2023的最后一個下午茶

下午落咗土瓜灣食今年最后的一個「下午茶」~大澳炒飯

之後回家继续焗一口酥、準備今日拎去教會「倒數」

終於在五分钟前完工、一共做100粒、唔知夠唔夠呢？

蟠龍鱔

其實这碟鱔是去年做的、因為今日fb又彈咗出嚟、所以又再重溫一吓而矣😊

做豉汁同梅子都一樣、只要將個汁预先調教好、用油先爆過才加入要蒸的食物、做出嚟的効果一定好食過未经煮過的汁、例如：豉汁（蒜头豆豉加入调味、豉油、糖、酒）、煮前先用油爆過

而梅子就用酸梅、加入白醋、茄汁、糖、少少老抽、一樣用油爆過用

冬菇亭之晚餐

昨天晚上有三位鄰居咁啱放假、所以連同另一位（不用返工）的鄰居、一行五人去了愛民邨的冬菇亭吃晚飯、我們每人叫了一味（包括有：麻辣雞煲、欖角骨、魚香茄子、炆班腩、金銀菜上湯浸菠菜、蛋白瑤柱炒飯）、埋單每人$120左右、都算唔錯、可惜油了一点、不過在街外吃飯、是免不了吧🤪

#冬菇亭

#愛民邨

麵醬雞

前幾日本來想做多一次纸包雞、但最後發覺『纸包雞』的纸袋用完、所以只好用炆焗的方法處理好

今次的醃料包括：甜麵醬、蒜茸、蚝油、老抽、糖、生粉

先用油加干葱爆過雞件、赞酒、炒過雞、加入少量水炆吓焗吓、直到收汁便可上碟

聖誕日的聚會

每年12月的25或26号、我一定會參加好朋友的聚會、但昨天有两位「遠道而來」的老朋友從（美國）返來一起相聚

我每次都重提、相聚是最重要、食物是其次、尤其是相識了差不多半個世紀的好朋友、难得有机會能夠再次聚一聚、他們後天便回美國、不知那年那月再會返來、說到这裡真是有伤感🤔

一如既往、『火雞』是主角、其他配角唔差、快快樂樂的一個午餐很快便食完😊

我的『受洗』大日子

今天萬眾期待的大日子终於來臨了、有五六位朋友來見証我進入基督的大家庭、從此不再孤單一個人、今天之後我便是一個『全新的人』在基督的大家庭同各位弟兄姊妹一同领受主耶穌給我們的愛、願一切的荣光全歸主耶穌基督、亞們♥️

受浸前的『報佳音』現場

今天教會在廣場『報佳音』、我去了現場參觀、一班小朋友唱歌跳舞、十分精彩！

明天便是我『受洗』的大日子、今晚早点休息、準備明天的見証吧

同時今日教會的姊妹送了一份礼物給我、十分感謝♥️♥️♥️

北潭涌的『做冬晚餐』

这幾天香港的天气很凍、昨天被朋友邀请到她家中「做冬」、另外兩位都是認識超過幾十年的老朋友、我們边談边食、又渡過了一個愉快的晚上

菜式十分豐富、有白切雞、燒鴨、燒肉、炸軟殼蟹、蜜汁火方、齋、臘腸同臘鴨、雞湯、芒果布甸、生果

今次大部份的食物都來自深圳蓮塘、因為朋友喜欢每星期都回國内消费、所以燒鴨、燒肉、白切雞、臘腸同臘鴨都在深圳購入

終於明白到而家香港為什麼會每個週末都「水靜河飛」囉、唉！

炸冬菜蒸鲩魚

以前母親在世時很喜欢用「炸冬菜」嚟蒸魚、無論鲩魚、红衫、馬友、撻沙之類

因為佢講用油炸過的冬菜、會香好多

蓮藕栗子紅蘿蔔煲豬尾骨

前幾天屋苑社監比了幾嚿蓮藕我、平時我麻麻地、只會用嚟煲湯、今次我除咗用以上的材料之外、還加了兩塊『瑤魚翅』所以煲完的湯特別甜🤤🤤🤤

椰汁芋头油鴨煲

之前有少少油鴨肶係雪柜、今早買咗半边芋头用椰汁咗佢、顺便同鄰居一齊開餐

油鴨要先拖水（否则好咸）將油鴨同芋头先爆吓、赞酒、落水、收到芋头淋、放椰汁、最后放大蒜、埋獻、熄火、上煲仔

纸包雞

这個菜是一個年青時的回憶、回想70年代期間、我的母親（太后）常常車我們去沙田（现今大圍）附近的沙田酒家品嚐这味菜、之後我學起了烹飪、不停加以鑽研做法、如今亦覺得有七成的近似味道（雖然不太記得真實的味道）

今次又試吓用气炸窩的做法、材料除了有雞件、醃料有甜麵醬、蚝油、老抽、薑汁、糖、生粉、配料有干葱、葱、我今次用焗肉的function 、（200度、焗咗17至18分钟左右）、刚刚好、個人認為很適合自己的口味

