彩色涼粉條

夏日好想食涼冰冰的甜品、今日記得朋友之前送給我的一個涼粉cutter.

突然又想搅搅震、將馬蹄碎分别用色素(食用那種)轆過、加入木薯粉再出水、之後浸冰水、再加入巳cut條條的涼粉條、雪凍後加入糖漿便OK。

粟米餅

今日平平地煎個素食粟米餅。。。材料有粟米、甘笋、洋葱、芫茜、麵粉同蛋。

攞嚟送白粥唔錯嫁。

炆花菇

噚日執嘢見到有包花菇、炆咗佢、点知執執吓又見到包安記即食鮑魚、二話不說、用电飯煲炆埋佢、由於個胃麻麻、炆完只係試咗少少、之後送咗比人嘞。

而家到咗这年纪、有龍肉都食唔得多、煮只係興趣、煮完多數分比人、正所謂獨樂不如衆樂啦。

亞婆特色糖水

好耐冇玩過雪燕啦。。。。早輪fb大熱的桃膠同雪燕、我個人比較喜歡雪燕、因為食起一絲絲似燕窩、而家有醫學報告又話燕窩对人体不好、所以近年大跌價。

这種雪燕聽聞是取自植物、價廉物美、有大量骨膠原、是否如此好難講、但當為一種甜品亦未嘗不可。

今次我用粟米、馬蹄、蛋花、又搅出一味新花款。。。。哈哈！

三文魚炒莱飯

噚日食剩d菜飯、唔好嘥、加d三文魚粒、粟米、崧子仁又成一碟美味的晚餐嘞。

平時將d头头尾尾用少少方法又可成另一款新菜式。

皮蛋酸羗

上星期醃的子羗今天可以食嘞。。。。。

今年本來唔醃嘅。。。。奈何太吸引、所以只做咗10斤、自己留低的只係一樽片片同一樽條條的就是

瑯琊榜結局篇

劇集終於落幕了、初初從不喜歡觀看(因為主角不是平時睇開的)、到了慢慢被劇情吸引地看落去、覺得劇中人物非一般的宫庭奪嫡之爭、其實最欣赏劇中主角林殊那份為求真相、還我清白的那份心態、到了最後的引退、是近年頗為值得觀看的一套电視劇集。

昨天晚上的新劇集。。。。聽說是想帶出兄弟姊妹之間的團結、一切都拭目以待、因近年本地的电視劇集一蟹不如一蟹、看看今次能否能紐轉乾坤吧。

(圖片來自網絡)

自創芝士蛋糕

我今次亂咁搅、採用Cream cheese 同Ricotta cheese两種唔同的芝士(其實至在清雪柜)、焗完雖然冇日式咁鬆、但囗感都唔差、唔甜、跟住又玩吓變圖、唔駛咁無聊。

自家日式叉燒拉麵

係759買咗包九洲拉麵、試吓自己做日式叉燒、估唔到又幾容易噃。

材料

新鮮豬柳
先飛水、用平底鑊煎香、準備日式汁(三宝。。。味淋、清酒、鰹魚汁)、薑、葱、水、煲豬柳约一小時至入味、凍後切片成日式叉燒。

水滚落拉麵、湯包、煮好後放麵入大碗、加入木耳絲、红椒絲、叉燒片、葱花、麻油、再淋入滚湯、一碗九洲叉燒拉麵誕生了。

今日又做大廚

印姐今天放假、太后唔食菲佣的餸、只好又做back up！

今天煮咗咖喱、拍青瓜、蒸水蛋、生菜。。。。。

希望佢食啦、盡晒力、佢唔吼都冇法。

西芹雞片

雪柜有嚿雞肶肉、加入西芹、紅蘿蔔、红椒又炒埋一碟比朋友做lunch！

自己的午餐簡單陪太后食白粥炒米粉就算。

人性的真偽

近日我又探討咗一個問題、人性是本善定本惡呢？

個人認為人性本身應該是善的、正所謂人之初。。。性本善。。。奈何給这花花世界污染了、又因自身的利益而變到六親不認、好像小孩子如一般的白紙、加進什麽顏色便是什麽颜色一樣。

我相信如何的父母便有如何的子女、身教是鐵一般的事實、婆婆覺得自己的童年雖然窮、太后亦没有什麽教導、但自少睇到佢对人之寛大、自覺不如、雖然近年佢患有腦退化、但亦無減佢对人的厚道、相比之下比佢的另一姊妹(雖然身家豐厚)、对人对事都表裡不一、係我最為不恥的。

