龍骨(龍躉骨)煲清補涼湯

昨天路過北角買到两條龍骨，今天煲咗個清補涼湯。。。。

材料有。。。。。

果皮
豬肉
清補涼
龍骨(龍躉骨)

夠钟？？？

唉。。。有d葯食食吓就冇乜効用。。。。本來这半年都叫做瞓得幾粒钟。。。。鬼知近日太后食咗葯都只瞓得两三粒鐘，最慘就係好似日間咁講三講四的說不停(全部都係廢話)、唔答又唔得，咁搅法遲早自己都黐埋線。。。。。所以我成日对d人講。。。。你地未行過别人行過的路。。。。。shut up!

快速煲粥法

有朋友問我点解可以煲粥綿，原因只有一個，就是係臉書學回來的。。。。首先將米洗淨，用盒仔或保鮮袋包好，分别放在冰格上(分量自己調教)。

每次煲粥時，準備好所需之材料，先煲好材料至出味，加入巳從冰格拎出之米，再放入煲内，大约二十分金中便可加盐熄火了。

今天的是鴨腎瑶柱咸肉粥。

蓮藕栗子紅蘿蔔煲豬尾骨

最近係臉書得悉秋冬最好吃栗子蓮藕湯。。。。所以今日煲了这個湯。。。。十分美味。

材料

蓮藕
栗子
紅蘿蔔
豬尾骨

煲约二至二小時半便OK。

Life must go on。。。。

曾經。。。

快樂過
幸福過
失落過
抑鬱過
伤痛過

都一一行過了。。。。突然回首。。。。life is short。。。。life must go on!

我要我的人生，操縱在自己的手裡，無論未來的路還剩餘多少。。。。要令自己快樂地去面对。

感恩

原來这世界上很多人不懂感恩这两個字。。。。。昨天晚上我家工人的handler來settle  印佣同賓姐之間的問题，有人面对面都可以睜大眼講大話自己從來冇bully 别人。。。。簡直係天大的笑話。。。。不過竟然有人信喎。。。。。其實主要的係有人唔想承担責任。。。不過点都好啦。。。。我只有用自己的方法去維持日後有可能發生的事故，求人不如求己吧。

厨餘炒飯

今日見雪柜又有厨餘剩。。。。所以又炒埋一碟比朋友！

白汁蟹肉蘑菇意粉

今晚見重有蘑菇同蟹肉淨低，煮咗碟意粉就算。但由於这两天气温驟降，個心有少少翳翳地，都唔知有冇mood食添。

蟹肉扒荳腐

今天買了两隻花蟹拆肉，用來煮了個白汁蘑菇，準備拎嚟做意粉。

留起部份煮碟荳腐比太后做午餐。

白汁蘑菇湯

學吓人玩拍片，睇吓上載得唔得先。。。。都終都post 唔到上來。。。。只識上載去G+咋。

涼瓜炆䱽魚

而家d 䱽魚超貴，不論粉䱽，黑䱽，燕䱽定英䱽都一樣貴。

成百蚊一條手掌咁大的燕䱽魚都成六七十蚊/條。。。。真係貴到你唔信囉。

今朝用蒜头豆豉涼瓜嚟炆，送飯一流嫁。

欖菜边荳

做法同欖菜差不多，効果唔差。滑d,口感冇四季荳咁鞋口。

一人前之菜胆雞(肶)

昨天去完打流感針同預防生蛇針後，坐地铁去搵食(網友介紹的皮薄小籠包)。

回家後還好飽，但睇完八点半的劇集見有少少餓，便做碟一人前的菜胆雞(肶)😄

驚太夜吃飯糖尿指數又升，只吃餸，沒吃到飯。

亞婆炒鬼刁

無la la 抽起條根，學人炒鬼刁，是是但但炒埋一碟就算係。。。。有蛋，叉燒，洋葱，虾，冇用黃薑粉，只用咖喱醬代替。

鑊仔叉燒

叉燒一路都是用焗爐或光波爐嚟焗，見有人用non stick pan 來整，又試吓啦。

其實醃料一樣咁醃，先用玫瑰露，糖先醃半小時(目的係令梅头豬肉香d)，之後加入調教好之醬汁(叉燒醬，老抽，糖，芝麻醬，蚝油，蒜茸)醃半天。

之後用鑊煮到收淨少少汁，最後加入麥芽糖(若冇可用honey代替)

blog blog 齋

本來冇諗住貼这文章的，点知係fb個網友同我介紹咗le個咁>鑽鬼<嘅名，無理由唔post 啫。

昨晚同幾個網友相聚，吃了一頓素食的晚餐，幾位女仕柴娃娃的唱談兩個多小時。。。之後各自返歸。。。我就歸心似箭的回家睇九点半的劇集(當時巳十点半)。。。。。点知落到太后處佢還未睡。。。。。唉。。。。。行開幾小時條印佣都搅唔掂佢去瞓(真唔知佢有心定無意)。。。最終都要老娘出馬，最後成十一点才瞓着。

