蒜茸黑椒「一口牛」意粉

下午落咗去土瓜湾買「一口牛」、今晚試用蒜茸牛油醬煮意粉、配烚西蘭花、同埋用蒜茸黑椒煎香「一口牛」、係唔錯的ㄧ碟簡易西式晚餐😄

💞💞💞

自制叉燒蛋飯

本來昨日飲完茶好飽，諗住唔食晚餐，但又怕半夜肚餓，所以最後都焗咗少少叉燒再加隻荷蛋送兩匙白飯。

我用冰鲜梅头做，質感都唔錯。

抵食下午茶在太湖

今日约咗位很多年沒見面的朋友在銅鑼湾太湖飲茶，原來長者免茶费，我們三人吃了多碟点心連加一都唔駛＄150（朋友請)°

最喜歡蒸芋头糕同羗汁糕。

Oct.29.2020的午餐&晚餐

而家越嚟越懒、一次過煮埋午餐同晚餐😊

今早食粉絲虾煲

今晚就食陳皮炆乳鴿（这是一個好好送飯的餸菜、好耐以前跟有位烹飪導師學的）、方法都好簡單、只要陳皮切絲、跟蒜茸辣椒爆香乳鴿（切件）、用炆的方法炆到杰身便ok👇

免搓甜餐包仔

昨天買咗隻日本麵粉、今日試做幾隻免搓嘅甜餐包仔、好成功、做完有一絲絲的質感、好正呢！

我的配方如下：

日本強力麵粉250gm

酵母5gm

糖15gm

蛋1只

奶適量（用部份開匀酵母）

軟牛油15gm

以上開匀成粉糰、等發酵發大两倍、分割成9份、做型、再發酵第二次、預熱焗爐150至160度左右、焗约12分钟

真係好好味同軟熟😊

Home Made风梨酥

巳經幾年沒有做過风梨酥、昨天買咗半個风梨、煮咗风梨餡、手痕痕上網摷下個皮点做、比我發現有位網友的食譜唔錯：「從玲開始」

個皮我跟足（大概可做到17至18個左右）

牛油（軟身）140克、麵粉280克、糖粉47克、奶粉23克、梳打2克、蛋47克、牛奶20至23毫升

以上搓成粉糰、分割每份大約30克、包入大約10克风梨餡、放入模、預熱焗爐150度焗约10分钟至12分钟😘

魚香茄子

很久沒有煮这個餸、雪柜有少許肉眼（本來用梅头肉會好食d）！

我現時用的方法是不用走油、只先用白鑊炒過茄子、加入蒜茸、红椒、同飛過水之肉碎、加入巳調好味之（荳板醬、老抽、蚝油、糖）汁料、兜匀後、赞酒、加入水煮至汁收乾、熄火、加入陳醋、葱花便可上碟🤤

瑤柱蛋白炒飯

平時係酒樓炒碟咁嘅飯，起碼都八九十蚊，但自己炒就十蚊都唔駛。所以話啫，若然家煮飯，除咗健康d之外，還慳唔少呢!

『梗有一間係左近』

以前有人常用以上的一句說話來形容「711便利店」、我就套用这句話來形容自己現時的身体狀况😢

自從十多年前開始食同病有関的药後、每年總會遞加上去（如果銀行存款咁就好咯）🤔

有朋友曾經問過我、咁多药當中、有沒有食抗抑鬱药、我講「沒有」、因為曾經有段時間醫生建議過我食微量的、但遭我拒絕、我說會用意志去開解自己、因為本身巳食六至七粒的一天、並不想好似先父咁、每天食成三十粒、實在太恐怖！

亦有朋友問過、自妳母親死後、妳有沒有由天堂跌落地獄的感覺、我答：我只會感覺由天堂跌落「凡間」啫、如此說來是否令人開心d呢?

反正現時自己都朝着「夕陽之路」慢步中、何必理會是天堂定地獄呢？而且現時世界的大趨世、誰人上天堂、誰人入地獄、都是未知之數吧🤦

（圖片來自網络）

帶子菜粒煎米粉

前两日在超市買咗包平價細帶子、今晚用剩低的红蘿蔔翠玉瓜（切粒）、煎咗碟米粉做晚餐！

瑤柱扒煎釀豆腐

原来那些青島貝是要放冰柜格的、今早開雪柜時見那包青島貝有少許發霉（平時只放在雪柜門边）😢

立刻洗完再飛水、之後放回冰格上、為了快些食埋佢、所以用了部份嚟扒煎釀豆腐！

Ready made 食物

最近發覺越來越多凍肉公司開在不同的地區、与此同時更出售很多中西式的湯包及ready made餸菜包🤔

相信这將會是香港未來的飲食大趨勢、原因很簡單、現時新鮮肉類不單止越來越貴、一斤豬肉起碼都百多元以上、加上失業高企、運輸又難進口、若太多人失業的話、又怎能請得起外佣呢？所以新興行業將會是出售現成的湯包或餸包、當然以我的要求、就一定不會試的、不過我今次破例試吓西式的湯包（西蘭花蜆肉湯）、就覺得好「鞋口」嘞🤦

