虾仁湯米

Le幾日用手机post上嚟的相唔識整細佢.......攪到唔三唔四.....因為個腦要攪d嘢.....自己又唔識.....唯有搬咗去比朋友個老公攪........今日至攞返嚟.......攪到我連遊戲都冇得打.....十分吊癮.......今晚是是但但煮碗湯米做晚餐就算咯........明天要「東主有事」關門一天！

白汁蘑菇鮮蟹肉意粉

噚曰係西貢食過碟新鮮意粉……囗感好好……所以幫個老闆買左盒返屋企自己試煮……所以今曰整左碟白汁蘑菇鮮蟹肉意粉……真係好好味呀！

生命盡头時！

今日懷着沉重的心情送别陪伴着婆婆成長的最後一隻老龟！

其實佢已經唔行得好一段時間……走都係遲早之事……不過……始終已經同一屋詹下有四十多年……一下子真係難接受的……唯有淌着淚……希望佢早登極樂……有缘來生再有重聚時！

婆婆午餐之叉燒撈麵

應承咗朋友個亞姨整叉燒比佢食........焗完留起幾嚿比自己做lunch......是是但但煮過撈麵又一餐......做人其實好簡單......好又一餐......唔好又餐！

婆婆之特色餸

見好耐冇焗過豬肉乾.....今日就焗番少少嚟玩吓......可能太耐冇整.......整得麻麻咋！

婆婆的老翻菜(1)

係facebook見美味娘娘幫雜誌做咗le個【柚子蜜味鱔】......但而家d鱔好貴......買1/2條起骨都成百蚊.....所以我係超市買咗1pact連骨的鱔片......實際d吖......不過都六十幾蚊嫁......有8片.....所以我醃完攞支竹簽串起佢嚟焗.....簡直美味得很.....啱晒十二日攞嚟送啤酒嘞！

婆婆之麵包篇

婆婆今日又做copy cat.........因為TVB的書有本肥媽的食譜......我又手痕痕跟番轉.....不過冇用佢的份量......我用番自己平時的方法.......好好玩呀！

米雪姐姐之A版沙律

噚晚May姐有請米雪姐姐做咗個意粉雞沙律.......婆婆今日做個A貨版.......改動少少.......

材料:

意粉
雞柳
雞蛋
BB沙律cream
麻油
日式胡麻醬
煙肉粒
salt & pepper

做法:

1).....將意粉先用油鹽煮熟剪成一段段用麻油撈過

2).....雞柳切粒飛水

3).....雞蛋烚熟切粒(原裝用蛋白)

4).....煙肉粒炸脆用嚟灑面用(原裝用ready made)

5).....將意粉/雞粒/雞蛋粒/salt & pepper/BB cream/胡麻醬撈勻放碟中央

6).....再灑入煙肉粒及裝飾便OK

婆婆之粥粉飯麵

話咁快就8號風球.......不如煮碗虾子韭黃草菇湯伊麵食吓啦。

材料:

伊麵一個先出水

草菇適量開边用薑葱飛水候用

韭黃切段

虾子少許

雞湯(做湯底)

煮草菇汁料:

蠔油/糖/雞湯/生粉水(用嚟埋獻用)

做法:

1).....伊麵出水後放碗底

2).....煮滚雞湯放入碗

3).....先炒吓巳出水之草菇....加入虾子.....贊酒.....放入草菇汁料....最後韭黃.....用生粉水埋獻

以上可用嚟扒節瓜甫或荳腐.....免去韭黃

婆婆家常餸之電飯煲焗雞

今日心血來潮想整隻簡單而又容易整的雞.........

材料:

光雞1隻(大約2斤至2-1/2斤左右)

配料:

大量薑葱/芫茜(唔喜歡可免用)

老抽/鹽用嚟先搽雞(內外都要搽勻)....醃1/2小時左右

做法:

1).....將部份薑葱放入雞肚

2).....放剩低的薑葱在電飯煲底.....之後放入雞

3).....再放1/2杯黄酒(花雕 or 玫瑰露)....開着掣(煮飯的function)

4)....當電飯煲跳去keep warm之後再按多一次

5).....全程大約需時1/2小時就OK

6).....凍後便可斬件食

*Remark........le個做法係用傳統的電飯煲做......新款的function未試過

婆婆之自家鮫魚肉

之前係yahoo blog到整過「自打鮫魚肉」......因為唔識搬過嚟.....唯有再做過啦......鮫魚一定要買「扁鮫」....否則打唔到魚丸嫁......今日le條買咗78蚊.....平時好少街市有得賣....因為貴.....只有鯪魚肉賣咋.......

