最後一病。。。。2014

唉！估唔到以為2015年運行好番少少、就点知臨2014最後一天都作病、唔通係黎明前夕之黑暗呢。。。好彩冇發燒咋、否則真係害人害物(事源近日禽流感又重臨香江、我le個垃圾口又剛剛食完雞)、噚晚咳到死死吓、又多痰、囗朧又唔舒服、嚇到成身軟晒呀！

今朝嗱嗱臨買樽咳藥水、同煲番d罗漢水飲吓。

午餐簡單煮碗叉燒朦粉就算啦。

緣。。。。素晚餐

今晚約咗朋友食齋！

有三色齋、紫莱、素獅子头、鮮白合蜜糖荳同甘共苦(咸旦黄炸苦瓜)、素炆伊麵
四人餐承惠四百蚊、都算OK啦！

港岛導遊一天美食團

今日做咗一天美食團團長、第一站湾仔潮州莱、第二站赤柱下午茶、最后一站堅尼地城炭燒煲仔飯！

朋友相聚樂也融融。。。。人生有此良朋。。。不枉此生矣。

鴨脷洲。。。Ocean@132

話咁快聖誕的假期又完嘞！今日費事煮、走咗去歎番個西式午餐先！換咗杯Latte都唔駛一百皮、抵啦！

2014之回顧

自從係2010年開始寫網誌之後、我總喜歡在每年十二月尾來一個總結、逐一回顧一吓。

其實每年總有些事情發生(無論悲与喜)！怪事年年有、但今年特别多、例如從未發生過之雨傘運動、貪官横行、通街有銀紙執的現象都離不開個貪字同錢字……記得前人有句話、國之將亡、妖气冲天、其實現在世界各地紛亂、天气反常、是人類自找的還是天意如此、真令我想不通？

說回自己，今年大致上不過不失、大病托上天鴻福、總算没什麽、小病以现在的年紀或多或少總無可避免、至於心境近年想通了不少、心結大致上亦放下了一大半(當然說完全放下是騙人的)、而且就算一個人有100歲命都只不過得36500日在这個麈世上、唔覺都用咗成30000日啦。。。。希望在大歸之前能夠做得到吧！

好啦！癈話又噏完嘞。。。希望明年還有机會寫吧。

又嚟泰式燒雞餐

嘻！我le款亂搅一通之泰式燒雞真係百食不厭的！

今日又玩多次、我用冰鮮雞肶起肉、先用檸檬葉、香茅、九重塔、魚露、泰式雞醬先醃、之後用焗爐焗熟、先焗肉那边、最後至焗皮那边。

至於個汁……檸檬葉……魚露……香茅……青檸汁……糖……滚水……雞醬……白醋……指天椒……蒜茸……九重塔(份量自己調教)

以上個汁用途甚多嫁！

赤柱半天遊

去完文化中心飲茶、本來搭973返屋企、但見車費貴、顺道入埋赤柱行一轉、一來去觀音寺探吓我两個宝貝、又見好耐冇行過市集、估唔到又比我發現到一檔Jenny Cookies以外的新大陸、款色雖然唔多、勝在多款囗味、而且冇咁重牛油味、食完再交報告。

之後檔主重介紹我去附近的一間赤柱茶餐廳試咗個泰式下午茶添！唔貴兼好食、辣咗少少、可惜逢星期日休息！

Boxing Day之映月楼午餐

今日本來約咗個親戚去文化中心地下的餐廳食午餐、点知去到冇book位冇得食、唯有轉去上面的映月楼飲茶。

聖誕日的午餐

人性的貪婪我終於在Fb親身見到嘞、所以我成日对人講、係金錢的面前有多少人能抗拒呢？之前高官如是、大家族的恩怨情仇如是、甚至昨天有錢執亦如是、其實金錢真係令人又愛又恨、不過亦有路不拾遺之人、正所謂不義之财就算勉強得到又如何呢？人在做、天在看。。。。。。

講完無謂嘢介紹吓今天聖誕日的午餐啦。。。。

鰂魚蘿蔔絲湯
欖豉果皮蒸黄立䱽
白飯

平安夜的聚餐

由於今年我的老朋友外遊、没有以往的聚會、所以今年被一位小學同學邀請參加佢的家庭聚會！感恩。。。。

炒飯

今日同朋友食私房齋、又做香港導遊、買完镛記鴨肝腸、又買糖心皮蛋、之後又去下午茶、最後返到屋企都成五点幾、是但用條臘腸同紹莱炒碗冷飯食就算咯！明晚又有party、费事食得咁勁啦。