蚝士鬆

似乎很久沒做这個餸、今早打開雪柜见到有蚝士、突然又想食、因為昨天買了個西生菜煮魚片粥、若唔食埋佢又會「爛」啦

我的材料有：蚝士（先浸後加薑酒蒸軟身）再切粒、冬菇一樣、红蘿蔔粒、馬蹄粒、肉碎、

薑米、蒜粒、葱粒（最後落）

調味：蚝油、糖、生粉水

魚片生菜粥

今早係超市的火窩系列中發现在现成的鲩魚片賣、心諗每次買魚片自己切總有帶「碎骨」、反正唔貴（$30/包）、不如一試吧、於是買了一包、用青岛貝先煲好白粥、食時加入薑絲同魚片、生菜絲！

食後評價：食起嚟真的沒有骨、而且賣相亦靚仔、但最终味道方面、始終沒有魚枱上「新鮮」的那種「味」

罗宋湯

都唔知幾多年沒有煮過这湯、今早同cafe老闆『吹水』時、原來佢地煮罗宋湯會加「白醋」同「糖」的、所似我今次又照佢的方法做一次、看看效果又會如何🤪

材料：

牛肉碎、香葉、红蘿蔔、洋葱、西芹、椰菜、蕃茄、茄膏

調味：塩、黑椒碎、牛清湯（OX beef）白醋、糖

做法：將蔬菜切小塊、牛肉出水、用茄膏炒過、加水、煲約1-1/2小半左右（是乎多少水）

可跟麵包進食

特式鰻魚炒飯

個人喜欢食鰻魚、無論壽司或炒飯、甚至鰻魚飯、但發覺現時的鰻魚越賣越貴、今日忍唔住買咗pack在壽司counter的鰻魚去炒『鰻魚飯』

今次我除咗用鰻魚切粒、雞蛋、加入蟹籽、葱粒、調味我用魚露、加入少少老抽

做出來的賣相同味道都幾好 🤪

最后有朋友叫我下次炒飯用「急凍」的會平一些喎😅

星期一的午餐（12.11.2023）

今早鄰居放假、本来约咗佢飲茶、但昨天刚飲完早茶、所以不去啦😅

食完早餐後買咗鲩魚尾、加隻節瓜煲個魚湯、買咗塊腐皮、做了幾只前菜（素炸腐皮卷）、前兩天焗燒肉剩低的半件腩肉、加少少薯仔炆咗佢、咁又有肉、有湯、有魚嘞

鮑魚雞湯+叉燒炒飯

昨天又煲埋上次買的青边鮑（雞殼、豬展、瑤魚翅）湯、加多碟叉燒蛋炒飯（因為冇葱、改用香芹粒、都唔錯）、煮完自己留起小碟飯同一碗湯比自己、其他分咗比两位鄰居、皆大欢喜😊

薑葱雞晚餐

今晚做咗碟『去骨薑葱雞』、灼芥蘭苗配白飯做晚餐

下午時顺便做了幾隻白汁雞批送比朋友、自己留起一件做下午茶、掂晒😊

自制燒肉

自從英國回來後甚少自己做『燒肉』、在香港買燒肉十分方便、而且又唔食得多、不過因為昨天贪在街市買滿$400有礼物送（兩支豉油、一支蚝油、一包米）、所以買咗$200豬肉、其中一嚿腩肉、想試吓用「气炸窩」嚟做、効果都唔錯、我谂以後都唔會再做嘞😊（因為唔想食太多肉）、而且越老越細食、唉！

其實整燒肉首要條件就是嚿腩肉夠靚、最好是五層肉、之後要用五香粉、塩、米酒醃過腩肉（底同面）、再用叉在豬皮上「篤窿」、再掃上白醋、放雪柜一夜令其入味、用气炸窩先焗豬腩肉（底向天）、焗約30分钟、之後反轉皮向天再焗多大約35至40分钟、候凍後才斬件

西冷牛扒

曾经戒了十多年的牛肉、近年再次吃番、昨天在超市買咗包「加拿大」的西冷牛扒、但並不好食、可能價錢的問題、除了冇乜肉味之外、又韌、又實、所以下次等有錢時再買過好一点質素的肉吧、以前母親有句经常掛在口边、『一分錢一分貨』、现在諗番起不無道理的😅

瑤柱蟹柳蛋炒飯

上星同朋友係德福商場飲茶、其中一味係炒飯、好細碟、又贵、今天自己照樣炒咗一碟類似、只係冇咗蟹籽、但一樣好食、那日在德福食的要$72、今日自己炒的$15都唔駛😅

新蒲崗飲早茶

今早又約咗李太（網友）飲茶、她請我去她公司附近的叫「帝豪」飲早茶、坐得舒服、食物都唔差、有$48/孖宝、我們叫了三份孖宝都食唔晒、還可以打包、她還送了两盒日本士多啤梨我吃、礼上往來我只能送少少手造曲奇作回報、希望佢喜欢吃吧😍

现在的交往不在乎誰請誰、都是同一句話：相識是一種缘份、相聚是重要的、若「三觀不同」亦沒可能維持成十年的友情吧😊

打边爐之夜

昨天晚上突發性同鄰居打边爐、我們五人在其中一位鄰居的廚房中進行、每位$75、包括有魚、虾、豬肉、牛肉、云吞、豆腐、茄子、芥菜、粟米等等、十分超值、原來现在街市十分靜、大多數人返晒國內消费、唉😭