由細至大我冇有怕、只怕牙醫、今早一直拖咗好耐要整的大牙、最終都要修理、其實一坐在牙醫的凳上我的心律巳不正、那種感覺比遇見初戀情人還跳得快、當牙醫車細我的牙時、張大個口完全好似停止呼吸一樣。。。。。那種感覺並不是誇張、真的如此！

所以我若不是冇得選擇的話、我係一定唔會去睇牙醫的、莫話諾咁貴、唔駛錢都唔會囉。

本來我還要剝牙的、但我最終都要改下一次再去。

整牙。。。。。真係我的死穴！

虾醬肉青蒸茄子

請選擇。。。。。估吓边碟係正版？

昨晚朋友請食飯、係海怡的北園、其中一碟係蒸茄子、今朝臨出去同太后覆診、做番碟A貨交功課。

不過。。。。估中冇獎嫁。。。。哈哈！

亞婆两餸車仔麵

車仔麵遠在我小學時巳經好流行、重記得學校門囗有檔麵、亞伯同亞婆两位老人家主理、一個麵餅、蘿蔔、水魷、依悕記得好似三毫子、每日例必幫襯、那湯底好似用大地魚煲的。

今天自己巳進入亞婆系列、点都做做番次。。。亞婆車仔麵之A貨版、(當然係冇大地魚湯啦)

今次係蘿蔔+水魷。。。蘿蔔用雞湯先煮淋、加入用蚝油煮過之水魷、最後混合煮吓就OK！

免治豬/牛肉

好耐冇做過肉醬、今日做番次簡易版。

免治豬肉同牛肉各一碗

其他配料

西芹、洋葱、紅蘿蔔、蕃茄
以上全部切細粒
香葉

調味

黑椒、茄膏、茄汁、雞湯(豬肉碎)、牛清湯(牛肉碎)

盐、糖、水

青豆飛水後下

先爆香配料、加入豬肉碎、香葉、炒熟後加入調味、水煮到汁液收剩少少、最後加入青豆煮片刻。

牛肉的做法亦一樣。

荷蘭紫薯仔栗子炆雞

平時薯仔炆雞就食得多、紫色蕃薯就見過、但紫色薯仔真係第一次、可能係大鄉里呢！

今日來一碟cross over。。。。紫薯仔加栗子炆雞、睇吓又点先？

做法同平時一樣、爆完雞(巳醃過)、加入紫薯仔同栗子、水、炆至腍及收汁、加少許調味(蚝油、糖)便可上碟。

打边爐

昨晚有位朋友請我去大角咀一間食店打边爐、舖仔細細但食物新鮮、很好食、首次食>水母<其實囗感似海哲、十分感激、引用一句。。。。苦中一点甜(並不是别人請食飯而咁講、係覺得一個認識不深的朋友尚且如此、其他。。。。不用多說吧！

这十多年見盡世態炎涼、老套地講一句。。。窮在路边無人問、富在深山有遠親、(當然不可一概而論)

值得再去的食店

堅辣火鍋
大角咀
鐵樹街

4号地下

Tel:62204377

忙碌的星期三

今日來來回回由屋企去瑪丽、瑪丽返屋企、又再去瑪丽拎药、全日就係咁過咗。。。。因為印姐排到期驗佢唔正常之血壓、費事佢聽到一支半解、唯有做埋佢亞四。。。陪診囉、重要麻煩個親戚幫手看住太后！明天自己又要做物治療、这星期真係忙到甩轆。

加埋如果唔係两蚊飛、真係死都唔掂。

唉！都唔知点解條命咁苦嘅？

冷盤。。。雞絲篙筍

很耐冇做過冷盤、今天做碟食吓啦。

材料

篙筍、去皮(見青)切幼條
紅蘿蔔去皮切幼條
雞胸肉(加調味)烚熟撕條

篙筍用盐、醋醃過、冲洗(用凍熟水)後、隔去水份、加入雞絲捞匀、加入調味(塩、糖、麻油)放入碟、灑上炒過芝麻、炸蒜做裝飾。

長者中心檢查日

排了四五個月的期終於排到今天檢查、空肚抽血又照心电圖、醫生檢查時發現頸部有粒嘢、所以安排三月中照吓、是但啦、只要唔辛苦、就算係cancer都冇所謂、一d都唔担心、担心亦冇用。

