新玩具

睇中咗好耐、想夾d自制饀嚟做飛碟。

今日開張比亞媽駛吓先。。。。

午餐

今日亞媽d药又唔work。。。又跳掣、成朝話年初一！

好啦。。。炒碟干炒牛河佢做午餐……自己就食魚湯米粉。

蘿蔔煮黄花仔

每逢九月後白蘿蔔開始靚、所以今晚煮餐蘿蔔煮魚食吓先！

買咗五條細黄花魚、煎香後加入煮腍之白蘿蔔炆多一陣便上碟。

送飯一流、可惜今晚唔記得買香芹。

奉獻

人的心其實很細。。。。。有人將他/她的一生奉獻給主、天父、家庭、另一半、或子女。。。。而我。。。就給了我的母親。一個曾經令我痛苦大半生的人、亦是我的明灯。一個令我開竅、明白到真正令自己放下的並不是神、醫生或任何人。。。。。始終是自己的心、若心結難除、將會步她的後麈、鬱鬱而終。

現在的我。。。發覺自己的心对任何事都無欲無求、但求剩下的日子身体健康能自理、安渡餘生就是。

婆婆金句。。。。只許人負我、不作我負人！

花生眉豆雞脚湯

今日因為要陪太后去物理治療、(而家要親自監場、唔再信個工人)。

去完順便同佢去打流感针、例牌去飲茶又係唔好食啦(不過佢行唔到又唔肯坐輪椅、冇選擇、只可選擇最近醫務所)

今晚只飲一碗今朝臨出街前煲落的花生眉豆雞腳湯、同陳醋云耳。

太后全日餐之。。。。(2)

今日又安排咗買定太后之全日餐、得印姐煮。。。。

有。。。。

南乳蓮藕炆花生
西洋莱滚魚球湯
冬菇發菜炆竹笙
虾醬通莱
蒸臘鴨肶
韓式煎餅
炸莱蒸牛肉
咸雞

等佢地点安排边餐食乜都好啦！

韓式煎餅

早前係韓國街買咗包煎餅粉、今朝玩吓韓風先。。。。。

材料

韓式煎餅粉一杯
冰水3/4杯
盐少許

配料

KIMCHI/ 魷魚去衣飛水切圈/ 大葱
蛋

捞完用煎pan煎就Ok

太后全日餐

安排好佢今天的午餐同晚餐。。。。

蒸釀荳腐
瑞士雞翼
鮮竹炆腩排
灼莱心
煎魚
燉湯

但唔知開大定細！估佢唔到、太后未必吼、因為佢最鈡意撐对枱的。

碟头飯之。。。。鮮茄虾仁飯

今日要同亞媽睇老人科、所以冇時間搅搅貢、是是但但做碟quick dinner！

蕃茄2隻
虾仁適量
茄汁、糖、水、生粉獻

白飯

葱油健康雞

近日發現咗隻冇油健康走地雞！

食過两次、一次煲湯、今次做葱油雞。

檔主話le隻雞最佳坐月用喎、不過唔好的地方就是皮白、骨硬、賣相唔靚、但有雞味。一百以下的冰鮮雞食得過。

咖喱薯仔批

我今日做幾個咖喱批食吓、街市亞姐十蚊賣咗好多隻去晒皮的意大利薯仔我、因為佢交貨整多咗喎！

幾好食嫁。

材料

薯仔去皮切粒用咖喱醬同椰汁煮腍。

批皮

麵粉300gm
糖粉50gm
蛋一只
另蛋黄一只搽面
牛油150gm

以上搓成粉糰、再按入撻模、放入饀、再放入另一片轆好之批皮、搽上蛋黄再用牙簽劃花、用光波180度焗约12分鈡便可。

太后再次出巡。。。西苑午餐

自從西苑由第一期搬到第二期的Lee Garden後從未去過、今次為咗方便亞媽行唔到、明知贵都去、但又真係估唔到贵咗但唔好食囉、三條友食咗四樣嘢六百蚊、重要比太后話唔好食添、吹脹！

咁事實上又真係好差、左鄰右李好過佢多多声。

咖喱雞烏冬

好耐冇食咖喱雞、今日買咗半边雞比亞媽、拎起一半自己做咖喱。唔想跟飯、試吓今次跟烏冬。。。。。

咖喱雞

咖喱酱、le款馬來咖喱超好味、我食咗好多年、乜都唔駛加、煮好若喜歡加少許椰汁便可。

凉伴篙笋

唉！亞媽個腦退化又嚴重咗、淨今朝巳打咗over十次以上电話比我(其實原本係揾我細佬的、我叫印姐將电話轉比我)！之唔係又是同一個問题。。。。。明天年初一、要封利是囉。我拎完錢同利是比佢睇、唔駛十分鈡又做同一動作、咁搅法遲早自己都變埋腦退化咯。。。。唉！