海魚:黃花仔

可能以前住近漁港，比較喜歡食海魚。

上星期係鴨脷洲食過海黄花仔後，念念不忘，今早見土瓜湾街市賣＄5／両，買咗六條＄70，唔知是否心理作用，好似鴨脷洲那些好味d咁。

再用咗昨天的美國肥牛片炒脆肉瓜同红蘿蔔，果然d靚牛肉特別好食

。

肥牛露筍卷

前两天買咗一磅美國肥牛片、而家急凍肉都唔平、佢話（店員）係顶级喎、要$150一磅、不過幾多雪花嘅😊

煮完試咗一嚿又真係比平時食開的冇渣、雖然沒有日本或韓國的好食、但都唔差👇

午餐（Nov.22.2020)

今日食肉碎扒豆腐，灼鲜露筍，两湯匙白飯。

每碟少少的巳經很飽啦，而家我少食多餐。

賤物鬥窮人之:迷你乳鸽

近日見各凍肉公司有一包五隻的乳鵨賣，都只係$100 ，故此人買我又買，昨天拎咗冰柜的瑞士汁嚟浸乳鸽，先做了三隻，自己食一隻，其他两隻给了鄰居。

😋😋😋

全魚晚餐

今日悶悶地走咗入鴨脷洲買魚，40蚊買咗兜牛鰍魚仔，有成11條（重劏好晒添)超抵呢，用咗蕃茄嚟滚，十分甜同好味。

另外80蚊買咗4條（魚檔亞姐話野生喎)黄花仔，今晚蒸咗两條。

自從有了P圖的世界

豬扒都可以變美女，唔知遲d變成点，趁今日穿咗件靚T恤，學人P吓圖，做一次美女吧🥰

從一碗愛心湯說起

今天從醫院回家後，在廚房中看到一碗鄰居留比我的愛心湯(土茯靈，牛大力煲粉葛)感到窩心。

雖然今次覆診還未知结果(奇怪地上次入院的电腦素描還未有報告，原因是沒人做嘢喎，心照啦)，又比醫生再安排一次的超声波素描個腎，所以未來的四個月都要不停往返醫院做檢查(忐忑的心情可想像到)。身体的情况若然真的發生事故，要發生的可能巳有定數，問题是若能早些有答案就不用心掛掛吧！

現在就算身体有什麽的問题我都會用平常心去看待，太后不在了，我還有什麽放不低呢？嘅然孑然一身，總要接受上天的任何安排，能夠活到这一天，巳足願矣。

冷冷清清的中環

曾經是行人如鯽

的中環，不是什麽時候變到如此的静。今天因要返醫院覆診，所以乘搭109在中環置地轉車，估不到巧遇这冷清清的街道，真令人感到唏嘘。

糯米釀雞翼＆咖喱雞碟头飯

噚日係凍肉公司買咗包雞翼，店員講係泰國冇雌激素的。

上次留起少量糯米飯，所以雞搥用來煮咖喱雞，雞中翼去骨做糯米釀雞翼，當然急凍雞係冇本地冰鮮雞咁好食，反正做完送比鄰居就經濟一点就是啦。

青红蘿蔔湯

以前甚少煲这湯，因為太后不喜歡飲，今日突然抽起條根，可惜買錯骨，煲完d湯十分肥油，睇嚟都要買番個隔油壺咯。

新菜式：肥牛薯仔卷

原食譜是用豬腩片捲着薯仔條撲少少粉煎香、但我家中只有肥牛、所以改動少少、用牛代替豬腩片😂

预先教定個汁：我用味淋、老抽、糖、茄汁、水、煎香後加入煮到汁收乾、上碟後灑入芝麻便ok!

釀荳卜

昨天買的荳卜剩低一半（$9蚊四兩都好多）！

今天用免治豬肉釀入開边的荳卜中、蒸好後再打個薄薄的蚝油獻淋上面、又是一味好送飯的家庭餸👏👏👏

素釀茄子

之前在素食超市買咗罐素tuna魚，今朝試吓用沙律醬捞勻，釀入茄子圈中，焗完後灑上芝麻同七味粉，十分惹味。

肉片煮冬瓜荳卜

今日落土瓜湾買餸。

晚餐係肉片煮冬瓜荳卜，这是一味好清但又好好送飯的家庭餸

。

煲粥炒麵的晚餐

今日整天肚痛，都唔知搅乜鬼，可能下星期返醫院覆診再照膀胱，看看還有沒有「宝石」，心情緊張卦。

今早煲咗咸瘦肉蚝士瑶柱粥，食唔晒留起一碗今晚，再炒碟肥牛椰莱印尼甜豉油麵。

歲月是把「殺豬刀」

今天在臉書上學了这句金句:不論你是天皇巨星，達官贵人，還是普通人，歲月的無情，往往將人的容貌，青春，扼殺得体無完膚。圖中的我，如冇記錯的話是我的最開心歲月，當年應該是23歲，刚由英國回港的第二年。🥰🥰🥰

咸雞魚湯米線

今晚雪柜重有半边咸雞、用剩低的魚湯煮碗米線食就算🤤

(半）生炒糯米飯

我今日胆生毛（因骨痛大忌）、前两天見雀后做咗、忍唔住炒番碟（實在太钟意食）、炒完吃了两口、其他就比晒人🤤

点解我叫（半）生炒呢？因為我浸完糯米、蒸好後再沖洗晒糯米的膠質、再加入巳蒸過之料边炒边灑入少量上湯、最後才加入調味（老抽、蚝油、塩、生抽）上碟後裝飾完便可進食👏👏👏

8号風球下的午餐

好多年冇在十月後掛風球嘞。

原本今日要返瑪丽覆診甲狀腺，而家都唔知点算，等下咗風球再打电話返醫院問吓先!