檢查完行經譚臣道有間叫滿滿的茶餐廳叫做個海南雞套餐、雞做得好滑、但油飯就假咗d、不算太差吧！

雞翼尖两吃

一半做B仔雞翼尖、一半蒜茸辣椒爆、又經濟又好食、两磅都係23蚊、若然不是舖租貴、真係做檔車仔麵呀。。。。哈哈、講吓笑咋、都個头近啦！

(B仔雞翼尖)翼尖

魚肉餃子

自從食過山東朋友媽咪的魚肉餃子、很難忘記、要食只有自己搓皮同包、不過我这東施只有五成功夫、好過冇得食。

饀料用鮫魚肉、蛋、津白、唐芹。半桶水係咁啦！

但搓得d皮厚過自己的臉皮。。。。嘻嘻！

元霄湯圓

今天是正月十五、做咗d大吉大利湯圓應吓節、尤於自己整的用糯米粉同芝麻餡、另外買開用藕粉做的香芋比太后食、费事佢唔消化啦。

糯米飯燒焗乳鴿

前日做完炒糯米飯、見有飯剩、來一客釀乳鴿、先蒸半熟、再淋上曰式三宝(鰹魚汁、味淋、清酒)、再放入光波焗香便OK。

自家鮫魚肉釀豆卜

昨天買咗两條鮫魚打魚旦、今天用嚟釀豆卜、釀完之後蒸熟、再用蚝油打獻。

(假)生炒糯米飯

而家周街都係用这方去炒啦、边有咁好心机慢慢炒、一來容易生米、米易碎、又冇咁好手力。

方法係先浸米、冲去膠質、加入瑤柱、冬菇、盐、油蒸熟糯米、再加巳炒咗之臘腸、虾米、調味、老抽兜匀、加入芫茜葱就搅掂。

士多啤梨雞球

昨晚買咗盒至愛。。。。福岡的士多啤梨、食唔晒、所以今日買雞肶起肉、炸完用甜酸汁同士多啤梨片做碟雞球！

好好味。

咖喱三宝

太后就中咗>新年利是毒<、我就中咗咖喱毒！嘻嘻。

啱啱比我摷到樽以前買落的沙爹皇、所以又做番碟咖喱三宝啦。

材料

魷魚、豬皮、炸魚旦

咖喱三宝(甜醬、沙爹皇、咖喱粉)用紹兴酒開匀

調味

生抽、老抽、糖

料头

蒜茸、乾葱茸、红椒

做法

鱿魚、豬皮、炸魚蛋用薑葱飛水、再用油爆香料头同咖喱三宝、加水煮至入味再下調味、之後用生粉加埋獻(但不要煮太耐、否则太諗唔好食、这小食主要係浸)。

印度咖喱角(Samosa)

印度食物中我最喜歡食这小食、噚日上網摷食譜、做完唔多滿意、今天继續試、終於做出比較滿意的効果、但造型就唔多滿意、形需努力。

特式小食

早前係fb見到这小食、今朝煎少少試吓。。。蘿蔔煎薄撐！

有白、红蘿蔔絲、虾米、葱粒、芫茜、麵粉、生粉、水。

涼瓜炒肉眼根

又再試新做法。。。。。今次係豉椒涼瓜炒肉眼根！

長試長有。。。。。

立春隨想

勞勞碌碌的一年又過去了！今天是立春、正式同猴年告别、進入金雞年嘞、雖然今年预計困難重重、但希望人定勝天、只要信心堅定、一定會走出困景。

近日太后又毒㽼(新年毒)、每日疲於應付每天的答問遊戲、例如巳比利是了各人、巳過了年、巳换了新花(神台上的裝飾)、等等。。。。。每天重覆不下數十次、希望今次的毒㽼隨着立春很快地過去吧。

印姐一如嘅往並没有改善工作態度、一有机會就不斷打另一個工人小報告、人前人後两種態度、因佢明知炒佢唔到、總知若比我發現佢有何失職、天皇都冇面比！

(圖片來自網絡)

菠蘿小蛋糕

無聊下之小小蛋糕、食譜在google的食譜中找到的、都Ok、唔甜、下午茶首選。

材料

1.低粉110gm

2.蛋2只
糖90gm
一片罐头菠蘿
菠蘿水10gm
(先用搅拌机打過)

3.牛油溶液约70gm

(以上份量大约可做到10個)

做法

將低粉篩入(2)、加入(3)、搅匀後放入小杯仔、再放一小塊菠蘿、焗约15分鈡、再搽少許蜜糖、焗多3至4分鈡便OK。

西芹炒肉眼根

有網友<華師伯>唔知肉眼根係点樣、我今天用西芹炒埋剩低的肉眼根、順便post未切之前的樣子給他看、咁一定唔會買錯啦。

>肉眼根之两面睇<

翠肉瓜炒肉眼根

肉眼根(豬扒後面那塊根)除咗可以打边爐、蒸虾醬、攞嚟炒西芹、或其他莱都好正。

今次用翠肉瓜、加入少少云耳、炒成一碟都唔錯。

本來用XO醬炒的、但刚好用完、只加入蚝油就算啦、効果都唔錯吧！

大吉大利

假期結束了、各行各業紛紛開市、等我學人整吓大吉大利(湯圓)先。

由於未試過咁整、所以今次先試吓包入椰糖做饀、睇嚟賣相都唔錯噃！