三聖邨海鮮聚會

尤於上次突然病咗、無緣跟朋友去青山湾附近的三聖邨食海鮮！今次有blog友又安排去多次、我一於死跟啦、大鄉里出城、一早去搭962X由摩顿台開出的巴士、估唔到都係(全程)大約一小時左右、都算幾順利、但一路車程中、完全感到時代的變遷(就好似我頭髮一樣、由烏黑的秀髮变成花白)……面目全非、心目中的青山湾巳變到完全陌生啦。。。。好傷感！還好有餐美味的海鮮。。。。中和吓我的傷心吧！

富貴拉麵

今日要去希慎中心地庫買帶子、順便食咗碗海鮮拉麵、真係唔錯嫁、不過就貴咗少少、成嚿水、真係食完有dd肉痛添！嘻嘻。

大雜會炆海參

前幾日摷雪柜又比我摷到宝、竟然發現有包脚指尾咁大的海参、諗吓点整啦、見有幾粒瑤柱、就不如加埋荳卜同紅蘿蔔一齊炆、咁就叫做大雜會炆海參。

一人前煲仔飯

今晚約左人係天后站做交收！一個人突然好想食煲仔飯、於是走咗去食白鱔飯、再加個生莱魚球湯、當然食唔晒啦、不過為咗止吓癮又做大嘥鬼(一次咁多啦)。

泰式酸甜鴨脷

見雪柜重有半枝用嚟食泰式生虾的醬汁、等我加d雞醬、青檸汁、魚露……煮碟自創的甜酸鴨脷先！

煮完試咗幾條、估唔到又幾惹味、差d停唔到口、好彩諗起明天要返去QM睇報告、一定要忍。。。忍。。。忍、否则要食糖尿葯就死得嘞。

娘惹咖喱雞

早幾日朋友仔送咗包娘惹咖喱醬比我、今朝買半隻雞嚟玩吓囉、原来一d都唔辣、啱晒我。

材料:
雞半隻斬成四件………先用大約2湯匙娘惹醬醃吓d雞件(大約1/2小時)

其他配料:
蕃茄/薯仔各一個
洋葱半個

調味:
盐/糖/少少老抽

做法:

首先將雞件用鑊煎至微黄、薯仔同洋葱走油、之後加入少許娘惹醬爆吓配料同雞件、炒匀後再放入水、炆至汁杰身加入調味便可上碟、可跟白飯或印度薄餅。

Blog聚

年年Doublema係英國返嚟我同十二月兩夫婦及EE兩夫婦例牌都會見一次。今夭選擇咗去窩打老道YMCA的城景食自助餐、尤於我地有card所以八五折、每位都唔駛190 蚊！

食完分手後我又去咗油麻地文明里間印度舖買咗盒巴基斯坦芒果添、尤於是季節性問題、應該好快完嘞。

焦糖燉蛋Cream Brulee

噚日做的唔多OK……所以今日再做多一次、可以比90分啦！但我懒、copy咗FB過嚟就算嘞。

椰汁虾醬炆腩肉

噚日學咗個新餸、係跟一個得獎的餸(在報紙)、見幾特别、攞嚟送飯都唔錯嫁。

材料

腩肉

其他配料有長身青紅椒、乾葱、蒜头、洋蒽

調味有

虾醬、糖、椰漿、水、

芒果奶凍

噚日買咗一箱巴基斯坦芒果、朋友冇介紹错、果然好清甜、但一個人点食得咁多吖、分咗幾隻比朋友！自己重剩低3隻、因為一箱有8隻……所以做咗幾杯奶凍囉！

材料:

3.7北海道鮮奶……500ml
糖45gm
魚膠粉12gm...用少許凍滚水開匀再坐熱水至溶

做法:

鮮奶加糖煮至微熱(不要滾)

加入巳坐溶之魚膠水、加入1至2滴云呢嗱香精……過濾後放入杯子雪凍、大約2至3小時、拎出加入芒果粒或其他水果粒

貴德宫私房素

今曰係一年一度的觀音正誕！我近年少咗去、突然想去探吓兩隻宝貝、於是走咗去行咗一轉、去完就搭車落湾仔馮太處食素私房莱…………

我的愛犬！

突然好想你。。。。

馬来雞塊

其實我靠估咋！因為係Fb見有馬来的谷友整、我當係啦。

雞半隻斬件

醃料

一般糖、豉油、盐、

另外

麥芽糖、镇讧醋、老抽、水

先煎雞件至半熟、加入另外調味、煮至汁杰身就Ok。

咸湯丸

以前細細個食過一種水上人做的叫盤粉、後來大咗冇得食、好彩八珍重有得賣、点知後來連八珍都冇再賣、始終好懷念！而家唯有試吓做咸湯丸、看可唔可以拾回兒時的感覺、不過始終是兩樣嘢、無論口感同味道都截然不同！

今次我用沙葛、冬菇、虾米、葱粒做餡……罐头雞湯嚟煮就算。

海底燕窩雪耳斑蘭味大莱糕

今日熱到爆、唔想出街……整日煮煮煮……而家係甜品時間、又玩吓新嘢。。。。

低温發酵+直接法焗麵包

今日學人玩咗le款麵包……尤於第一次做……做得唔夠鬆……下次再做好d才出食譜！

雞脚捞麵

今日又整咗雞脚！

簡簡單單煮個捞麵就算咯，太熱唔想出街。

芥末籽蜜糖焗春雞

前幾日係餐廳食過之春雞……今曰心思思又買咗隻嚟玩吓！

材料

春雞一隻開边

醃料

芥末籽/蜜糖/老抽/牛油

醃半天

預熱焗爐250度……每边焗約20分钟

配莱

中華沙律/罐头粟米……用沙律醬捞過放在焗雞底

微辣雞脚

嘻！Le輪日日玩整得意相都唔鬼記得上嚟添。。。

材料:

雞脚20隻
老抽/豆板醬/糖/水/蒜茸

做法:

雞脚飛完水用蒜茸起鑊……加入以上炆煮(细火)……約45分钟。