首先叫魚販劏好條魚.......番到屋企洗淨及吸乾水份......用匙刮出魚肉......加入調味(salt/pepper/麻油/生粉).....向同一方向攪.....之後諗住边個最憎的人......用手不停地將魚肉上下咁「撻」.....好似撻生魚咁囉.....做好之後最好雪一小時才用......可煎魚餅或做成魚丸放湯.....煲粥之類.....好正嫁！

婆婆之精選湯(1)

好耐冇煲過老火湯......見朋友上次送比我之礼物中有d花膠仔.......所以買咗隻黑雞.......加咗1隻潺螺.....2隻豬.....同埋花膠仔.......用大中火煲咗1-1/2小時......老火湯終於完成嘞。

婆婆是但西餐之「煙三文莧菜蛋批」

噚日見到教煮餸那家人的工人做左個菠菜蛋批.......我今日又嚟玩吓.......尤於我食緊心臟药.....好似話唔好食菠菜......於是我改左用莧菜......我的靠估方法如下:

材料:

莧菜450gm(熟咗計)....灼熟
鮮奶200ml
蛋3只
芝士碎適量
古月粉/pepper各少許
麵粉約1至2湯匙
煙三文魚1pack....切碎

以上全部(部份三文魚碎同芝士碎留起放面)用攪拌机打爛.....放焗盆(搽少少油)...預熱焗爐200度焗約45分鈡

婆婆之瘋言瘋語(2)

都唔知攪乜鬼.....噚晚用手机post上網......淨得相冇晒內容.......今日婆婆金句:【金也空......銀也空....死後何曾在手中】......唯獨是食咗落肚最實際.......故此今日的午餐雖然簡單.......但好味........清蒸游水白花魚.....烚莧菜....白飯。

鮑魚粒炒飯

今曰去左番工…上門教煮餸兼煮埋……返到屋企成八点幾！

好攰……冲完涼炒左碗鮑魚粒炒飯嚟歎吓先！話之個d衰人死晒……just dont care……

婆婆甜品篇之鮮奶布甸

噚晚幫人整咗幾杯甜品.......我除咗用3.6鮮奶之外.......重先整咗1/4紅莓gelatin dessert係樽底先.....雪約1小時後至放入鮮奶布甸係上面......咁樣睇起嚟靚d又得意.....真係唔錯囉。

婆婆之特式餸

今日傻咗.....唔識cancel多咗的照片添！

我le個瑞士汁係靠估........因為朋友的秘方沒有公開......我唯有又靠估啦.......不過做出嚟都有六七成似.........最重要係試啱自己的口味......

材料有:

新鮮雞翼5隻

先用羗葱飛水再浸冰水候用

婆婆瑞士汁
=========

紅蘿白/西芹/洋葱/香葉/八角/桂皮/老抽(指定要用鉅利的高級醬油)/雞湯/冰糖/水/鹽

先用油炒吓紅蘿白/洋葱/西芹.......之後贊酒....加埋其他滾起慢火煮約1/2小時隔渣便成婆婆瑞士汁.....我的秘方加少許「珠油」顏色會靚d...(珠油鉅利有得賣)

將雞翼放入慢火煮5至6分鈡.....熄火浸多10分鈡便OK

用剩之汁可放冰箱留回下次用......如果覺得唔夠味可將配料加入再煮......其實原理似「鹵水盤」......不過每次用完要滾番至得

婆婆素菜篇之素煙肉炒飯

今日八月十五剛好又係齋期......炒番碟炒飯做午餐......材料有素煙肉.......蛋....小棠菜粒......當然有飯啦........調味我用咗魚露(le個唔係素嚟嫁.......因為我唔係佛教徒......唉吔素食者咋).....嘻嘻！

婆婆今年的生日禮物

婆婆今年雖然未到生日......但老朋友好有心......特登今年車嚟「生日禮物」送比我.......真係好開心.......並不是因為收到禮物開心.......而係個份【心意】........有時連親人都未必做得到.......一句祝福与問候.......更勝萬金呢！.......我真心的感謝。

婆婆沙律篇.....泰式芒果柚子沙律

上次的泰國青芒果巳經過造.....唯有用澳洲芒果嚟頂上啦......至於柚子就用泰國的....因為酸酸地冇咁甜.....而個汁就係......魚露....泰國雞醬.......白醋......糖.....冷開水......味道調教到自己的口味就OK啦！

婆婆的新玩具

今朝一早入咗荃灣......朋友帶我去街市買齋......順便行埋南豐中心買咗個碎肉机......原來加咗配件可以自己做埋腸仔添......我又買嚟玩吓囉(其實我想整臘腸就真).....連腸衣都買埋.....試吓得唔得先！

婆婆亂咁嚟之潮州月餅

婆婆今日又發揮「打天才波」的本領......學人估估吓整「潮州月餅」......不過勁麻煩.......又油皮......又水皮......原理有d似蘿白絲酥餅.......至於個餡我自己做的芋蓉餡......唔落油搓....只加椰汁同少少糖.....大致上都算合格啦！

 水皮同油皮的原材料

婆婆家常餸之栗子炆排骨

Le輪d栗子真係好靚......眾多品種我只愛「桂林蕊」.....今朝買咗一磅嚟做栗蓉.....留起些少嚟炆腩排.....尤於之前買咗d「珠油」....加咗少少嚟一齊炆.....個顏色靚好多。

*珠油係用嚟教色用的.........通常醬料舖有得賣.......如果買唔到可免用

材料:

腩排
栗子適量

炆料:
老抽/珠油(1茶匙)
蘑豉/糖/蒜片

做法:

1).....栗子去皮去衣飛吓水

2).....腩排先用生粉+水醃約1小時後洗淨候用(**目的去豬肉腥味同易腍d)

3).....落油先爆香蒜片並加入栗子同腩排炒至微黄

4).....之後加入炆料再爆香....放入水(以蓋過全部材料為準)

5).....再轉中火炆至腩排同栗子夠腍....之後大火炆至汁收剩少許為準

婆婆素食篇之素炸芋蓉紫菜卷

今日雖然唔係齋期......突然想整碟「素炸芋蓉紫菜卷」......因為le輪d芋头實在太靚啦.....