閒話少說。。。。做番碟冷盤比佢食先！

汁

陳醋、糖、水、麻油、蒜茸

篙笋去皮、切片、用凍滚水洗淨隔去水份、雪凍、食時才加入汁捞匀

泰式豬頸肉

好一段日子冇整泰式豬頸肉、今朝又玩吓先、le次用咗個懒人版、方便冇焗爐的家庭！

材料

豬頸肉一塊

醃料

香茅拍扁切碎
青檸汁
魚露
椰糖碎
少少老抽

汁

青檸汁/椰糖/水/魚露/紅椒粒/蒜茸

做法

首先醃肉一小時、最好用叉叉吓方便入味、之後蒸至半熟(但不可太耐、否则d肉會腍晒)……之後用镬再煎至焦焦地、凍後切片跟汁上。

明太子帶子炒西芹

為咗d血糖、我盡量一日只吃一餐白米、所以今晚只食餸！

材料

帶子
明太子
西芹

做法

帶子用古月粉、雞粉、生粉先捞後飛水

用油加蒜片先炒西芹、回鑊帶子、贊酒、調味、薄獻、熄火前加入明太子。

薯仔炆飛排

今日又搅唔掂太后去打流感針同洗头、分分鈡改變主意、真比佢玩残！日日升。。。。d血壓、係銀行d存款就好囉！

噚日買咗d飛排、今朝用两個薯仔炆咗就算。

材料
薯仔去皮切角走吓油。。。。唔會炆爛

醃料

鼓油、老抽、糖、生粉

其他調味

蚝油

先用蒜片加油爆飛排、加入巳走油之薯仔、蚝油、水(just蓋過肉面)炆至淋及水收淨少少便OK。

一姐焗豬扒飯

今日又做一姐焗猪扒飯！

用隔夜方包雪硬打碎做麵包糠、豬扒炸得特别鬆。。。。。。

自己食咗一小碟、其他又做聖誕老人囉。

加多碗燉比亞媽的蟲草花鲍魚雞湯、le個晚餐好豐富呀。

B仔雞翼尖

好耐冇整le味小食、今日手痕痕整d比朋友先。。。。

材料

雞翼尖一磅

指天椒、蒜茸、杞子

糖、盐、酒、雞粉、紹酒、水

雞翼尖先解凍、後飛水、拎起候用。

用油先爆吓指天椒、蒜茸、讚酒、落水、滚起後加入其他、放入雞翼尖、煮約10分钟、熄火浸至入味便可。

这做法可轉雞翼。

焦了的。。。。鎮江骨

今朝買咗d腩排、一心諗住煮镇江骨、鬼知掛住打机打到懵鬼咗、焦咗添！好彩後尾都救番、冇咁肉酸咋。

材料

腩排

醃料

镇江醋、陳醋、茄汁、老抽

腩排加古月粉同蛋白、生粉先炸、再加以上醃料、冰糖、水、炆至汁液收乾。

蜜瓜果凍

噚日去油麻地買云吞、順便去果欄巡吓、比我買咗個北海道蜜瓜同埋四杯蜜瓜果凍。

個蜜瓜好好食、估唔到個果凍重好食添！

栗子湯

今日煲咗個栗子湯！

材料有。。。。

栗子、准山、恣實、蓮子、果皮、豬骨

好正。。。。。yummy！

白汁海鮮飯

又係用剩低海鮮批d料做咗碟白汁海鮮飯做晚餐。。。。

白汁
自家搅的。。。麵粉炒牛油、加鮮奶、雞湯

海鮮係魚肉同虾。。。用白酒先煮過
加咗洋葱同紅蘿蔔、蛋黄。。。所以個汁黄色多一点。

明太子帶子炒飯

死人印尼妹又同我玩嘢！好呀、同我鬥真係未死過、一於唔比妳出街、連買餸我都買埋、就等妳做看更、淨係对住亞媽、睇吓边個死囉、le幾年自由慣、自出自入無王管、突然變坐監咁都幾係嫁。叫佢東、佢就西。。。。所以今日買咗魚腸等佢洗餐死都好嫁！

我焗咗边盐焗雞比亞媽做lunch、自己就炒咗碟明太子炒飯食、晏d煲咗清補凉糖水比亞媽下午茶。

亞四工作日

今日個八婆印姐放假、例牌又要應酬太后啦。。。。。
午餐食蒸魚、莱心、蒸水蛋、湯。。。。

晚餐食蒸黄脚立、瑞士汁雞脚、和牛煮苦瓜、同今朝的湯。。。。合掌瓜紅蘿白粟米煲印度椰子。

海鮮批

今朝買咗隻蟹、半斤虾、一片龍肉、煮咗個白汁、一於整番幾個海鮮批。

材料
批皮

低粉300gm
糖粉60gm
蛋一隻
牛油150gm

饀

白汁
麵粉加牛油炒麵捞、加湯、鮮奶煮成白汁

捞入巳炒過之海鮮粒

放光波180度焗约12分钟。