見好耐冇食過虾醬炆豬肉，拎咗嚿爽肉嚟炆，顺便ko埋樽虾醬。

再用節瓜炆埋少少雞，今晚就唔駛再煮啦。另外有位鄰居送咗碗花膠冬菇湯比我飲，好味呀。

蒸魚晚餐

平時我好少食紅衫魚、因為覺得腥、不過今次買咗一斤釣口的紅衫仔滚湯、$56/斤、有11條、我拎咗9條滚蕃茄薯仔、留起3條蒸嚟食、估唔到又唔腥噃、而且好鮮味添！

三文魚腩粒（飯素）炒飯

今早刚刚冇晒麵包、但又要食药、所以煮了碗飯、用留起的三文魚腩边（切粒）、炒碗飯、一半做早餐、另一半做三点三的茶点🤣

同時加了日式飯素、睇嚟靚d ！

星期日的晚餐

今晚除咗用埋早兩日剩低的餡料（粟米，馬蹄，肉碎，枸杞)包了幾隻廣東云吞做晚餐之外，同時做了碟涼拌菠菜苗。

盐焗三文魚腩边

前两日買咗包挪威嘅三文魚腩边，試吓學人在焗爐焗嚟食吓，点知諗住三文魚油多，冇在錫纸上噴油，焗完d皮黏實晒，變咗甩皮魚🤣🤣🤣

棉花雞&魚腐煮翠玉瓜

以前去酒楼飲茶時，一定會叫碟棉花雞食的。

今天憑我記憶中大概的做法，試吓整碟做午餐，看看是否有相同的味道。

同場加映:魚腐煮翠玉瓜（魚腐是買的，不知是用什麽做，但好好味，又係＄10包,好好味)😀

粟米馬蹄枸杞餃

今日見剩低少少枸杞，開些麵粉做十幾隻餃子食吓先，我喜歡自己搓皮就是食幾多搓幾多，不用浪费。

枸杞豬肉豬肝粥

平時我們多數用來滚湯的枸杞、今日用嚟煲粥、又是另一番食法、我家的做法不論滚湯或煲粥、都會用枸杞的莖先煲水、之後隔渣用那些水滾湯或煲粥☺️

今天除了食粥之外、還買咗包超市的燒鴨同白切雞、食唔晒留番今晚煮米粉食🤣🤣🤣

柚皮的回憶

 

自從太后走之後我巳經很久沒有食過柚皮了！

以前每年中秋之後（柚子大造）、太后由當初自己煮至後期傳授咗比印姐的做法、每年我們都食好多次柚皮、於於工序太繁複、我自己就比較少整、刚好我同層有位九十多歲的老鄰居贈送了碟给我品嚐、萬分感激、雖然佢嘅做法完全同太后的做法不一樣、但对於我來講能食到類似的柚皮、亦十分感到開心🙏

我家的做法首先將柚皮（青色）的部份除去、浸水一至兩天、期間要不停楂乾及換水（目的是去苦澀味）、之後出水、再用煮好之魚湯（我通常用鯪魚煮成奶白色的湯）、再燴至柚皮吸晒魚湯的味、再加入鯪魚球煮成完美的柚皮、當年太后煮是用豬油、後期印姐改用花生油去煮、感覺上比較健康d☺️

在太后最後的歲月中、我常在（巳結業）的永華麵家買回家中給她品嚐（因為夠腍）、所以柚皮对我而言、不但是回憶、亦是对太后的思念🤔

白汁蟹肉芝士焗飯

之前買落嘅急凍蟹肉(麻麻地)，為咗快快脆消滅埋佢，所以今早自己推咗個白汁，再用芝士碎焗咗碟隔夜炒飯。

平，靚，正的虾餃

前幾天從土瓜湾的一間凍肉公司（買魚肚）以特價$10買咗包虾餃用來煮粉麵食。

估唔到有意外的驚喜，昨晚煮了碗湯米，刚刚又煮了半個公仔麵，總括嚟講，覺得以咁嘅價錢，真係食得過呢。

整包一共有15粒。

我的座右銘

（圖片取自網络）

曾幾何時我常活在憤怒中、不過時間能冲洗一切、包括憤怒、記憶、甚至欢樂！

諗深一層、人若活着在過去的日子中、往往整個人生停頓不前、亦於事無補、况且、路將盡、盼望抹去一切的恩怨情仇、快快樂樂地渡餘生☺️