大佬呀。。。。咁我有時都要出去鬆吓的，否则屈死嫁。

迷你糯米雞

今日用咗盒即食平價鮑魚，做咗幾隻迷你糯米雞。

好味！

材料有糯米(先用熱水浸過，加入調味蒸成糯米飯)

再加入煮過之餡(有即食罐头鮑魚、雞肉，冬菇，虾米)

用出過水之乾荷葉包成迷你糯米雞，再蒸多20分钟便OK.

杏仁餅

太耐冇整杏仁餅，今次改了少少配方。。。。

綠豆粉100gm
杏仁粉100gm
糖粉60gm
發粉1/4茶匙
梳打粉1/4茶匙
固体菜油1/2杯左右
加入少許碎杏仁

以上搓勻，Pre heat 焗爐180度焗约
10分钟

芋头糕之第二波

今日又做多次芋头糕，配方改動了少許。。。。

粉漿用粘米粉240gm
加入澄麵10gm
水大約220ml

芋头粒，臘腸粒，冬菇粒，虾米共约500gm

調味有五香粉，糖，盐，雞粉各適量

我通常沒有指定的份量，捞好後蒸少量來試味，以合自己口味為準。

太后之午餐(Nov.9)

今天太后的午餐。。。

餐單有。。。。

粟米龍脷柳
牛筋炆蘿蔔
咸雞
火腿炒蛋

太后之午餐(Nov.8)

今朝自己食糯米飯。太后就食得清淡d。。。。。

有。。。金菇煮節瓜，亞婆之精選瑞士汁雞肶，同埋彩椒炒鴨胸。

佢食量少，但都照煮。。。因為覺得如果現在可以食到的都盡量煮比佢。。。。否则他日。。。。。日日拎祭品去墳前拜都沒有意思。。。不是亂噏。。。事實如此呀。

(假)生炒糯米飯

今年第一劑(假)糯米飯出場喇。。。。。

何謂(假)？

之唔係先將糯米洗淨再用熱水浸半小時，之後隔水加入盐，油，蒸熟。

再加入老抽捞勻，用爆料(今次我只用臘腸，冬菇，虾米，瑤柱、同乾葱蒜)边捞边炒，直到顏色均勻便可上碟。

鴨胸炒翠肉瓜

早两天買咗包法國鴨胸，果然一分錢一分貨(太后金句)！

我用咗翠肉瓜，紅蘿蔔，同雞肶菇來炒，更加入虾膠條，用蚝油埋獻。。。。。無論色，香，味都唔差。

太后的午餐

今天再用平價鮑魚炆咗雞腳，煮碟紹菜，加多碟蒜茸粉絲蒸貴妃蚌。

Le輪係我嚴加控制下的食療，太后面口好了些，但尤於太瘦同難吸收。。。。實在沒太大辦法嘞。

現今可做的只能監察着每天的食物，令佢唔會容易食錯隔。。。。因為實在唔想佢去到要用喉管。。。。。醫生一早講過腦退化的人最怕係有飲食困難。。。。那印佣的工作態度真難再信任佢。

又做廣告亞婆

早前拍咗輯醫療單張，今天朋友send 咗來給我睇。

如果個個月有一两單就唔駛申請綜援囉。。。。可惜亞婆年老力衰。。。唉！

真正朋友的定義

今天又在fb發洩吓心中之廢話。。。。。。

平價鮑魚捞麵

昨天晚上試咗碟捞麵，係近日大熱的平價鮑魚，近來市面有不同牌子的平價罐头鮑魚，價錢由三幾十到五十多一罐，分別四，六，至八隻不等。

當然來源地係中國啦。本來食物方面抱着有一定之介心，但講真現今世界各地都賣緊着made in China 的食物，根本上避無可避，唯有自求多福囉。況且去到这年紀，食乜都遲早死嫁啦。