聖誕及新年快樂

祝各方好友。。。。。

冬至晚餐

今日入咗西貢朋友的家做冬！

自從我亞Sam走咗之後、每年我到去那位認識咗over40年的老朋友屋企過節。

因為佢屋企好熱鬧、所以我一定去感染吓d气氛嫁。

潮州炒魚麵

去完九龍城行街街、順便買盒魚麵番屋企炒、見雪柜有紅蘿蔔同紹莱、於是浸幾隻冬菇加埋炒碟魚麵食！

葡國雞的晚餐

昨晚買咗隻雞肶做碟葡國雞碟头飯、加埋包鴻福堂的老火湯、又有個好滿足的晚餐啦。不過街賣的老火湯点及自己煲的、但由於没有時間唯有飲住先囉。

超級滋潤無花果茶

早輪係FB見有人教煲le款茶、今曰試吓煲、佢重話叫救命水添！点解就真係唔知嘞。

材料有……美國無花果、南北杏、果皮、本來重有准山添、但我唔記得落！功効講飲完好似皮膚冇咁乾、真定假就唔知呀。

没有廚房的第三十二天

自從亞媽的屋開始拆僭建之後、初初我每天都街外吃、但一向咀刁的我怎能日日食呢！所以决心再在自己那裡重操故業。。。。（因為自從九幾年養狗之後我巳經成廿多年没有在自己屋企開火爐嘞)！

今日簡單地用一人电飯煲煮碗虾乾臘腸飯同用個边爐窩滚個魚尾節瓜湯。冇油煙又食得健康。

我的午餐

今日重係凍凍地冇乜心机煮、是但炒碗隔夜飯、材料係雪柜摷的自家XO醬、雞肉、蛋炒飯加埋前两天浸多咗的燕碎(加圓肉、红棗、杞子)燉碗糖水做飯後甜品。

水鴨湯+蒸排骨午餐

今日凍凍地燉個水鴨湯再加個豉汁蒸排骨飯！食完暖笠笠、一定睡覺到天明啦！嘻嘻。

個水鴨湯材料有准山、茨實、蓮子、圓肉、黨蔘、蟲草花、瘦肉、水鴨。

個豉汁有豆豉、果皮、蒜茸、欖角、最重要係個汁要煮過至捞才好食嫁！

南瓜燕碎

今日執屋執咗成日、由早上十点幾直至下午四点幾都係執得半間屋、真係估唔到有咁多垃圾呀！好彩比我摷到幾片燕碎(可惜唔係金啦)。。。一於今晚用南瓜蓉煮咗個糖水食。。。明天继續睇吓有冇金執到先！哈哈！

改良版櫻花虾三文魚炒飯

本來今日見無聊走咗去圓方搵食、鬼知去咗食台湾嘢、有少許失望、打包咗碟食唔晒的櫻花虾炒飯、今晚加d三文魚、九層塔同日本芥辣、咁又比我整番碗新款炒飯啦！重好食個原裝版本呀。

泰式生莱包。。。encore！

上次做完揾唔番個file、今日幫朋友做嚟開party的。。。。。材料及配料如下…………

材料

免治豬肉適量(我用腩肉、肥d冇咁嚡)

料头

九層塔、檸檬葉、指天椒、乾葱、香茅……全部切碎

調味

魚露、糖、青檸汁、Laab-Namtak Seasoning mix(optional)、老抽

以上用油先炒料头、落肉、調味、加少少水炒熟就OK啦。

用生莱包住食

以上全部配料泰國香料舖有售！

新玩具。。。燉湯煲

噚日買咗個新玩具、今朝又試吓新嘢、用咗快速燉湯的功効、只係一小時半、煲完都唔錯吖。之後加多碗一人电飯煲的雞肉飯、巳經好滿足啦。

粟米雞粒飯

一個人又唔食得幾多、是是但但整個碟头飯就算、今晚買咗隻雞肶起肉切粒、加罐忌廉粟米湯煮個汁、铺在白飯面就搅掂啦。簡單又好味！

杏汁燕窩

今朝比我又摷到宝物、原來重有幾盞以前剩低的越南貨(燕窩)、雖然而家冇乜人食、所以平咗好多、又話冇益、是但啦、唔通扔咗去咩？

我用咗d南北杏磨汁、再燉好燕窩加入燉多一小時、加少少冰糖便OK。

又係婆婆金句。。。。每天愛自己多一点！

文化中心的半自助午餐

早两天同朋友仔去咗文化中心試咗個半自助午餐、真係超值、除咗有四款主莱選擇之外、其他湯、沙律、甜品任食、埋單都只不過八十幾蚊咋、有机會一定再去呀。