個人認為口蜜腹劍的偽君子最可怕。。。。正如我之前講過、最怕的不是壞人。。。。而是表面睇嚟的假好人！

如咖啡同一道理。。。。黑啡定白啡取决於我們落不落奶吧。

(圖片來自網絡)

滑蛋虾仁炒河

今天因為有事外出、快快手炒碟河粉就算。

材料

虾仁適量、用盐擦過、冲洗乾淨、用厨紙抹乾、加古月粉、塩、麻油捞匀、飛水候用。

河粉用盐油炒過放碟中

落油炒過虾仁、落上湯、用生粉埋獻、熄火前推入拂過之蛋。

温馨的晚餐

今日同太后覆診完、同佢去希慎的food court食晏、之後同佢去扮靚、今日又有親戚嚟探佢、所以邀請陪吓太后食晚飯、費事晚晚得工人陪啦。。。。。(事關我冇乜飯癮)

釀荳卜冬瓜粉絲

最近研究咗le味餸、最啱夏天食。

首先將虾膠同墨魚膠加入香芹粒、甘笋粒混合、釀入開边之荳卜、蒸熟、同冬瓜件一齊炆、最後加入蚝油、粉絲再炆多一陣便Ok。

醃子羗

今年原本唔整、但實在忍唔到、因為子羗好靚同平。16蚊斤、所以我買咗五斤、竟然做到六樽。

就算加埋醋、糖、同樽、成本都係30蚊左右咋！

我今次用咗另一配方做。。。。

五斤子薑
二樽汕头白醋
一包冰糖

子薑去皮、洗乾淨、用塩醃吓、吹乾、先用白醋浸一小時、拎起子薑、將糖加入白醋、煮滚、放凍後分别將子薑放入巳消毒之樽、放進巳煮過醋、再放入雪柜、四至五天便可吃。

三色椒子羗雞片

本來今年唔想醃子羗嫁、但太靚同又平、唉！醃番五斤啦。我見去年的還在雪柜、為咗空番d位出來、今朝炒碟三色椒子羗雞片啦。

(这碟用的子

羗是去年醃落)

主觀与客觀

由於自小長大在一個颇為複雜之家庭、形成主觀同偏激、隨着年紀大、漸漸地由主觀的性格、慢慢地變成客觀、对人、对事都一樣、記得先父臨死前、看護他的姑娘(在我家做了九年)、曾对我講、佢發覺我改變了許多(在九年間)、尤其对人对事都不如之前的主觀、那時我還末完全体會自己之改變。

但唯一我至今還不會改變的一点、就是不能容忍别人对我之欺騙。坦白对我嚟講係好重要、因為自己对任何事都會坦誡、要恨無需要隱藏在心、曾經面对面对一位親戚講。。。。我好憎你、因事實如此。亦曾經对太后講過、我对外婆之愛比妳多、因為佢至死最愛的是我、但妳不是。。。。當時我知佢不高興、这一点亦可能做成今天的局面。

現在的我會從别人的角度去睇人和事、别人的難處去衝量、但亦會思考别人是否出自真心定假意。

(網上圖片)

泰式豬、雞沙嗲

今天又用雞肶肉同西班牙梅头扒做咗一打泰式沙嗲比人。

做法同醃法同之前的一樣、只要買到那两包泰式醃料同醬汁巳經搅掂。。。。yummy！

太后的午餐

今天買咗條游水燕星、為咗要太后食、特登落去陪食、否則佢又唔肯就範、这两曰佢唔多舒服、唔肯食、早前收服的两三磅肉、睇嚟都凍過水。

百般無奈

可能近日太多不如意的事發生、一浪接一浪、内心交織着放棄定继續地行落去、但行到这一步、無論对定錯、是没有回头路、以前古人用两句說話形容夫妻的關係。。。百世修來同船渡、千世修來共枕眠。。。。但我同母親的關係又用什麽句子來形容呢？？

現在每一天都要注意着她的變化、不能鬆懈、但另一方又担心自己的經濟狀况、不得不重新上路(找工作)、一諗到这事、總覺無奈、我曾經对自己承諾、身上的大小包袱共大小四個、自1984年開始至今一一卸下、唯獨母親这一個係最難亦係最後的一個、可以点呢？我亦在心理輔導姑娘面前認、做到今天的局面、始作俑者係自己、与人無尤、回想只是當年心不狠！

原來我的心是善良的。。。雖然我還是惡人谷谷主！

陳皮鴨腿湯飯

半边鴨留起隻肶做陳皮鴨腿湯飯！

鴨先飛水、用老抽上色、煎過、洗去油、再用陳皮、花椒八角、盐、雞粉加水煲鴨腿至淋身。

煮好飯、加入上湯同鸭腿便OK。